Libitiku 4:28 - Hanunuu

²⁸ Nu maalaman niya kuntay nagkasala ngani siya, manhandug siya babayi pag kambing unman may alangan para sa nabwat niya salan.

Libitiku 4:28 Iomraidhean Croise

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

Kanta 90:8

Mag-akitan nimu kanmi manga kasalanan. Una ti manga kasalanan nabwat nimi sa lihim, alam di nimu.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Hirimyas 31:22

Kapira waya kamu pag bumalik sa kangku, manga anak niku magtalang? Mamuwat aku bag-u pag manga bagay sa kalibutan, babayi yi ti manginapin sa lalaki.”

Libitiku 4:14

Nu maalaman nida kuntay nagkasala ngani sida, ti kayamuan manhandug turiti baka bilang handug sa paglumpiyu kasalanan. Daran-un nida inda pag baka atag sa Turda Taragbuan.

Libitiku 4:23

Nu maalaman niya kuntay nagkasala ngani siya, manhandug siya lalaki pag kambing unman may alangan.

Libitiku 4:3

Nu pangulu manughandug ti nagkasala balaw tikis, ag dahil siyun nadamay ti manga tawu, manhandug siya sa Panginuun turiti baka unman may alangan bilang handug sa paglumpiyu kasalanan.

Libitiku 4:32

Nu karanidu waydi ti ihandug tawu para sa paglumpiyu kasalanan, kailangan babayi ag unman may alangan.

Libitiku 5:6

Bilang bayad sa nabwat niya kasalanan, manhandug siya sa Panginuun usa ka babayi karanidu ngatay kambing bilang handug sa paglumpiyu kasalanan. Ihandug inda manughandug agud malukat ti tawu sa kay kasalanan.

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

Galasya 3:28

Udyi may tuhay-tuhay una Hudiyu, una Giriyigu, una panawuhun, una bukun panawuhun, una lalaki, una babayi. Kamu tanan urusa dahil sa kanyu pakiusa sa kan Kiristu Hisus.