Libitiku 3:16 - Hanunuu

¹⁶ Inda tanan sunugun manughandug sa harandugan bilang handug karan-unun. Kay hungaw tunda pag handug sa panab-anan apuy makapasulung gid sa Panginuun. Para sa Panginuun ti tanan pag taba.

Libitiku 3:16 Iomraidhean Croise

Gimpuunan 4:4

Si Abil waydi nagbuul usa sa kay panganay pag manga alaga hayup, iniyaw niya inda ag ihinandug sa Diyus ti pinakamayad pag bahagi. Nakabaya ti Panginuun sa kan Abil hanggan sa kay handug,

2 Krunika 29:35

Pagkayamu handug pagsunugun, hanggan manga taba manga hayup ihinandug para sa mayad pag pakiusa, ag manga handug irinmun pag-ipakaun kaibahan manga handug pagsunugun. Sa kainda pag paraan, naibalik maan ti manga buruwatun sa Balay Diyus Panginuun.

2 Krunika 7:7

Itinalaga ni Sulumun ti sugkadan sa atubangan Balay Diyus Panginuun. Nagpakaun siya ati manga handug pag sunugun, manga handug bilang pagdayaw sa Panginuun, ag manga taba bilang handug para sa mayad pag pakiusa. Dahil ti galang pag harandugan kay ipinabwat balaw kumang-ud para sa inda pag manga handug.

Pag-ighit 29:13

Bag-u bul-a nimu ti tanan kuriras sa puna baka, ti dariit pag bahagi atay, ag ti duwa ka batu hanggan kay taba inda ag sunuga sa harandugan.

Pag-ighit 29:22

“Bag-u bul-a niyu ti taba karanidu, ti matabul pag ikug, ti tanan taba sa sulud tiyan, ti diit pag bahagi atay, ti duwa ka batu ag kay taba, hanggan kay sikun pag balangbang. Inda ti handug para sa pag-intirga sa manga manughandug.

Isayas 53:10

Dapat nalub-anan Panginuun masaktan siya ag pakurianan. Una waya binuwat siya handug sa Panginuun hampay mabayadan ti kasalanan manga tawu, makitan niya kay manga linahi ag makatanggap siya malawig pag buhi. Ag sa panab-anan niya matupad ti nalub-anan Panginuun.

Isikil 44:15

“Dapat ti manga manughandug ginan sa lahi ni Libi hanggan manga linahi ni Saduk, ti matinupadun sa pagsirbi sa kang banal pag Balay katpung nagpatlikud sa kangku ti manga Israilita, mahimu di makasirbi sa kangku. Sida ti manhandug sa kangku taba ag dugu. Aku, ti Panginuun Diyus, ti magsabi inda.

Libitiku 17:6

Iwidwisik manughandug ti dugu hayup sa harandugan para sa Panginuun, baliwa sa may sabian Turda Tiripnan. Bag-u sunugun niya ti manga taba hayup; kay hungaw inda makapasulung gid sa Panginuun.

Libitiku 4:26

Sunugun niya ti tanan taba sa harandugan parihu sa binwat niya sa kabag-u sa manga taba hayup pag handug para sa mayad pag pakiusa. Sa panab-anan inda pag buwat manughandug, malukat tunda pag takinan sa kay kasalanan ag patawadun siya Panginuun.

Libitiku 4:31

Bul-un niya ti tanan taba kambing parihu sa binwat niya sa handug para sa mayad pag pakiusa. Sunugun niya ti taba sa harandugan bilang mabanglu pag handug makapasulung gid sa Panginuun. Sa panab-anan inda pag buwat manughandug, malukat ti tawu sa kay kasalanan ag patawadun siya Panginuun.

Libitiku 8:25

Nagbuul diman siya manga taba, ti matabul pag ikug, hanggan ti tanan taba sa sulud bilug, kaibahan diman ti diit pag bahagi atay, una ti manga batu kaibahan kay taba hanggan kay sikun pag lulud.

Matiyu 22:37

Sinmagut si Hisus, “Ilubus nimu kanmu tagipusuun, kanmu karadwa hanggan kanmu pag-iisip sa kanmu pagmahal sa kanmu Panginuun Diyus.