Libitiku 6:16 - Hanunuu

^16-17 Ti nasawad pag arina tamaun ag kan-un ni Aarun kaibahan kay manga lahi. Dapat tamaun nida inda unman may pamadaka, ag kan-un nida ati sa may sabian Turda Taragbuan, usa ka banal pag rugar. Ipinakaun tunda Panginuun sa kanda bilang bahagi manga handug sa panab-anan apuy. Banal gid ti handug pasalamat sa Panginuun, ga handug sa paglumpiyu ag panlukat sa kasalanan.

Libitiku 6:16 Iomraidhean Croise

2 Krunika 31:14

Si Kuri kay anak ni Imna, usa ka Libita, guwardiya sa butlakan sabian Balay Diyus, siya ti piniyaran mag-asikasu sa manga buluntad pag handug sa Diyus. Karampatan niya ti mag-ayaw sa manga manughandug hanggan sa manga Libita manga bagay ihinandug yi sa Panginuun hanggan manga banal pag handug.

Pag-ighit 12:8

Sa ati pag yabi, kanyu kan-un sinugba karanidu, marapait pag urupiun hanggan tinapay unman may pamadaka.

Isikil 44:29

Kanda karan-unun ginan sa manga handug pasalamat, manga handug sa paglumpiyu, ag manga handug bayad sa kasalanan. Ag ti manga bagay itinigana para sa kangku bumaliw kanda.

Libitiku 2:3

Ti nasawad pag arina para yi sa kanda ni Aarun hanggan sa kay manga lahi, banal gid inda dahil bahagi inda handug sa panab-anan apuy para sa Panginuun.

Libitiku 5:13

Sa panab-anan inda pag buwat manughandug, malukat ti tawu ginan sa kay manga kasalanan ag patawadun siya Panginuun. Ti nasawad pag handug arina para yi waydi sa manughandug, parihu sa pagbuwatun sa handug pasalamat.

Libitiku 6:23

Ti tanan handug pakaun manughandug bilang pasalamat sa Panginuun kailangan tabuhun gid sunugun; danga gid pagkan-a.

Libitiku 6:26

Ti manhandug pag manughandug kailangan sa may sabian Turda Taragbuan pag kumaun, usa ka banal pag rugar.

Bilang 18:8

Bag-u magkun ti Panginuun sa kan Aarun, “Aku ti nagpili sa kanmu imaw ti manpamahala sa banal pag manga handug pag-ihandug manga Israilita sa kangku. Pag-ipakaun niku inda sa kanmu hanggan sa kanmu manga anak bilang kabahagi niyu hanggan aban.

1 Kurintu 5:8

Nakan ngani tun-anun nita ti kapistahan. Dayi kita sa tinapay may daan pamadaka, imaw ti kasalanan hanggan daut pag naisipan. Pagkaun kita sa tinapay unman may pamadaka. Kay ibug sabihun pagmalumpiyu kanta naisipan, pag may katutuuhanan.