Libitiku 3:1 - Hanunuu

¹ Nu may manhandug baka bilang handug para sa mayad pag pakiusa, kailangan kay ihandug sa atubangan Panginuun unman may alangan, lalaki man ngatay babayi.

Libitiku 3:1 Iomraidhean Croise

1 Krunika 21:26

Bag-u nagbuwat siya ati harandugan para sa Panginuun ag nansagda manga handug pag sunugun ag manga handug para sa mayad pag pakiusa. Ag rargu nandarangin siya. Sinagut siya Panginuun sa panab-anan pagpadara apuy ginan sa langit hampay sunugun ti manga handug sa harandugan.

Pag-ighit 20:24

“Pagbuwat kamu daga pag harandugan para sa kangku ag siyun niyu pag ihandug kanyu manga karanidu, manga kambing hanggan manga baka bilang handug pagsunugun ag handug para sa mayad pagpakiusa. Buwata niyu inda sa piliun niku pag rugar nu naan pag sambahun aku, umasan aku ag papaladan niku kamu.

Pag-ighit 24:5

Bag-u sinugu niya ti manga kalay-awan lalaki hampay manhandug sa Panginuun manga handug pagsunugun ag manhandug diman manga tudu baka handug sa mayad pag pakiusa.

Pag-ighit 29:28

Kada manhandug ti manga Israilita manga handug para sa mayad pag pakiusa, kailangan pirmi kainda ti manga bahagi manga hayup miatag sa kan Aarun hanggan sa kay manga anak lalaki.

Kabagawan 7:14

“Tinupad niku kainda kang taratu manhandug, ag may manga taguban ati sa balay ginan sa ihinandug niku pag hayup.

Isikil 43:27

Ginan sa ikawalu pag sirang, manhandug yi sa harandugan ti manga manughandug kanyu manga handug pagsunugun hanggan manga handug para sa mayad pag pakiusa. Bag-u tanggapun niku kamu. Aku, ti Panginuun Diyus, ti magbagaw inda.”

Isikil 45:15

ag ti usa ka karanidu sa kada 200 ginan sa kanyu hayup. Inda pag manga handug para sa pasalamat sa kangku, manga handug pagsunugun hanggan handug para sa mayad pag pakiusa, hampay mapatawad ti manga kasalanan niyu. Aku, ti Panginuun Diyus, ti magsabi inda.

Libitiku 1:10

Nu karanidu ngatay kambing waydi ti ihandug tawu bilang handug pagsunugun, kailangan lalaki inda ag unman may alangan.

Libitiku 1:3

Nu baka kay ihandug bilang handug pagsunugun, kailangan lalaki inda ag unman may alangan. Ihandug niya inda sa may arani sabian Turda Taragbuan, hampay sa panab-anan inda pag handug tanggapun siya Panginuun.

Libitiku 3:6

Nu karanidu ngatay kambing kay ihandug para sa mayad pag pakiusa sa Panginuun, kailangan unman may alangan, lalaki man ngatay babayi.

Libitiku 9:18

Iniyaw ni Aarun ti baka hanggan ti lalaki pag karanidu para sa manga tawu bilang handug sa mayad pag pakiusa. Kay dugu tunda dinara niya manga anak sa kanya, bag-u kay iwinidwisik sa sangput harandugan.

Libitiku 9:4

Pagdara diman sida usa ka lalaki baka hanggan lalaki pag karanidu bilang handug para sa mayad pag pakiusa. Ihandug nida inda minsan sa handug pasalamat may lakay lana, dahil sa tunda pag sirang ipakakit Panginuun sa kanyu kay kadayawan.”

Amus 5:22

Nakan una waya daran-an niyu aku tuhay-tuhay pag manga handug, una ti pinakamayad waya pag handug, balaw niku inda tanggapun.

Malakyas 1:14

Saadan niku ti magdaya, madi may taratu manhandug kay mayad pag hayup dapat kay ihinandug sa kangku balaw mayad. Saadan niku siya dahil aku ti makamaskihan pag hari ag paggalangun aku manga nasyun. Aku, ti Panginuun Makamaskihan, ti magbagaw inda.”

Malakyas 1:8

Nakan ngani maghandug kamu sa kangku manga hayup buta, pilay, ngatay may sakit. Balaw tida mayad! Subuki lang niyu ayawi kanyu gubirnadur katida pag kalasi manga hayup. Pihu gid balaw siya makabaya sa kanyu ag balaw niya kamu pakakitan kaayadan.” Inda ti pagsabihun Panginuun Makamaskihan.

Bilang 15:8

“Ti manhandug turiti baka bilang handug pag sunugun ngatay handug sa pagtupad sa usa ka taratu, ngatay handug para sa mayad pag pakiusa,

Bilang 6:14

Ati kay ihandug sa Panginuun inda pag manga hayup unman may alangan: usa ka lalaki karanidu kay idad usa ka timpu bilang handug pagsunugun, usa ka babayi karanidu kay idad usa ka timpu diman bilang handug sa paglumpiyu ag usa ka gurangun lalaki karanidu bilang handug para sa mayad pag pakiusa.

Diyuturunumiyu 12:27

Handugan niyu ti dugu hanggan ti taguban niyu manga handug sa surunugan pag harandugan Panginuun niyu Diyus. Sa iba niyu pag manga handug kailangan diman ibuhus niyu ti dugu sa harandugan Panginuun niyu Diyus, dapat mahimu niyu kan-un ti taguban.

Kulusas 1:20

Minahal niya ti buu kalibutan hampay miusa maan sa kanya sa panab-anan niya Anak. Sa panab-anan dugu ni Kiristu ibinuhus sa kay namatay sa kurus, pinausa Diyus tag sa kay sadili ti tanan bagay linalang una sa langit, una sa bagaw daga.

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

1 Huwan 1:3

Tunda ngani ti kanmi nakitan ag nadnugan imaw yi kanmi pag-itultul sa kanyu hampay kamu hanggan magpakiusa sa kanmi. Kita magpakiusa yi gid sa Ama ag sa kay Anak, sa kan Hisu-Kiristu.

Talaghusay 20:26

Nakan nagtukad maan ti tanan Israilita sa Bitil ag nanlulumian sa atubangan Panginuun. Unman nanhandum karan-unun sida tugka yabi ag nanhandug manga handug pagsunugun ag manga handug para sa mayad pag pakiusa sa Panginuun.

Talaghusay 21:4

Pagkasurip, nagbuwat sida harandugan manga handug pagsunugun ag manga handug para sa mayad pag pakiusa sa Panginuun.