Libitiku 8:15 - Hanunuu

¹⁵ Iniyaw ni Muysis ti baka ag namuul siya kay dugu. Kay isinawsaw kay ituturu sa dugu bag-u ipinayid niya sa manga sungay sa suuk harandugan hampay malumpiyu inda. Ti nasawad pag dugu kay yi inuyang sa sirung harandugan. Katida ngani kay nagtalaga harandugan para sa Panginuun hampay karapat-dapat handugan panlukat sa kasalanan.

Libitiku 8:15 Iomraidhean Croise

2 Krunika 29:24

Pagkatapus, iniyaw manga manughandug ti manga kambing ag ibinuhus kay dugu inda sa harandugan bilang handug sa pag lumpiyu sa kasalanan tanan Israilita. Dahil nagsugu ti hari magpakaun manga handug pagsunugan ag manga handug sa pag lumpiyu para sa tanan Israilita.

Isikil 45:20

Kainda diman ti buwatun niyu sa ikapitu pag sirang sa imaw diman pag bulan para sa kan una si unu ti nagkasala balaw sinadya ngatay nagsalan balaw niya alam. Sa panab-anan inda malumpiyu niyu ti Balay Diyus.

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Libitiku 1:11

Iyawun niya inda sa atubangan Panginuun ati sa amihan baliwa harandugan. Bag-u iwidwisik manga manughandug lahi ni Aarun kay dugu sa sangput harandugan.

Libitiku 1:5

Bag-u iyawun niya tunda pag hayup sa atubangan Panginuun. Ag kay dugu tunda iwidwisik manga manughandug lahi ni Aarun sa sangput harandugan, arani sa may sabian Turda Taragbuan.

Libitiku 16:20

Pagkatapus mabwat ni Aarun ti paglumpiyu sa Pinakabanal pag Sulud-sulud hanggan ti iba waya pag manga bahagi Turda kaibahan ti harandugan, darahun niya sa karaw-an ti buhi pag kambing.

Libitiku 3:2

Ikupa niya kay kamang sa ulu baka, ag iyawun niya tunda ati sa arani sabian Turda Taragbuan. Kay dugu tunda iwidwisik manga manughandug lahi ni Aarun ati sa sangput harandugan.

Libitiku 3:8

ikupa niya kay kamang sa ulu karanidu bag-u iyawun inda ati sa atubangan Turda Taragbuan. Kay dugu inda iwidwisik manga manughandug lahi ni Aarun ati sa may sangput harandugan.

Libitiku 4:25

Bag-u isawsaw manughandug kay ituturu sa dugu kambing ag ipayid niya sa manga ga sungay sa suuk harandugan handug pagsunugun. Ti nasawad pag dugu ibuhus niya sa sirung harandugan.

Libitiku 4:30

Bag-u isawsaw manughandug kay ituturu sa dugu kambing ag ipayid niya sa manga ga sungay sa suuk harandugan handug pagsunugun. Ti nasawad pag dugu ibuhus niya sa sirung harandugan.

Libitiku 4:7

Bag-u payidan niya dugu ti manga ga sungay sa suuk harandugan pagsunugan kamangyan ati sa sulud Turda sa atubangan Panginuun. Ti nasawad pag dugu baka ibuhus niya sa sirung harandugan handug pagsunugun. Inda pag harandugan baliwa sa may arani sabian Turda.

Libitiku 6:30

Dapat nu ti dugu handug dinara sa Banal pag Sulud-sulud, ati sa sulud Turda agud ilukat sa kasalanan usa ka tawu, danga gid tunda pagkan-a pag handug, kailangan sunugun lang gid tunda.

Bilang 8:12

“Pagkatapus, ikupa manga lahi ni Libi kanda manga kamang sa ulu duwa ka baka handug para sa kangku. Kay usa handug sa paglumpiyu ag kay usa handug pagsunugun, hampay mapatawad kanda manga kasalanan.

Ruma 5:10

Kaybi di waya kita manga kalaban Diyus. Dapat ay taynguna kita pinaunyun niya atag sa kay sadili sa panab-anan pagkamatay niya Anak. Nakan ngani lalu gid kita iribri dahil buhi di si Kiristu.

Ipisu 2:16

Sa panab-anan niya kamatayan sa kurus nab-ul niya ti kalagalitan manga Hudiyu ag manga balaw Hudiyu. Parihu kita ipinabalik niya sa Diyus, bag-u binuu niya kita usa yi lang ka bilug.

Hibriyu 2:17

Nakan ngani kailangan siya parihu diman waydi sa kay manga patar-ari sa tanan manga bagay hampay siya usa ka pangulu manughandug sa Balay Diyus maawaun ag matinupadun sa kay magsirbi sa Diyus, hampay mapatawad Diyus ti kasalanan manga tawu.