Libitiku 8:22 - Hanunuu

²² Ipinab-ul diman ni Muysis ti ikadwa pag lalaki karanidu. Inda pag karanidu handug para sa pagtalaga. Itinungbaw ni Aarun hanggan niya manga anak kanda kamang sa ulu karanidu.

Libitiku 8:22 Iomraidhean Croise

Libitiku 7:37

Tunda ti manga surundanun sa handug pagsunugun, handug pasalamat, handug sa paglumpiyu kasalanan, handug bayad sa kasalanan, handug para sa pagtalaga, ag handug para sa mayad pag pakiusa.

Libitiku 8:2

“Paatiha si Aarun hanggan kay manga anak lalaki sa may sabian Turda Taragbuan, ag tipuna ti buu nasakupan ati. Padaran-an ti manga rutay panmanughandug, ti lana ulibu panhaplas, ti tudu baka handug sa paglumpiyu kasalanan, ti duwa ka karanidu lalaki hanggan ti alat may sukad tinapay unman may pamadaka.”

Libitiku 8:29

Bin-ul ni Muysis ti dubdub karanidu ag kay ipinaabwat tunda para sa Panginuun bilang handug pag-ipaabwat. Imaw tunda kay bahagi ginan sa handug pagtalaga. Inda tanan binwat ni Muysis angay sa sugu Panginuun sa kanya.

Huwan 17:19

Pag-ilubus niku pag-ipakaun kang sadili sa kanmu hampay sida kanmu diman sa panab-anan katutuuhanan.

1 Kurintu 1:30

Pinausa yi kamu Diyus sa kan Kiristu Hisus. Siya ti binwat Diyus gimpuunan kadunungan nita hanggan katadlungan, ag pinablag para sa kanya. Irinibri yi kita sa kanta manga kasalanan.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Ipisu 5:25

Kamu pag manga lalaki, mahalun niyu kanyu sadili asawa babayi parihu diman sa kay pagmahal ni Kiristu sa iglisya. Ipinakaun kabay niya kay buhi, namatay siya para sa iglisya,

Ipisu 5:27

Kay binuwat niya tunda hampay ipaatubang niya sa kay atubangan ti iglisya masnag, unman may huput kadautan, unman may yukut, lubus nasakup sa Diyus, lubus yi lang marinu.