Libitiku 5:7 - Hanunuu

⁷ Dapat nu unman siya may kakayahan manhandug karanidu ngatay kambing, manhandug lang siya duwa ka kalampati ngatay duwa ka kurkuru bilang bayad niya sa kay kasalanan: kay usa, handug sa paglumpiyu kasalanan ag kay usa handug pagsunugun.

Libitiku 5:7 Iomraidhean Croise

Libitiku 12:6

Nu tapus yi ti manga sirang niya para sa paglumpiyu, lalaki man ngatay babayi kay anak, dumara siya usa ka karanidu usa ka timpu kay idad atag sa manughandug ati sa may arani sabian Turda Taragbuan bilang handug pagsunugun, hanggan usa ka kurkuru ngatay kalampati bilang handug sa paglumpiyu kasalanan.

Libitiku 16:5

Mamakaun sa kanya ti kabuuhan Israil tigudwa ka lalaki kambing hampay ihandug sa paglumpiyu manga kasalanan ag usa ka lalaki karanidu handug pagsunugun.

Libitiku 27:8

Nu pugri ti nanaratu bag-u unman siya makakaya sa sinabi pag halaga, daran-un niya tabug sa manughandug ti tawu itinaratu niya ihinandug tag sa Panginuun, bag-u ti manughandug imaw ti pumakaun halaga angay sa makaya ibayad tawu.

Libitiku 5:11

Dapat nu unman siya may kakayahan manhandug duwa ka kalampati ngatay duwa ka kurkuru, manhandug yi lang siya duwa ka kilu marinu pag arina. Kailangan balaw niya lakayan lana hanggan kamangyan dahil handug tunda sa paglumpiyu kasalanan, balaw handug pasalamat.

Libitiku 7:1

Inda ti manga surundanun tungkul sa handug bayad sa kasalanan. Banal gid inda pag handug.

Libitiku 9:3

Bag-u sabihun nimu sa manga Israilita pagdara sida lalaki kambing bilang handug sa paglumpiyu kasalanan. Pagdara diman sida baka hanggan karanidu parihu usa ka timpu kay idad ag unman may alangan bilang handug pagsunugun.

Bilang 5:6

“Sabiha nimu sa manga Israilita, nu ti usa ka lalaki ngatay babayi lumabag sa kagustuhan Panginuun sa panab-anan pagbuwat kadautan sa kay kaparihu, nagkasala tunda pag tawu.

Bilang 6:10

Bag-u sa ikawalu pag sirang, kailangan mandara siya duwa ka kalampati ngatay duwa ka tukmu sa manughandug ati sa sabian Turda Taragbuan.

Bilang 6:11

Ihandug manughandug kay usa bilang handug sa paglumpiyu ag kay usa bilang handug pagsunugun. Sa panab-anan inda, patawadun siya sa kay kasalanan dahil sa bangkay. Sa tunda diman pag sirang, italaga maan niya kay sadili ag paabaun maan kay buhuk.

Matiyu 10:16

Magkun si Hisus, “Pagsuguun niku kamu taynguna parihu ga manga karanidu tabug sa karaw-an manga simarun idu. Pagmadunung kamu parihu ga manga amu, pagmabuut kamu parihu sa kalampati.

Matiyu 21:12

Sinmaka si Hisus sa Balay Diyus. Tinulak niya sa karagasyun ti manga magbili, manga magpabili sa sulud Balay Diyus. Linikwang niya ti manga burugtangan kuwarta manga manugbalyu hanggan ti manga tukawan manugtinda kalampati.

Matiyu 3:16

Pagka itinulbaw si Hisus, napatakas siya ginan sa danum bag-u nabukasan ti langit sa kanya ag nakitan ni Huwan ti Ispiritu Diyus ga histuda kalampati nagpakababa bag-u nangulian sa kan Hisus.

Lukas 2:24

Nakan nag-ati ngani sida sa Hirusalim hampay kanda ihandug sa Panginuun ti angay sa isinurat sa Kasuguan Panginuun magkun, duwa ka bilug kurkuru ngatay duwa ka bilug kalampati.

2 Kurintu 8:12

Dahil nu buluntad naisipan tagipusuun kanyu magpakaun, tanggapun Diyus kanyu nakaya ipinakaun. Balaw siya maghingbut nu imaw lang tugka kanyu kaya ipakaun.