Libitiku 8:14 - Hanunuu

¹⁴ Pagkatapus inda, ipinab-ul ni Muysis ti tudu baka handug sa paglumpiyu kasalanan. Bag-u itinungbaw ni Aarun hanggan niya manga anak kanda manga kamang sa ulu baka.

Libitiku 8:14 Iomraidhean Croise

Kanta 66:15

Mansagda aku sa kanmu matabul pag manga hayup bilang handug pagsunugun, parihu sa karanidu, tudu baka, ag kambing.

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Isikil 43:19

Ti manga manughandug magsirbi sa kangku, ginan sa lahi ni Libi hanggan manga linahi ni Saduk, pakan-an tudu baka ihandug nida bilang handug sa paglumpiyu.

Isikil 43:20

Pagbuul kawu dugu inda ag payidan sa upat ka ga sungay pag manga suuk harandugan hanggan sa manga suuk sa ikadwa pag palapag harandugan hanggan sa sanipa inda. Sa panab-anan inda malumpiyuhan ti harandugan.

Isikil 44:27

bag-u siya makasulud sa sulud pag sugkadan Balay Diyus sa pagsirbi ati, kailangan maghandug dap siya manga handug sa paglumpiyu para sa kay sadili. Aku, ti Panginuun Diyus, ti magsabi inda.”

Libitiku 1:4

Ikupa niya kay kamang sa kay pag-ihandug ulu baka, ag tanggapun inda Panginuun hampay malukat siya sa kay manga kasalanan.

Libitiku 16:21

Ikupa niya kay duwa ka kamang sa ulu kambing bag-u iampu niya ti tanan kasalanan hanggan ti paglapastangan manga Israilita. Sa panab-anan siyun misalin kanda manga kasalanan tabug sa ulu kambing. Bag-u ipakaun ni Aarun sa katiwala ti kambing hampay palpasan sa pangawakawaan.

Libitiku 16:6

Ihandug ni Aarun ti turiti baka bilang handug panlumpiyu sa kasalanan hampay malumpiyu siya hanggan kay buu magtal-anakan.

Libitiku 4:15

Bag-u ikupa manga manugpamahala Israilita kanda manga kamang sa ulu baka bag-u di iyawun inda sa atubangan Panginuun.

Libitiku 8:2

“Paatiha si Aarun hanggan kay manga anak lalaki sa may sabian Turda Taragbuan, ag tipuna ti buu nasakupan ati. Padaran-an ti manga rutay panmanughandug, ti lana ulibu panhaplas, ti tudu baka handug sa paglumpiyu kasalanan, ti duwa ka karanidu lalaki hanggan ti alat may sukad tinapay unman may pamadaka.”

Bilang 8:12

“Pagkatapus, ikupa manga lahi ni Libi kanda manga kamang sa ulu duwa ka baka handug para sa kangku. Kay usa handug sa paglumpiyu ag kay usa handug pagsunugun, hampay mapatawad kanda manga kasalanan.

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.