Libitiku 6:27 - Hanunuu

²⁷ Ti maghiyaput sa tunda pag handug kailangan banal. Ti matarupsikan dugu pag rutay kailangan pipian sa banal pag rugar ati sa Turda.

Libitiku 6:27 Iomraidhean Croise

Pag-ighit 29:37

Buwata nimu inda sa sulud pitu ka sirang; ag bumaliw banal ti harandugan, ag kailangan banal diman ti maghiyaput inda.

Pag-ighit 30:29

Intirgahan nimu inda pag manga bagay hampay lubus yi gid banal; ag kailangan banal diman ti maghiyaput inda.

Isikil 44:19

Nu magluwas sida sa luwas pag sugkadan nu naan ati ti manga tawu, kailangan ubahun dapu nida kanda manga rutay ginamit sa pagsirbi bag-u ipauli ati sa banal pag manga sulud-sulud, bag-u di manrutay sida panulungun lang pag manga rutay. Sa panab-anan inda, ti pagkabanal nida rutay balaw makaapiktu sa manga tawu.

Libitiku 11:32

Una hintay pag bagay ti malagpakan bilug namatay tunda mauring yi gid, una bagay buwat sa kayu, una pisahan, una paknul, ngatay saku, hanggan una naan inda paggamitun. Kailangan ugasan tunda sa danum, dapat kilalan-un waya inda mauring tugka sa mag-isalup init, makalawuy tunda, malumpiyu yi.

Libitiku 6:18

Ti tanan lalaki lahi ni Aarun hanggan ti sunud niya pag manga sinulput tawu, mahimu di kumaun inda pag bahagi handug, dahil kanda inda pag bahagi sa handug para sa Panginuun sa panab-anan apuy. Ti maghiyaput tunda pag manga handug kailangan banal.

Libitiku 7:19

Nu nisaghid ti taguban sa una hintay pag manga bagay mayagting sa magbantay, danga yi pagkan-a kailangan sunugun yi lang. Tungkul waydi sa handug taguban mahimu kan-un, ti malumpiyu lang pag tawu ti mahimu kumaun tunda.

Hagay 2:12

‘Halimbawa, may usa ka tawu may dara banal pag taguban handug masaputan sa kay rutay, ag nisaghid inda sa tinapay, sabakan, intus, lana ulibu, una hintay pag karan-unun, bumaliw aw waydi nguna banal inda?’ Nagsagut ti manga manughandug, ‘Unman duy!’

Matiyu 14:36

Nanhagad sida pahintulut sa kan Hisus hampay makaigpil ti may manga sakit sa sidsid niya balukas sadsad. Ti tanan nakaigpil naayadan yi.

Matiyu 9:21

Dahil pag-isipun niya, “Nu maigpilan lang niku kay rutay pihu gid aku maayadan.”

2 Kurintu 7:1

Mahal niku pag manga patar-ari, itinaratu sa kanta inda pag manga kaayadan, nakan paglumpiyuha gid kanta sadili sa tanan kayagtingan nita bilug hanggan naisipan. Pag-ungud kita kanta ugali maggalang sa Diyus, ilubus yi nita ipasakup kanta sadili sa kanya.

2 Kurintu 7:11

Isipa niyu kanyu buhi nu hintay ti nangyari sa kanyu dahil sa kanyu karukuan ginan sa Diyus. Nanipag yi gid ungud kamu hampay makilala kuntay kamu unman may kasalanan sa siyun pag manga nangyari, magkaaburidu kamu sa kanyu sadili bilug, dinurnan kamu dala, magpatigagad yi sa kang pagras-ug, pagpakibudlayan niyu sa gustu lang niyu maparusahan ti nagkasala. Ipinakakit niyu lubus kuntay unman may labut kamu sa siyun pag manga nangyari.