Libitiku 3:17 - Hanunuu

¹⁷ Danga kamu magkaun taba ngatay dugu. Inda pag surundanun kailangan sundun niyu hanggan niyu sunud pag manga sinulput tawu, una naan kamu pag mangulian.

Libitiku 3:17 Iomraidhean Croise

Gimpuunan 9:4

Dapat danga niyu pagkan-a ti hayup balaw linmuwas kay dugu sa kay pagkamatay, dahil ti dugu pahalimbawa buhi.

2 Krunika 29:35

Pagkayamu handug pagsunugun, hanggan manga taba manga hayup ihinandug para sa mayad pag pakiusa, ag manga handug irinmun pag-ipakaun kaibahan manga handug pagsunugun. Sa kainda pag paraan, naibalik maan ti manga buruwatun sa Balay Diyus Panginuun.

Nihimyas 8:10

Magkun waya gid si Nihimyas, “Pagdaus kamu, ag pagkaun masasarap pag manga karan-unun ag pag-inum masasarap pag manga irinmun. Pakan-i niyu ti manga unman may karan-unun, dahil inda pag sirang banal sa Panginuun. Ag danga kamu magkaarimputu, dahil ti kabayaan pag-ipakaun Panginuun makaparig-un sa kanyu.”

Pag-ighit 27:21

Ipauli kay sukadan sulu sa luwas limbun magtakip sa Kaban Kasunduan. Si Aarun ag kay manga anak lalaki ti mangasikasu sa manga sulu sa Turda Tiripnan. May duag kailangan inda sa kang atubangan ginan sa yabi tugka sa surip. Inda pag surundanun kailangan sundun manga Israilita hanggan sa sunud nida pag manga sinulput tawu.”

Pag-ighit 28:43

Kailangan nida inda isulung nu magsulud sida sa Turda Tiripnan, ngatay nu magpakarani sida sa harandugan sa Banal pag Sulud-sulud sa pagsirbi bilang manga manughandug, agud balaw sida sumalan ag mamatay. Inda pag surundanun kailangan sundun ni Aarun hanggan niya manga lahi hanggan aban.

Isikil 33:25

Sabihi nimu aku, ti Panginuun Diyus magkun: ‘Kanyu aw isip kamu ti umapu tunda pag daga una magkaun kamu taguban may dugu waya, ag magsamba sa kanyu manga diyus-diyusan, bag-u magpanmatay tawu?

Isikil 44:15

“Dapat ti manga manughandug ginan sa lahi ni Libi hanggan manga linahi ni Saduk, ti matinupadun sa pagsirbi sa kang banal pag Balay katpung nagpatlikud sa kangku ti manga Israilita, mahimu di makasirbi sa kangku. Sida ti manhandug sa kangku taba ag dugu. Aku, ti Panginuun Diyus, ti magsabi inda.

Isikil 44:7

Pag-ipasulud niyu sa kang Balay ti manga day-uhan unman magsarig sa kangku. Sa panab-anan inda pag-uringan niyu kang Balay habang maghandug kamu karan-unun, taba, hanggan dugu. Balaw labut sa kanyu mayagting manga buwat, paglabagun waya niyu kang kasunduan sa kanyu.

Libitiku 10:15

Nu manhandug ti manga Israilita, ihandug nida kay dubdub hanggan kay balangbang hayup kaibahan ti manga taba pag-ihandug nida bilang handug sa panab-anan apuy. Ti dubdub hanggan ti balangbang ipaabwat nida sa atubangan Panginuun bilang handug pag ipaabwat. Imaw inda kanyu bahagi hanggan niyu manga lahi tugka aban, angay sa sugu Panginuun.”

Libitiku 10:9

“Kawu hanggan kanmu manga anak balaw mahimu magsulud sa Turda nu nakainum intus ngatay una hintay pag kalasi irinmun makalangu. Nu buwatun niyu tunda, pihu gid mamatay kamu. Inda pag manga surundanun kailangan gid niyu tupadun tugka sa sunud pag manga sinulput tawu.

Libitiku 16:29

Tunda ngani ti dapat buwatun manga taga Israil hanggan manga day-uhan mag-ulian kaibahan nida, tupadun nida inda hanggan waya aban. Sa ikasampulu pag sirang sa ikapitu pag bulan kailangan unman sida manhandum karan-unun ag danga diman magtarabahu, parihu sa Sirang Pamahari. Dahil sa tunda pag sirang buwatun nida ti tun-anun sa paglukat sa kanda ginan sa kanda manga kasalanan hampay malumpiyu sida sa atubangan Panginuun.

Libitiku 16:34

Kailangan tupadun nida inda pag surundanun hanggan aban. Bag-u malukat ti manga Israilita sa kanda kasalanan usa ka ulit kada timpu. Natupad ngani inda angay sa isinugu Panginuun sa kan Muysis.

Libitiku 17:7

Nakan danga yi kamu maghandug sa manga labang ga histuda kambing, dahil imaw inda ti pumakarayu sa kanyu sa Panginuun. Kailangan tupadun niyu inda tugka sa sunud pag manga sinulput tawu.

Libitiku 19:26

Danga kamu magkaun taguban may dugu waya. Danga niyu pagbuwata ti manga pagbuwatun manughula hanggan panhirian.

Libitiku 23:14

Nu unman waya kamu nakahandug inda, balaw gid kamu kailangan magkaun una hintay pag kalasi karan-unun ginan sa kanyu un-an pag ani, latuy man inda aw ngatay sinanglay una tinama tinapay. Kailangan niyu sundun inda pag surundanun tugka sa sunud pag manga sinulput tawu, una naan kamu pag mangulian.

