Libitiku 6:4 - Hanunuu

⁴ Nu mapatutuuhanan kuntay nagkasala siya, kailangan iuli niya ti tinakaw, ngatay ti bin-ul lakaw sa pandaya, ti manga bagay iinintirga ag ipinahamnu sa kanya, una ti manga nadura pag bagay bag-u nakitan di niya,

Libitiku 6:4 Iomraidhean Croise

Gimpuunan 21:25

Dapat nagriklamu si Abraham sa kan Abimilik tungkul sa bubun inagaw manga suruguun niya.

Nihimyas 5:11

Taynguna diman ibalik niyu ti manga tanman, manga ubasan, manga tanuman ulibu, hanggan manga balay manga may utang sa kanyu. Ibalik diman niyu ti patubu sa ipinaudam niyu kuwarta, tirigu, irinmun ubas hanggan lana ulibu.”

Hub 20:19

Dahil dinaya niya ti manga pugri ag pinabay-anan niya sida makuri. Inagaw niya ti manga balay balaw kanya.

Hub 24:2

Magpangagaw daga ti daut pag manga tawu sa panab-anan paghalin muhun. Magtakaw sida manga hayup ag pag-ipaamut sa kanda sadili manga hayup.

Isikil 18:12

Pag-apihun niya ti manga makuri hanggan manga pugri. Magtakaw siya, ag unman niya pag-iuli ti garantiya manga nakautang sa kanya. Magsamba siya sa manga diyus-diyusan, ag magbuwat mayagting pag manga bagay.

Isikil 18:18

Dapat kay ama mamatay dahil sa kay kasalanan, dahil nanguwarta siya, nanakaw ag nagbuwat daut sa kay kasimanwa.

Isikil 18:7

Unman siya mag-api, ag pag-iuli niya ti garantiya manga nakautang sa kanya. Unman siya magtakaw, nu unman pagpakaunun niya ti manga magkalun-us ag pagpakan-an rutay ti manga unman may rutay.

Isikil 33:15

halimbawa, inuli niya ti ipinilinda sa kanya ngatay kay tinakaw, sinunud niya ti manga surundanun magpakaun buhi, bag-u unman siya nagbuwat daut — inda pag tawu pihu mabuhi; balaw siya mamatay.

Isikil 44:19

Nu magluwas sida sa luwas pag sugkadan nu naan ati ti manga tawu, kailangan ubahun dapu nida kanda manga rutay ginamit sa pagsirbi bag-u ipauli ati sa banal pag manga sulud-sulud, bag-u di manrutay sida panulungun lang pag manga rutay. Sa panab-anan inda, ti pagkabanal nida rutay balaw makaapiktu sa manga tawu.

Libitiku 24:18

Ag ti tawu makamatay sa hayup iba kailangan ilisan niya inda, dahil may buhi diman waydi inda pag hayup, nakan kailangan buhi waydi kay iilis.

Libitiku 24:21

Una si unu ti makamatay hayup kailangan ilisan niya tunda, dapat ti makamatay tawu kailangan gid matyun diman.

Amus 3:10

Inda ti pagsabihun Panginuun Diyus laban sa Samarya: “Unman sida madunung magbuwat matadlung. Ti mapag-un pag bahagi banwa nida punu manga butang tinakaw hanggan inaghas. Nakan girahun sida manga kalaban ag dautun kanda manga kampu. Bul-un manga kalaban ti manga kasiyunan sa mapag-un pag bahagi banwa.”

Mikas 2:2

Pag-agawun niyu ti manga tanman hanggan ti pagkaibgan niyu pag manga balay. Pagdayaun niyu ti manga tawu hampay mab-ul niyu kanda balay una hanggan kanda minana pag daga.

Sipanyas 1:9

Parusahan diman niku sa ati pag sirang ti tanan magpaamut sa manga turupadun manga unman magkilala sa kangku, ag ti manga mag-unuunu ag magdaya hampay pun-un manga bagay ti balay nida amu.

Malakyas 1:13

Magkun waya kamu magsuku yi kamu sa kanyu maghandug sa kangku, ag pag-ipasipala niyu kang harandugan. Nakan maaw pagsagdahan niyu aku manga hayup may garis, pilay ngatay may sakit. Kanyu aw isip tanggapun niku tunda?

Bilang 5:7

Kailangan akuun niya kay nabwat kasalanan, ag kailangan bayadan niya buu ti nabwatan niya kadautan, ag dugangan waya 20 ka bahagi kay ibayad.