Libitiku 6:29 - Hanunuu

²⁹ Mahimu kumaun tunda pag handug ti tanan lalaki sa magtal-anakan manga manughandug. Banal gid tunda pag handug.

Libitiku 6:29 Iomraidhean Croise

Isikil 42:13

Magkun ti tawu sa kangku, “Inda pag manga sulud-sulud sa kanaway ag sa salatan, sa tupad sulud sugkadan, banal pag manga sulud-sulud. Dahil ti manga manughandug maghandug sa Panginuun siyun pag mangaun manga Pinaka Banal pag manga handug. Gamitun diman nida inda pag manga sulud-sulud paraulian manga handug pasalamat, manga handug sa paglumpiyu, ag manga handug bayad sa kasalanan. Dahil inda pag sulud-sulud banal.

Libitiku 6:25

sabihi si Aarun hanggan kay manga anak lalaki tungkul sa inda pag manga surundanun: Ti handug sa paglumpiyu kasalanan kailangan ati pag-iyawun sa atubangan Panginuun sa rugar iriyawan handug surunugun. Banal gid ti handug sa paglumpiyu kasalanan.

Libitiku 6:26

Ti manhandug pag manughandug kailangan sa may sabian Turda Taragbuan pag kumaun, usa ka banal pag rugar.

Libitiku 7:6

Tanan lalaki sa magtal-anakan manga manughandug mahimu kumaun nagsawadan handug, dapat kailangan kan-un nida inda ati sa banal pag rugar, dahil banal gid inda.

Hagay 2:12

‘Halimbawa, may usa ka tawu may dara banal pag taguban handug masaputan sa kay rutay, ag nisaghid inda sa tinapay, sabakan, intus, lana ulibu, una hintay pag karan-unun, bumaliw aw waydi nguna banal inda?’ Nagsagut ti manga manughandug, ‘Unman duy!’

Bilang 18:10

Kan-a niyu inda sa banal pag rugar. Kailangan manga lalaki lang ti mangaun inda ag kilalan-a niyu inda banal.