Libitiku 3:2 - Hanunuu

² Ikupa niya kay kamang sa ulu baka, ag iyawun niya tunda ati sa arani sabian Turda Taragbuan. Kay dugu tunda iwidwisik manga manughandug lahi ni Aarun ati sa sangput harandugan.

Libitiku 3:2 Iomraidhean Croise

Pag-ighit 29:10

“Daran-a nimu ti turiti baka sa atubangan Turda Taragbuan, ag ikupa ni Aarun hanggan niya manga anak kanda kamang sa ulu baka.

Pag-ighit 29:11

Bag-u iyawun ti baka sa atubangan Panginuun, sa sabian Turda Taragbuan.

Pag-ighit 29:15

“Bag-u bul-a nimu ti usa ka lalaki karanidu ag ipakupa nimu kay kamang ni Aarun hanggan niya manga anak sa ulu karanidu.

Pag-ighit 29:16

Iyawun nimu inda, ag iwidwisik kay dugu sa sangput harandugan.

Pag-ighit 29:19

“Bag-u bul-a waya nimu ti usa ka lalaki karanidu, ag pakupaan kay kamang ni Aarun hanggan niya manga anak sa ulu karanidu.

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Libitiku 1:11

Iyawun niya inda sa atubangan Panginuun ati sa amihan baliwa harandugan. Bag-u iwidwisik manga manughandug lahi ni Aarun kay dugu sa sangput harandugan.

Libitiku 17:3

Una sitapu sa kanyu ti manhandug baka, karanidu, ngatay kambing sa iba rugar,

Libitiku 17:4

ag balaw sa Turda Tiripnan pag-ingarnan diman Turda Taragbuan, parihu lang sa nakamatay siya tawu, nakan danga yi siya pagkilalan-a nasakupan niyu. Ipinatupad inda pag surundanun hampay kanyu maghandug ati niyu pag buwatun sa may arani sabian Turda ag balaw sa iba pag rugar. Kanyu manga handug para sa mayad pag pakiusa ipakaun niyu sa manughandug, siya ti manhandug sa Panginuun.

Libitiku 3:3

Ginan sa tunda pag handug, bul-un manughandug ti ihandug niya sa Panginuun bilang handug sa panab-anan apuy. Bag-u bul-un niya ti tanan taba sa basad bilug,

Libitiku 3:8

ikupa niya kay kamang sa ulu karanidu bag-u iyawun inda ati sa atubangan Turda Taragbuan. Kay dugu inda iwidwisik manga manughandug lahi ni Aarun ati sa may sangput harandugan.

Libitiku 8:22

Ipinab-ul diman ni Muysis ti ikadwa pag lalaki karanidu. Inda pag karanidu handug para sa pagtalaga. Itinungbaw ni Aarun hanggan niya manga anak kanda kamang sa ulu karanidu.

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Bilang 18:17

Dapat danga niyu pagpalukatan ti panganay tudu baka, karanidu ngatay kambing dahil kangku inda. Iyawun niyu ag iwidwisik kay dugu sa harandugan bag-u sunugun kay taba, handug sa panab-anan apuy. Kay hungaw inda pag handug makapasulung sa kangku.

Binwat 3:15

Kanyu minatay si Hisus ti gimpuunan buhi. Dapat binuhi maan siya Diyus ginan sa kamatayan. Nakitan gid nimi tunda.

Binwat 3:26

Nakan pinili Diyus kay Suruguun si Hisus bag-u un-an sinugu siya tabug ngap sa kanyu hampay papaladan kamu ag hampay awatan kamu pumatlikud sa kanyu daut ugali.”

2 Kurintu 5:21

Unman nakalakaw sa kasalanan si Kiristu. Dapat ay dahilan ngani sa kanta siya ngap nibilang sa makasalanan hampay nu kita magpakiusa sa kanya, mangyari yi ngap sa kanta ti katadlungan Diyus.