Libitiku 6:18 - Hanunuu

¹⁸ Ti tanan lalaki lahi ni Aarun hanggan ti sunud niya pag manga sinulput tawu, mahimu di kumaun inda pag bahagi handug, dahil kanda inda pag bahagi sa handug para sa Panginuun sa panab-anan apuy. Ti maghiyaput tunda pag manga handug kailangan banal.

Libitiku 6:18 Iomraidhean Croise

Pag-ighit 29:37

Buwata nimu inda sa sulud pitu ka sirang; ag bumaliw banal ti harandugan, ag kailangan banal diman ti maghiyaput inda.

Libitiku 3:17

Danga kamu magkaun taba ngatay dugu. Inda pag surundanun kailangan sundun niyu hanggan niyu sunud pag manga sinulput tawu, una naan kamu pag mangulian.

Libitiku 4:24

Handug inda para sa paglumpiyu niya kasalanan. Ikupa niya kay kamang sa ulu kambing bag-u iyawun niya tunda ati sa atubangan Panginuun, sa may rugar iriyawan manga hayup bilang handug pagsunugun.

Libitiku 4:3

Nu pangulu manughandug ti nagkasala balaw tikis, ag dahil siyun nadamay ti manga tawu, manhandug siya sa Panginuun turiti baka unman may alangan bilang handug sa paglumpiyu kasalanan.

Libitiku 4:33

Ikupa niya kay kamang sa ulu karanidu, bag-u iyawun ati sa Turda, sa may rugar iriyawan manga hayup bilang handug pagsunugun.

Libitiku 6:10

Isulung manughandug kay panluwas pag rutay linu, hanggan kay salwal linu, bag-u bul-un niya ti dapug sa inda pag handug ag ipauli sa saruy harandugan.

Libitiku 6:19

Inda ti sinabi Panginuun sa kan Muysis

Libitiku 6:27

Ti maghiyaput sa tunda pag handug kailangan banal. Ti matarupsikan dugu pag rutay kailangan pipian sa banal pag rugar ati sa Turda.

Libitiku 6:29

Mahimu kumaun tunda pag handug ti tanan lalaki sa magtal-anakan manga manughandug. Banal gid tunda pag handug.

Libitiku 7:6

Tanan lalaki sa magtal-anakan manga manughandug mahimu kumaun nagsawadan handug, dapat kailangan kan-un nida inda ati sa banal pag rugar, dahil banal gid inda.

Bilang 18:10

Kan-a niyu inda sa banal pag rugar. Kailangan manga lalaki lang ti mangaun inda ag kilalan-a niyu inda banal.

Bilang 18:8

Bag-u magkun ti Panginuun sa kan Aarun, “Aku ti nagpili sa kanmu imaw ti manpamahala sa banal pag manga handug pag-ihandug manga Israilita sa kangku. Pag-ipakaun niku inda sa kanmu hanggan sa kanmu manga anak bilang kabahagi niyu hanggan aban.

1 Kurintu 9:13

Unman aw niyu alam ti manga magsirbi ati sa Balay Diyus pagpakan-an karan-unun ginan sa Balay Diyus? Hanggan ti manga magsirbi sa handugan may kahuray waydi sa hayup ihinandug sa Diyus.

1 Pidru 1:16

Angay sa isinurat sa Banal Kasuratan, magkun ti Diyus, “Ilubus ipasakup niyu kanyu sadili sa kangku, dahil aku banal.”

1 Pidru 2:9

Dapat kamu ungud usa ka pinili pag lahi. Parihu sa manga manughandug sa Balay Diyus, kanyu pagsirbihan si Kiristu pag Hari. Kamu usa ka nasyun binukud para sa Diyus. Pinili kamu Diyus hampay kamu kay sadili yi pag nasakupan ag hampay ipaburayhaw niyu kay manga buwat makadululaw. Siya diman waydi ti nagtawag sa kanyu ginan sa kadudulman tabug sa kaladulawan pag karayawan niya.