Libitiku 7:18 - Hanunuu

¹⁸ Nu may mangaun waya sa taguban sa ikatlu pag sirang, balaw yi tanggapun Panginuun tunda pag handug ag unman yi may pulus kay ihinandug. Kilalan-un mayagting ti handug ag magkaimaw waya saragtun ti makakaun.

Libitiku 7:18 Iomraidhean Croise

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Isayas 65:4

Magtukaw sida nu yabi sa manga kalubngan ag sa manga lihim pag rugar hampay manhampang sa karadwa manga namatay. Magkaun sida taguban babuy ag tuhay waya pag manga pag-ibawal kan-un pag karan-unun.

Isayas 66:3

Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Hirimyas 14:10

Inda ti sagut Panginuun sa manga tawu: “Ungud magkaibug yi gid kamu pumakarayu sa kangku; sadili lang niyu kagustuhan kanyu pagsundun. Nakan balaw yi niku kamu tanggapun bilang kang manga nasakupan. Balaw niku malimtan kanyu manga kadautan ag parusahan niku kamu.”

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Isikil 18:20

Ti nagkasala lang pag tawu ti mamatay. Ti anak balaw dapat parusahan dahil sa kasalanan niya ama, ag ti ama balaw dapat parusahan dahil sa kasalanan niya anak. Ti matadlung pag tawu papaladan sa kay matadlung pag manga pagbuwatun, ag ti daut pag tawu parusahan sa kay daut pag manga pagbuwatun.

Husyas 8:13

Magsagda sida sa kangku bag-u kanda diman pagkan-un kanda handug manga taguban, dapat unman aku magbaya sa kanda. Taynguna, alalahanun niku kanda manga kadautan; parusahan niku sida dahil sa kanda manga kasalanan. Bumalik sida sa Ihiptu.

Libitiku 10:17

Magkun siya, “Hayga balaw niyu kinaun ti handug sa paglumpiyu kasalanan sa banal pag rugar? Inda pag handug banal gid ag ipinakaun inda Panginuun sa kanyu hampay malukat ti nasakupan Israil sa kanda manga kasalanan sa atubangan Panginuun.

Libitiku 10:19

Nagsagut si Aarun sa kan Muysis, “Kis-ab naghandug kang manga anak sa harandugan para sa paglumpiyu kasalanan hanggan kanda handug surunugun, dapat namatay ti duwa sa kanda. Sa inda pag nangyari makabaya aw nguna ti Panginuun nu kinaun niku ti handug sa paglumpiyu kasalanan taynguna pag sirang?”

Libitiku 11:41

Danga niyu pagkan-a ti una hintay pag hayup magyapang dahil mayagting tunda: una hintay pag magyapang sa panab-anan niya tiyan ngatay upat aw ngatay mayamu kay karamay.

Libitiku 17:16

Nu balaw niya pipian kay rutay ag unman hanggan marigus, may saragtun siya.

Libitiku 19:5

Nu manhandug kamu sa kangku manga handug para sa mayad pag pakiusa, ihandug niyu inda sa mayad pag paraan hampay tanggapun niku para sa kanyu.

Libitiku 20:17

Nu ti usa ka lalaki maibug bag-u mangulid sa kay patar-ari babayi, una waya patar-ari niya inda sa kay ama ngatay sa kay ina, pinakay-a niya kay patar-ari nakan may saragtun siya. Ag dahil makakaray-a kanda binwat, danga yi niyu sida pagkilalan-a nasakupan niyu.

Libitiku 20:19

Nu ti usa ka lalaki mangulid sa kay bayi, pinakay-a niya kay bayi. May saragtun sida duwa sa kanda binwat.

Libitiku 22:16

agud sa kanyu magkaun inda balaw kamu magkasala ag balaw kamu may saragtun. Aku ti Panginuun, ti nagtalaga sa kanyu para sa kangku.

Libitiku 22:23

Dapat mahimu kamu maghandug baka ngatay karanidu una diman kambing nagkipis kay usa ka bahagi bilug bilang buluntad pag handug, dapat balaw niyu inda mahimu ipakaun bilang handug sa pagtupad taratu.

Libitiku 22:25

Ag danga diman kamu magbili katunda pag kalasi manga hayup ginan sa manga taga iba rugar hampay ihandug sa kangku, dahil balaw niku tunda tanggapun.

Libitiku 5:17

Nu ti usa ka tawu nakalabag sa sugu Panginuun balaw niya alam, nagkasala diman siya ag may saragtun sa Panginuun.

Libitiku 7:19

Nu nisaghid ti taguban sa una hintay pag manga bagay mayagting sa magbantay, danga yi pagkan-a kailangan sunugun yi lang. Tungkul waydi sa handug taguban mahimu kan-un, ti malumpiyu lang pag tawu ti mahimu kumaun tunda.

Amus 5:22

Nakan una waya daran-an niyu aku tuhay-tuhay pag manga handug, una ti pinakamayad waya pag handug, balaw niku inda tanggapun.

Malakyas 1:10

Magkun ti Panginuun Makamaskihan, “Mana may usa sa kanyu sa manga manughandug ti tumalakup sa manga sabian niku Balay, hampay balaw yi kamu magpamakut unman may pulus pag apuy sa kang harandugan. Balaw niku tanggapun kanyu manga handug, dahil balaw aku magbaya sa kanyu.

Malakyas 1:13

Magkun waya kamu magsuku yi kamu sa kanyu maghandug sa kangku, ag pag-ipasipala niyu kang harandugan. Nakan maaw pagsagdahan niyu aku manga hayup may garis, pilay ngatay may sakit. Kanyu aw isip tanggapun niku tunda?

Bilang 18:27

Kilalan-un niku inda bilang kanyu handug ginan sa manga inani, ga naghandug kamu tirigu ginan sa giriukan ngatay pin-ga ubas ginan sa pirigsan.

Lukas 16:15

Dapat sinabi ni Hisus sa kanda magkun, “Kamu magpabalhinguun lang sa atubangan manga tawu, dapat alam di gid Diyus kanyu manga tagipusuun. Dahil ti pagpahalagahan manga tawu, pagbugyahan sa kay magbantay Diyus.

Ruma 4:11

Tinuri siya bilang pinagkatanda sa kay pagkilala Diyus sa kanya kuntay matadlung siya dahil sa kay pagsarig una udwaya siya tinuri. Nakan siya yi ti pinagkagurang tanan tawu magsarig sa Diyus. Siyun ginan sida kinilala waydi Diyus kuntay manga matadlung una manga balaw tinuri.

Hibriyu 9:28

Katunda diman waydi si Kiristu kas-a lang namatay, ipinakaun niya kay buhi sa Diyus ag inaku niya ti kasalanan kalibutan. Bumalik siya aban, balaw yi hampay mamatay maan tungkul sa manga kasalanan tawu, nu unman hampay iribri niya ti manga magpatigagad sa kanya.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”