Libitiku 6:21 - Hanunuu

²¹ Inda pag arina kamasun kaayad sa lana bag-u tamaun sa kawali. Ag nu tama yi, pika-pikahun inda ag ihandug sa Panginuun bilang handug pasalamat. Kay hungaw inda pag handug makapasulung gid sa Panginuun.

Libitiku 6:21 Iomraidhean Croise

1 Krunika 23:29

Sida diman ti piniyaran sa banal pag tinapay pag-ipauli sa lamisa, sa arina para sa manga handug pamakaun, sa tinapay unman may pamadaka, ag sa iba waya pag pagtamaun ag panlakay. Sida diman ti piniyaran sa pagkilu ag sa pagsukat sa tanan handug.

1 Krunika 9:31

Si Matitiya lahi ni Libi, kay panganay pag anak ni Salum kay linahi ni Kura, imaw ti piniyaran sa magtama tinapay pansagda.

Libitiku 11:33

Nu malagpakan bilug namatay ti tapayan, tanan kay sukad tapayan mauring yi, ag kailangan basagun tunda.

Libitiku 15:12

Tunda pag tawu nu makaigpil anglit, kailangan gipakun yi pag anglit, una hintay pag gamit buwat sa kayu nu kay mahiyaptan kailangan ugasan di tunda.

Libitiku 2:5

Nu ti ihandug pag tinapay tinama sa sartin, kailangan buwat inda ginan sa marinu pag kalasi arina may lakay lana, dapat balaw may lakay pamadaka.

Libitiku 6:22

Kailangan sunugun inda tanan, dahil handug inda para sa Panginuun, ag kailangan tupadun nida hanggan aban. Kailangan buwatun inda lahi ni Aarun imaw ti umilis sa kanya bilang pangulu manughandug.

Libitiku 7:12

Nu ti hayup handug sa mayad pag pakiusa ihandug tawu bilang pasalamat sa Panginuun, kailangan pag may kaibahan tinapay. Mandara siya tinapay unman may pamadaka — ti madamul pag tinapay may lakay lana, una ti manipis pag tinapay pinayidan lana hanggan ti tinapay binwat ginan sa marinu pag kalasi arina may lakay diman lana.

Libitiku 7:9

Para diman sa manughandug ti una hintay pag handug bilang pasalamat sa Panginuun, ti tinama sa pugun, sa kawali, ngatay sa sartin.