Libitiku 6:26 - Hanunuu

²⁶ Ti manhandug pag manughandug kailangan sa may sabian Turda Taragbuan pag kumaun, usa ka banal pag rugar.

Libitiku 6:26 Iomraidhean Croise

Pag-ighit 40:33

Bag-u ipinauli ni Muysis ti manga limbun sa sugkadan, masangputan sa Turda ag sa harandugan, hanggan ti limbun sa sabian sugkadan. Ag natapus gid ni Muysis ti tanan buruwatun.

Isikil 42:13

Magkun ti tawu sa kangku, “Inda pag manga sulud-sulud sa kanaway ag sa salatan, sa tupad sulud sugkadan, banal pag manga sulud-sulud. Dahil ti manga manughandug maghandug sa Panginuun siyun pag mangaun manga Pinaka Banal pag manga handug. Gamitun diman nida inda pag manga sulud-sulud paraulian manga handug pasalamat, manga handug sa paglumpiyu, ag manga handug bayad sa kasalanan. Dahil inda pag sulud-sulud banal.

Isikil 46:20

Magkun siya sa kangku, “Sitaay pag rugar ti manga manughandug magtama handug bayad sa kasalanan, handug sa paglumpiyu, hanggan handug pasalamat. Sitaay nida inda pagtamaun hampay maamanan nida ti pagdara manga handug sa luwas sarakahan. Sa panab-anan inda mapinsala ti manga tawu sa kabanalan.”

Husyas 4:8

Gustu niyu magkasala kang manga nasakupan hampay makakaun kamu kanda manga handug panlumpiyu.

Libitiku 6:16

Ti nasawad pag arina tamaun ag kan-un ni Aarun kaibahan kay manga lahi. Dapat tamaun nida inda unman may pamadaka, ag kan-un nida ati sa may sabian Turda Taragbuan, usa ka banal pag rugar. Ipinakaun tunda Panginuun sa kanda bilang bahagi manga handug sa panab-anan apuy. Banal gid ti handug pasalamat sa Panginuun, ga handug sa paglumpiyu ag panlukat sa kasalanan.

Libitiku 6:29

Mahimu kumaun tunda pag handug ti tanan lalaki sa magtal-anakan manga manughandug. Banal gid tunda pag handug.

Libitiku 7:7

Parihu lang kay surundanun tungkul sa handug sa paglumpiyu kasalanan hanggan sa handug bayad sa kasalanan: inda pag manga handug taguban para yi sa manughandug.

1 Kurintu 9:13

Unman aw niyu alam ti manga magsirbi ati sa Balay Diyus pagpakan-an karan-unun ginan sa Balay Diyus? Hanggan ti manga magsirbi sa handugan may kahuray waydi sa hayup ihinandug sa Diyus.