Libitiku 23:21

Sa tunda diman pag sirang danga kamu magtarabahu bagkus pagtiripun kamu hampay mansamba sa Panginuun. Inda pag surundanun kailangan tupadun niyu tugka sa sunud pag manga sinulput tawu, una naan kamu pag mangulian.

Libitiku 24:9

Inda pag manga tinapay para sa kan Aarun hanggan sa kay manga magtal-anakan. Kan-un nida inda sa banal pag rugar ati sa Turda, dahil banal gid inda pag bahagi handug para sa Panginuun sa panab-anan apuy. Ag para gid inda sa kanda hanggan aban.

Libitiku 3:16

Inda tanan sunugun manughandug sa harandugan bilang handug karan-unun. Kay hungaw tunda pag handug sa panab-anan apuy makapasulung gid sa Panginuun. Para sa Panginuun ti tanan pag taba.

Libitiku 4:1

Nagsugu waya gid ti Panginuun sa kan Muysis kuntay sabihi ti manga Israilita una si unu ti makalapastangan balaw tikis sa kay sugu, kailangan kaindaay kay buwatun:

Libitiku 6:15

Bawasan manughandug usa ka akup inda pag handug arina may lana, bag-u kay darahun tunda sa harandugan hanggan ti manga kamangyan may lakay arina. Sunugun niya inda bilang pag-alaala sa Panginuun. Kay hungaw tunda pag handug makapasulung gid sa Panginuun.

Libitiku 6:18

Ti tanan lalaki lahi ni Aarun hanggan ti sunud niya pag manga sinulput tawu, mahimu di kumaun inda pag bahagi handug, dahil kanda inda pag bahagi sa handug para sa Panginuun sa panab-anan apuy. Ti maghiyaput tunda pag manga handug kailangan banal.

Libitiku 6:22

Kailangan sunugun inda tanan, dahil handug inda para sa Panginuun, ag kailangan tupadun nida hanggan aban. Kailangan buwatun inda lahi ni Aarun imaw ti umilis sa kanya bilang pangulu manughandug.

Libitiku 7:23

kuntay tultulan inda sa manga Israilita: Danga kamu magkaun taba baka, karanidu, ngatay kambing.

Libitiku 7:34

Dahil pag-ipakaun Panginuun ti dubdub hanggan ti balangbang niyu manga handug sa kan Aarun hanggan sa kay manga lahi. Imaw inda ti huray kanda tanggapun ginan sa kanyu hanggan waya aban.

Libitiku 7:36

Sa tunda pag sirang pagtalaga sa kanda, magkun ti Panginuun sa manga Israilita, “Pakan-an niyu sa kanda ti manga bahagi para sa manga manughandug hanggan aban, ag tupada nida inda tugka sa sunud pag manga sinulput tawu.”

Bilang 19:21

Inda pag surundanun kailangan tupadun nida hanggan aban. “Ti tawu magwidwisik danum para sa paglumpiyu kailangan pipian diman niya kay rutay, ag una si unu ti makaigpil sa danum panlumpiyu kilalan-un mayagting tugka sa maghugut marukirum.

Matiyu 16:24

Bag-u sinabi ni Hisus sa kay manga tuludluan, “Nu may tawu magkaibug magkuyug sa kangku, paglimti niya ti angay sa kay sadili, pas-ana kay kurus bag-u pagkuyug sa kangku.

Matiyu 26:28

Dahil inda kang dugu itinalaghut Diyus sa taratu. Ibuhus kang dugu sa ikapatawad manga kasalanan mayamu tawu.

Binwat 15:29

danga kamu kumaun una hintay pag karan-unun ihinandug sa manga diyus-diyusan, danga kamu kumaun dugu, una taguban hayup in-gut unman nakaluwang kay dugu ag danga kamu magpanlalaki magpamabayi. Inda pag manga bagay kailangan niyu iwasan hampay kamu mas lalu waya rumig-un. Imaw lang tugka kanmi surat.”

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,

Ipisu 5:26

hampay kay lumpiyuhun sa danum ag sa Bagaw bag-u ipasakup niya sa Diyus.

Diyuturunumiyu 12:16

Dapat danga niyu pagkan-a kay dugu; uyanga niyu inda sa daga parihu ga danum.

Diyuturunumiyu 12:23

Basta pihuun lang niyu balaw niyu kan-un kay dugu, dahil sa dugu ti buhi. Danga niyu pagkan-a ti buhi kaibahan sa taguban.

Diyuturunumiyu 12:24

Bagkus ngap, uyanga niyu ti dugu sa daga parihu ga danum.

Diyuturunumiyu 15:23

Dapat kailangan unman niyu kan-un ti dugu, nu unman uyanga niyu sa daga parihu ga danum.”

Diyuturunumiyu 32:14

Pinakan-an niya sida manga kisu ag gatas ginan sa manga baka hanggan kambing, bag-u pinakan-an maratabul pag manga karanidu ag manga kambing ginan sa Basan. Pinakan-an diman niya sida pinakamayad pag manga tirigu ag pinainum sa pinakamayad pag irinmun intus ginan sa ubas.

1 Timutiyu 4:4

Ti tanan bagay linalang Diyus unman may hintay ag unman kailangan may manga tun-anun nu pagtanggapun nita may pasalamat,