Libitiku 8:30 - Hanunuu

³⁰ Bag-u nagbuul si Muysis lana ulibu panhaplas hanggan dugu ginan sa harandugan ag winidwisikan niya si Aarun hanggan kay manga anak kaibahan kanda manga rutay. Sa katunda pag paraan pag ihinandug niya sida hanggan kanda manga rutay sa Panginuun.

Libitiku 8:30 Iomraidhean Croise

Pag-ighit 28:2

Pagpatahi kawu banal pag rutay para sa kan Aarun, sa ikagalang hanggan sa ikadayaw manga tawu.

Pag-ighit 29:21

Pagbuul kawu dugu kadiit sa harandugan ag ilibug inda sa lana ulibu pamayid, bag-u iwidwisik inda sa kan Aarun hanggan sa kay manga anak lalaki, hanggan sa kanda manga rutay. Sa panab-anan inda, maintirga si Aarun hanggan kay manga anak, hanggan kanda manga rutay.

Pag-ighit 30:30

“Payidan diman nimu lana ulibu si Aarun hanggan kay manga anak bilang pagtalaga sa kanda, hampay makasirbi sida sa kangku bilang manga manughandug.

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Libitiku 10:3

Magkun si Muysis sa kan Aarun, “Tunda ngani kay ibug sabihun Panginuun katpung magkumun siya, ‘Kailangan kilalan-un manga manughandug kang kabanalan, ag kailangan dayawun aku sa atubangan tanan manga tawu.’ ” Unman nakasagut si Aarun.

Libitiku 7:35

Imaw tunda ti huray ni Aarun hanggan niya manga anak ginan sa manga handug pagsunugun para sa Panginuun, ipinakaun katpung itinalaga sida bilang manugsirbi sa Panginuun bilang manga manughandug.

Libitiku 7:36

Sa tunda pag sirang pagtalaga sa kanda, magkun ti Panginuun sa manga Israilita, “Pakan-an niyu sa kanda ti manga bahagi para sa manga manughandug hanggan aban, ag tupada nida inda tugka sa sunud pag manga sinulput tawu.”

Libitiku 8:12

Bag-u binuhusan niya lana kay ulu ni Aarun hampay italaga siya sa Panginuun.

Bilang 3:3

Pinili sida ag itinalaga sa pagsirbi bilang manga manughandug.

Hibriyu 2:11

Dahil si Hisus tiglumpiyu sa manga tawu kasalanan ag ti manga tawu kay paglumpiyuhun, usa-usa di kanda Ama. Nakan unman diman ikakay-a ni Hisus nu pag-ingarnan niya sida kay manga patar-ari.

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.

1 Huwan 2:27

Dapat duy, ipinakaun ni Kiristu sa kanyu ti Ispiritu Banal, imaw ti nangulian sa kanyu. Nakan balaw yi kailangan may magtudlu waya sa kanyu, dahil ti Ispiritu yi gid tigtudlu sa kanyu sa tanan bagay. Kay pag-itudlu Ispiritu balaw pudil, tunda lunsay katutuuhanan ngap. Nakan pagpaniwala kamu sa tudlu Ispiritu, dagpablag kamu ginan sa kan Kiristu.

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.