Libitiku 7:12 - Hanunuu

¹² Nu ti hayup handug sa mayad pag pakiusa ihandug tawu bilang pasalamat sa Panginuun, kailangan pag may kaibahan tinapay. Mandara siya tinapay unman may pamadaka — ti madamul pag tinapay may lakay lana, una ti manipis pag tinapay pinayidan lana hanggan ti tinapay binwat ginan sa marinu pag kalasi arina may lakay diman lana.

Libitiku 7:12 Iomraidhean Croise

2 Krunika 29:31

Pagkatapus, magkun si Isikyas, “Taynguna naihandug yi niyu kanyu sadili sa Panginuun, pagdara kamu manga handug, hanggan manga handug pagpasalamat sa Balay Diyus Panginuun.” Nakan nagdara ti manga tawu inda pag manga handug sa Balay Diyus Panginuun, ti iba buluntad nagpakaun manga handug pagsunugun.

2 Krunika 33:16

Pagkatapus, ipinahiwat niya ti harandugan Panginuun ag pinakan-an manga handug para sa mayad pag pakiusa ag manga handug pasalamat. Sinabihan niya ti manga nasakupan Huda kuntay pagsirbi sa Panginuun, ti Diyus Israil.

Nihimyas 12:43

Pagka sa tunda pag sirang, nagpakaun sida mayamu gid pag manga handug ag nagbaya, dahil pinasulung gid sida Diyus. Hanggan ti manga babayi ag manga anak masulung diman. Nakan ti iringayan nida kabayaan mag-adnugan una sa arayu.

Kanta 107:8

Kailangan pagpasalamat sida sa Panginuun dahil sa kay pagmahal ag sa kay makadululaw pag manga binwat sa manga tawu.

Kanta 116:17

Dumayaw aku sa kanmu ag manhandug aku handug bilang pagpasalamat sa kanmu.

Kanta 50:23

Maggalang sa kangku ti maghandug may pasalamat, ag ti magdahan sa kay pag-ugaliun iribri niku.”

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Husyas 14:2

Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.

Libitiku 2:4

Nu may manhandug tinapay tinama sa pugun bilang handug pasalamat, kailangan buwat inda ginan sa marinu pag kalasi arina ag balaw pinaulian pamadaka. Mahimu yi ihandug ti madamul pag tinapay may lakay lana ngatay ti manipis pag tinapay pinayidan lana.

Libitiku 2:5

Nu ti ihandug pag tinapay tinama sa sartin, kailangan buwat inda ginan sa marinu pag kalasi arina may lakay lana, dapat balaw may lakay pamadaka.

Libitiku 22:29

Nu manhandug kamu handug sa pagpasalamat sa kangku, sunda niyu kaayad kay paraan paghandug tunda agud tanggapun niku.

Libitiku 6:16

Ti nasawad pag arina tamaun ag kan-un ni Aarun kaibahan kay manga lahi. Dapat tamaun nida inda unman may pamadaka, ag kan-un nida ati sa may sabian Turda Taragbuan, usa ka banal pag rugar. Ipinakaun tunda Panginuun sa kanda bilang bahagi manga handug sa panab-anan apuy. Banal gid ti handug pasalamat sa Panginuun, ga handug sa paglumpiyu ag panlukat sa kasalanan.

Libitiku 7:15

Nu ti handug para sa mayad pag pakiusa kay ihandug bilang pasalamat sa Panginuun, tunda pag taguban kailangan kan-un manughandug hanggan niya magtal-anakan ag manga manughandug sa tunda diman pag sirang paghandug; kailangan balaw yi umaput surip.

Amus 4:5

Pagsunug kamu tinapay may pamadaka bilang handug pasalamat sa kangku. Malu, ipadayaw niyu tunda hanggan kanyu manga buluntad pag handug, dahil tunda kanyu pagkaibgan buwatun. Aku, ti Panginuun Diyus, ti magsabi inda.

Bilang 6:15

Bukud waya siyun, manhandug diman siya manga handug pasalamat sa Panginuun, manga handug irinmun, ag usa ka alat tinapay unman may pamadaka binwat ginan sa marinu pag kalasi arina. Kay iba ka tinapay madamul may lakay lana ag kay iba waydi manipis pinayidan lana.

Lukas 17:16

Napadapa siya sa atubangan ni Hisus magpasalamat sa kanya. Usa ka taga Samarya siya pag tawu.

Lukas 17:18

Una di usa udyi aw may nagbalik nagdayaw sa Diyus nu ud ngap inda pag ginan sa iba daga?”

Ruma 1:21

Madi alam nida may imaw Diyus, unman nida pagdayawun ngatay pagpasalamatan. Bagkus ngap pinamintuhu nida ti manga bagay unman may kabuluhan, nadluman yi lang kanda naisipan unman makaintindi sa katutuuhanan.

Ipisu 5:20

Pirmi kamu pagpasalamat sa Diyus Ama tungkul sa tanan bagay sa kay ngaran nita Panginuun Hisu-Kiristu.

Hibriyu 13:15

Magdayaw kita pirmi sa Diyus bilang kanta handug sa kanya. Mabuwat nita inda sa pagpahayag kuntay kilala nita si Hisus.

1 Pidru 2:5

Bilang ga manga batu may buhi waydi pagga manga kalap kamu Balay Diyus hampay ulian Ispiritu. Bag-u bilang ga manga manughandug ibinukud para sa Diyus, pagpakaun kamu sa Diyus manga pakaun angay sa Ispiritu, kay pagbayaun Diyus dahil sa kan Hisu-Kiristu.