Libitiku 4:31 - Hanunuu

³¹ Bul-un niya ti tanan taba kambing parihu sa binwat niya sa handug para sa mayad pag pakiusa. Sunugun niya ti taba sa harandugan bilang mabanglu pag handug makapasulung gid sa Panginuun. Sa panab-anan inda pag buwat manughandug, malukat ti tawu sa kay kasalanan ag patawadun siya Panginuun.

Libitiku 4:31 Iomraidhean Croise

Gimpuunan 8:21

Pagka nahungaw Panginuun ti mabanglu pag hungaw, magkun siya sa kay sadili, “Balaw yi gid niku umanun saadan ti daga dahil sa pagbuwatun manga tawu. Una waya alam niku makasalanan ti tawu ginan sa anak waya siya, balaw yi gid niku rurisun uman ti tanan magkabuhi parihu sa kang binwat.

Isra 6:10

hampay makahandug sida manga handug pag-ikabaya Diyus kalangitan, ag maidarangin nida aku hanggan kang manga anak.

Hub 42:8

Nakan kainda pagbuul kamu pitu ka tudu baka ag pitu ka karanidu lalaki bag-u pag-atag kamu sa kan Hub, ihandug niyu inda bilang handug pagsunugun para sa kanyu sadili. Mandarangin si Hub para sa kanyu ag dungugun niku kay darangin; balaw niku kamu parusahan angay sa kanyu balaw may namuangan. Unman bay kamu nagbagaw kang-ud tungkul sa kangku parihu sa binuwat ni Hub, kang manugsirbi.”

Pag-ighit 29:18

Sunuga nimu inda tanan sa harandugan bilang handug pagsunugun para sa kangku. Ti mabanglu pag hungaw inda pag handug sa panab-anan apuy makapasulung sa kangku.

Isayas 42:21

Gustu gid Panginuun galangun kay kasuguan agud maipakakit niya kay katadlungan.

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Libitiku 1:13

Kailangan ugasan dapu manughandug ti manga sa sulud bilug, hanggan kay manga lulud tunda. Bag-u ti manughandug yi ti mansunug tunda tanan sa harandugan bilang handug pagsunugun. Kay hungaw tunda pag handug sa panab-anan apuy makapasulung gid sa Panginuun.

Libitiku 1:17

Buk-un niya ti manuk sa panab-anan paglanit kay pakpak, dapat balaw niya utasun kay pakpak. Bag-u sunugun niya ti manuk sa harandugan bilang handug pagsunugun. Kay hungaw tunda pag handug sa panab-anan apuy makapasulung gid sa Panginuun.

Libitiku 1:9

Kailangan ugasan dapu manughandug ti manga sa sulud bilug, hanggan kay manga lulud tunda. Bag-u ti manughandug yi ti mansunug tunda tanan sa harandugan bilang handug pagsunugun. Kay hungaw tunda pag handug sa panab-anan apuy makapasulung gid sa Panginuun.

Libitiku 14:18

Ti nasawad pag lana sa dalukap manughandug ipayid niya sa ulu tawu. Bag-u ihandug manughandug ti handug para sa paglumpiyu kasalanan. Pagkatapus tunda, iyawun manughandug ti handug surunugun ag ihandug niya tunda sa harandugan kaibahan ti handug pasalamat. Sa kainda pag buwat manughandug sa atubangan Panginuun, mab-ul ti kayagtingan tawu ag malumpiyu yi siya.

Libitiku 2:2

Darahun niya tunda sa manga manughandug lahi ni Aarun. Bag-u bul-an manughandug usa ka akup ti mininsan arina hanggan lana, ag sunugun niya inda sa harandugan kaibahan ti tanan kamangyan inamut sa arina. Sunugun niya tunda bilang pag-alaala sa Panginuun. Kay hungaw tunda pag handug sa panab-anan apuy makapasulung gid sa Panginuun.

Libitiku 2:9

Bawasan tunda manughandug, ag ti binawas sunugun niya sa harandugan bilang pag-alaala sa Panginuun. Kay hungaw tunda pag handug sa panab-anan apuy makapasulung gid sa Panginuun.

Libitiku 4:19

Ti buwatun niya sa inda pag baka parihu diman sa kay un-an pag binwat sa handug sa paglumpiyu kasalanan. Bul-un niya ti tanan taba baka ag sunugun sa harandugan, bag-u sunugun ti baka ati sa luwas kampu. Sa panab-anan inda pag buwat takinan manughandug, ti manga taga Israil patawadun Panginuun sa kanda manga kasalanan. Imaw inda ti handug sa paglumpiyu kasalanan para sa kadamlan Israil.

Libitiku 4:26

Sunugun niya ti tanan taba sa harandugan parihu sa binwat niya sa kabag-u sa manga taba hayup pag handug para sa mayad pag pakiusa. Sa panab-anan inda pag buwat manughandug, malukat tunda pag takinan sa kay kasalanan ag patawadun siya Panginuun.

Libitiku 4:35

Bag-u, bul-un niya ti tanan taba karanidu parihu sa kay binwat sa karanidu handug para sa mayad pag pakiusa. Bag-u sunugun niya ti taba sa harandugan kaibahan ti iba waya pag manga handug sa panab-anan apuy para sa Panginuun. Sa panab-anan inda pag buwat manughandug, malukat ti tawu sa kay kasalanan ag patawadun siya Panginuun.

Libitiku 5:10

Sumagda diman ti manughandug usa waya ka handug surunugun, angay waydi sa patigayun nu kabitay inda ihandug. Katida ngani ti pagbuwatun manughandug hampay malukat ti tawu ginan sa kay kasalanan ag patawadun siya Panginuun.

Libitiku 5:6

Bilang bayad sa nabwat niya kasalanan, manhandug siya sa Panginuun usa ka babayi karanidu ngatay kambing bilang handug sa paglumpiyu kasalanan. Ihandug inda manughandug agud malukat ti tawu sa kay kasalanan.

Bilang 15:25

Ihandug inda manughandug hampay malukat ti buu nasakupan sa kanda kasalanan. Patawadun di niku sida dahil balaw waydi inda tikis, ag manhandug diman sida sa kangku manga handug sa panab-anan apuy hanggan handug panlumpiyu.

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Ipisu 5:2

Pag-ugali kamu lubus may pagmahal parihu sa kan Kiristu. Dahil sa kay pagmahal sa kanta, ipinakaun niya kay buhi, minatay siya ga usa ka mabanglu pag handug pagbayaun Diyus.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Hibriyu 10:12

Dapat si Kiristu kas-a lang nagpakaun kay pakaun sa Diyus hampay mapatawad ti kasalanan manga tawu hanggan waya aban. Bag-u tinmukaw siya sa langit baliwa sa sikun Diyus.

Hibriyu 10:14

Usa lang ka bisis ihinandug kay sadili sa Diyus, ag inda ti naglumpiyu sa manga binwat banal tugka aban.

Hibriyu 9:12

Kas-a lang gid pag nagsaka si Kiristu ati sa Pinakabanal pag Sulud-sulud, udyi kailangan ulitun. Sa kay nagsaka may dara diman siya dugu hampay siya makaatubang sa Diyus, dapat balaw dugu kambing, balaw diman dugu ibun baka nu unman kay ngap sadili pag dugu. Nakan unman may katapusan kay kinamhan ati pag karibrihan sa kanta manga kasalanan.

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.