Libitiku 5:6 - Hanunuu

⁶ Bilang bayad sa nabwat niya kasalanan, manhandug siya sa Panginuun usa ka babayi karanidu ngatay kambing bilang handug sa paglumpiyu kasalanan. Ihandug inda manughandug agud malukat ti tawu sa kay kasalanan.

Libitiku 5:6 Iomraidhean Croise

Isikil 40:39

Sa kada saruy sarakahan may duwa ka lamisa nu naan pag-iyawun ti manga hayup bilang handug pagsunugun, handug sa paglumpiyu kasalanan, ag handug bayad sa kasalanan.

Isikil 42:13

Magkun ti tawu sa kangku, “Inda pag manga sulud-sulud sa kanaway ag sa salatan, sa tupad sulud sugkadan, banal pag manga sulud-sulud. Dahil ti manga manughandug maghandug sa Panginuun siyun pag mangaun manga Pinaka Banal pag manga handug. Gamitun diman nida inda pag manga sulud-sulud paraulian manga handug pasalamat, manga handug sa paglumpiyu, ag manga handug bayad sa kasalanan. Dahil inda pag sulud-sulud banal.

Isikil 44:27

bag-u siya makasulud sa sulud pag sugkadan Balay Diyus sa pagsirbi ati, kailangan maghandug dap siya manga handug sa paglumpiyu para sa kay sadili. Aku, ti Panginuun Diyus, ti magsabi inda.”

Libitiku 4:28

Nu maalaman niya kuntay nagkasala ngani siya, manhandug siya babayi pag kambing unman may alangan para sa nabwat niya salan.

Libitiku 4:31

Bul-un niya ti tanan taba kambing parihu sa binwat niya sa handug para sa mayad pag pakiusa. Sunugun niya ti taba sa harandugan bilang mabanglu pag handug makapasulung gid sa Panginuun. Sa panab-anan inda pag buwat manughandug, malukat ti tawu sa kay kasalanan ag patawadun siya Panginuun.

Libitiku 4:32

Nu karanidu waydi ti ihandug tawu para sa paglumpiyu kasalanan, kailangan babayi ag unman may alangan.

Libitiku 4:35

Bag-u, bul-un niya ti tanan taba karanidu parihu sa kay binwat sa karanidu handug para sa mayad pag pakiusa. Bag-u sunugun niya ti taba sa harandugan kaibahan ti iba waya pag manga handug sa panab-anan apuy para sa Panginuun. Sa panab-anan inda pag buwat manughandug, malukat ti tawu sa kay kasalanan ag patawadun siya Panginuun.

Libitiku 6:6

Mandara siya sa manughandug usa ka lalaki karanidu unman may alangan, ag ihandug niya sa Panginuun bilang bayad sa kay kasalanan. Mahimu diman bayadan niya pilak katumbas halaga lalaki karanidu angay sa kilu pilak sa kiluhan paggamitun manga manughandug.

Bilang 6:12

Ti un-an pag manga sirang sa kay pagsirbi sa Panginuun balaw iminsan sa kay pagtupad sa kay taratu, dahil nauringan siya sa panab-anan namatay. Kailangan ipakaun maan niya kay sadili sa Panginuun tugka sa matapus kay taratu, ag mandara siya lalaki karanidu bilang handug bayad sa kay kasalanan.