Libitiku 5:11 - Hanunuu

¹¹ Dapat nu unman siya may kakayahan manhandug duwa ka kalampati ngatay duwa ka kurkuru, manhandug yi lang siya duwa ka kilu marinu pag arina. Kailangan balaw niya lakayan lana hanggan kamangyan dahil handug tunda sa paglumpiyu kasalanan, balaw handug pasalamat.

Libitiku 5:11 Iomraidhean Croise

Pag-ighit 16:18

Pagka kanda tinakal inda, usa ka gantang ti kada tawu. Unman nagsubra ti nakapunpun mayamu ag unman diman kinurang ti nakapunpun pira-pira. Kang-ud kang-ud lang ti napunpun kada usa.

Pag-ighit 16:36

(Kada sirang ti kada usa sa kanda magtipun mana, manga usa ka gantang.)

Libitiku 1:14

Nu manuk ti ihandug usa ka tawu bilang handug pagsunugun para sa Panginuun, kailangan kalampati inda ngatay kurkuru.

Libitiku 14:21

Dapat nu pugri tunda pag tawu ag unman siya may kakayahan manhandug tunda pag manga handug, mandara lang siya usa ka lalaki karanidu ihandug niya bilang bayad sa kasalanan. Ipaabwat manughandug tunda pag handug sa Panginuun hampay malukat siya sa kay kasalanan. Mandara diman siya duwa ka kilu marinu pag kalasi arina may lakay lana ulibu bilang handug pasalamat. Ag mandara waya gid siya usa ka tasa lana.

Libitiku 27:8

Nu pugri ti nanaratu bag-u unman siya makakaya sa sinabi pag halaga, daran-un niya tabug sa manughandug ti tawu itinaratu niya ihinandug tag sa Panginuun, bag-u ti manughandug imaw ti pumakaun halaga angay sa makaya ibayad tawu.

Libitiku 5:12

Darahun niya tunda sa manughandug ag bawasan manughandug usa ka akup bilang pag-alaala sa Panginuun. Ti binawas sunugun niya sa harandugan kaibahan sa iba waya pag manga handug sa Panginuun sa panab-anan apuy. Inda ti handug sa paglumpiyu kasalanan.

Libitiku 5:6

Bilang bayad sa nabwat niya kasalanan, manhandug siya sa Panginuun usa ka babayi karanidu ngatay kambing bilang handug sa paglumpiyu kasalanan. Ihandug inda manughandug agud malukat ti tawu sa kay kasalanan.

Libitiku 5:9

Bag-u iwidwisik niya ti iba ka dugu sa saruy harandugan, ag ti nasawad pag dugu ibuhus niya sa sirung harandugan. Inda ti handug sa paglumpiyu kasalanan.

Libitiku 6:20

tungkul sa handug para sa Panginuun, ihandug ni Aarun sa sirang piliun siya bilang pangulu manughandug, ag katida diman ti buwatun niya linahi ti umilis sa kanya. Manhandug siya duwa ka kilu marinu pag kalasi arina. Inda handug pasalamat kailangan buwatun tugka aban. Kay katunga inda ihandug sa surip ag kay katunga sa malambung.

Lukas 2:24

Nakan nag-ati ngani sida sa Hirusalim hampay kanda ihandug sa Panginuun ti angay sa isinurat sa Kasuguan Panginuun magkun, duwa ka bilug kurkuru ngatay duwa ka bilug kalampati.

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.

Hibriyu 9:22

Angay sa Kasuguan harus ngani ti tanan bagay paglumpiyuhun sa dugu, ag nu unman may nabuhus dugu, unman waydi may kapatawadan sa kasalanan.