Libitiku 7:16 - Hanunuu

¹⁶ Dapat nu ti handug para sa mayad pag pakiusa ihandug niya bilang handug pagtupad sa taratu ngatay buluntad pag handug, ti taguban mahimu kan-un sa tunda pag sirang ag kay masawad mahimu waya kan-un sa aldaw pag sirang.

Libitiku 7:16 Iomraidhean Croise

Kanta 116:14

Tupadun niku kang manga taratu sa kanya sa atubangan tanan niya nasakupan.

Kanta 116:18

Tupadun niku kang manga taratu sa kanmu sa atubangan tanan nimu nasakupan

Kanta 66:13

Mansagda aku sa kanmu Balay manga handug pagsunugun. Tupadun niku kang manga itinaratu sa kanmu

Pag-ighit 35:29

Nakan ti tanan Israilita, lalaki hanggan babayi, ti magkaibug mag-awat nagdara kanda buluntad pag manga handug sa Panginuun para sa tanan buruwatun isinugu Panginuun sa panab-anan ni Muysis.

Kabagawan 7:14

“Tinupad niku kainda kang taratu manhandug, ag may manga taguban ati sa balay ginan sa ihinandug niku pag hayup.

Isikil 46:12

Nu manhandug ti takinan handug pagsunugun ngatay handug pagpakiusa angay sa kinabubut-un, bukasan para sa kanya ti lakawan maatubangan sa butlakan. Bag-u manhandug siya manga handug parihu sa kay pag-isagda sa Sirang Pamahari. Pagluwas niya, isaradu yi ti sabian.

Libitiku 22:23

Dapat mahimu kamu maghandug baka ngatay karanidu una diman kambing nagkipis kay usa ka bahagi bilug bilang buluntad pag handug, dapat balaw niyu inda mahimu ipakaun bilang handug sa pagtupad taratu.

Libitiku 22:29

Nu manhandug kamu handug sa pagpasalamat sa kangku, sunda niyu kaayad kay paraan paghandug tunda agud tanggapun niku.

Libitiku 23:38

Idaus niyu inda pag manga itinagka sirang bukud waya sa Sirang Pamahari kanyu pagbuwatun kada duminggu. Ag inda pag manga handug kailangan niyu ihandug dugang sa kanyu manga pasalamat, kanyu manga handug sa pagtupad sa manga taratu, ag kanyu handug buluntad para sa Panginuun.

Nahum 1:15

Bantayi niyu manga taga Huda! May magras-ug manugbarita ginan sa manga kabantudan manultul mayad pag barita hanggan kahusayan sa kanyu rugar. Nakan idaus niyu kanyu manga pista ag tupada niyu kanyu manga taratu sa Panginuun. Dahil ti daut pag nasyun Asirya balaw yi gid gumira sa kanyu, dahil rurisun sida tanan.

Bilang 15:3

paghandug kamu sa kangku sa panab-anan niyu manga hayup. Paghandug kamu manga handug pag sunugun, handug sa pagtupad sa usa ka taratu, handug buluntad, ngatay manga handug sa udas manga pista. Kay hungaw inda pag manga handug sa panab-anan apuy makapasulung sa kangku.

Diyuturunumiyu 12:11

Bag-u darahun niyu kanyu manga handug ati sa piliun Panginuun niyu Diyus pag rugar nu naan pag dayawun siya. Inda pag manga handug ti pag-isugu niku sa kanyu: manga handug pagsunugun ag iba waya pag manga handug, hanggan kanyu ikasampulu, ag ti ipinablag pag manga pakaun, hanggan ti tanan pag pinakamayad pag handug kanyu itinaratu sa Panginuun.

Diyuturunumiyu 12:17

Kailangan danga diman niyu pagkan-a sa kanyu manga banwa inda pag manga magkasunud-sunud: ti ikasampulu niyu ani, ti irinmun ubas ag lana ulibu, ti anak panganay niyu manga hayup, una hintay ti itinaratu ihandug hanggan manga pamakaun, hanggan ti buluntad niyu pag manga handug.

Diyuturunumiyu 12:26

“Daran-un niyu sa rugar piliun Panginuun kanyu banal pag manga handug hanggan kanyu manga itinaratu pag handug sa kanya.

Diyuturunumiyu 12:6

Ati niyu pag darahun kanyu manga handug pagsunugun ag iba waya pag manga handug, ti manga ikasampulu niyu, ti manga ipinablag niyu pag pamakaun, ti manga itinaratu niyu ihandug, ti buluntad niyu pag manga handug, hanggan ti panganay niyu pag manga hayup.