Libitiku 7:9 - Hanunuu

⁹ Para diman sa manughandug ti una hintay pag handug bilang pasalamat sa Panginuun, ti tinama sa pugun, sa kawali, ngatay sa sartin.

Libitiku 7:9 Iomraidhean Croise

2 Hari 12:17

Ati pag udas, si Hari Hasail taga Aram nan-gira sa Gat ag naagaw niya inda. Bag-u nagbalak diman siya girahun ti Hirusalim.

Isikil 44:29

Kanda karan-unun ginan sa manga handug pasalamat, manga handug sa paglumpiyu, ag manga handug bayad sa kasalanan. Ag ti manga bagay itinigana para sa kangku bumaliw kanda.

Libitiku 2:10

Ti nasawad sa tunda pag handug para yi sa kan Aarun hanggan sa kay manga lahi, banal gid tunda dahil bahagi tunda handug sa panab-anan apuy ihinandug para sa Panginuun.

Libitiku 5:13

Sa panab-anan inda pag buwat manughandug, malukat ti tawu ginan sa kay manga kasalanan ag patawadun siya Panginuun. Ti nasawad pag handug arina para yi waydi sa manughandug, parihu sa pagbuwatun sa handug pasalamat.

Libitiku 7:10

Ti tanan handug pasalamat, may lakay lana aw ngatay unman, inda tanan para yi sa manga manughandug lahi ni Aarun ag ayaw-ayawun nida inda pari-parihu.

Libitiku 7:8

Kay manga paknul waydi hayup ihinandug bilang handug pagsunugun para yi waydi ngapu sa manughandug.

Bilang 18:9

May imaw kamu kabahagi sa banal pag handug balaw pagsunugun, pag-ihandug manga tawu sa kangku bilang banal pag handug. Kaibahan sa inda pag manga handug ti handug pasalamat, handug sa paglumpiyu, ag handug bayad sa kasalanan. Inda kanmu huray hanggan nimu manga anak.

1 Kurintu 9:13

Unman aw niyu alam ti manga magsirbi ati sa Balay Diyus pagpakan-an karan-unun ginan sa Balay Diyus? Hanggan ti manga magsirbi sa handugan may kahuray waydi sa hayup ihinandug sa Diyus.

1 Kurintu 9:7

Hintay pag sundalu tigsirbi sa katungkulan sadili niya gastus. Si unu lugud pag tawu ti magtanum ubas bag-u ud magpakinabang sa kay burak? Hintay pag manug-alaga sa karanidu ti unman magpakinabang sa kay gatas?

Galasya 6:6

Ti manugtudlu Bagaw Diyus kailangan ayawan niya tuludluan una lang hintay pag kaayadan kanda nakitan.