Libitiku 27:28 - Hanunuu

²⁸ Unman may una hintay pag bagay ti ihinandug yi lubus sa Panginuun ti mahimu ipabili ngatay lukatun, una tawu man inda aw ngatay hayup una daga minana. Kanya yi gid inda sa Panginuun.

Libitiku 27:28 Iomraidhean Croise

2 Krunika 31:14

Si Kuri kay anak ni Imna, usa ka Libita, guwardiya sa butlakan sabian Balay Diyus, siya ti piniyaran mag-asikasu sa manga buluntad pag handug sa Diyus. Karampatan niya ti mag-ayaw sa manga manughandug hanggan sa manga Libita manga bagay ihinandug yi sa Panginuun hanggan manga banal pag handug.

Pag-ighit 22:20

“Una si unu ti manhandug sa tuhay pag diyus purya sa kangku kailangan matyun.

Isikil 44:29

Kanda karan-unun ginan sa manga handug pasalamat, manga handug sa paglumpiyu, ag manga handug bayad sa kasalanan. Ag ti manga bagay itinigana para sa kangku bumaliw kanda.

Isikil 48:14

Kailangan balaw gid nida inda ipabili ngatay ibalyu una di diit pag bahagi, dahil imaw inda ti pinakamayad pag daga ag banal inda para sa Panginuun.

Libitiku 27:21

Ag sa pagras-ug Timpu Pagpalpas ag Pagbalik, para yi tunda sa Panginuun ag udyi gid malukat; tunda sa magkaapu yi manga manughandug.

Libitiku 27:27

Nu inda pag hayup mauring, mahimu inda lukatun may apu. Bayadan niya ti halaga hayup bag-u dugangan waya gid niya 20 ka pursintu sa kay bayad siti. Dapat nu dayu niya lukatun, ipabili inda manga manughandug angay sa kay halaga tunda.

Libitiku 27:29

Ti tawu ipinakaun yi lubus sa Panginuun balaw yi mahimu lukatun. Kailangan matyun gid siya.

Bilang 18:14

“Ti tanan bagay sa Israil ihinandug buu sa kangku kanyu yi.

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

1 Kurintu 16:22

Ti unman magmahal sa Panginuun saadan siya. Pagras-ug yi gid kawu, duy Panginuun.

Galasya 3:10

Ti tanan manga magsarig sa kanda magtupad sa Kasuguan, nasakup sa saad. Dahil isinurat sa Banal Kasuratan magkun, “Saadan ti unman mag-alaala magtupad sa tanan isinurat sa ribru Kasuguan.”

Galasya 3:13

Pagka inaku ni Kiristu ti saad sa kanta, kita linukat yi niya ginan sa saad Kasuguan. Dahil isinurat sa Banal Kasuratan magkun, “Sinaadan ti kada tawu ibinitay sa puun kayu.”

Diyuturunumiyu 25:19

Nakan rurisa gid niyu ti tanan Amalikita nu pakan-an yi kamu Panginuun niyu Diyus kahusayan sa tanan niyu manga kalaban ati sa pag-ipakaun niya sa kanyu pag daga, kanyu apuun. Danga gid niyu inda pag kalimti.

Diyuturunumiyu 7:26

Danga kamu magdara sa kanyu balay una hintay pag manga mayagting pag bagay, hampay balaw kamu midamhak kaibahan nida. Kailangan bugyahan gid niyu inda, dahil inda pag manga bagay kailangan gid duraun.

Huswi 6:26

Tunda pag udas, pinasandaman ni Huswi ti manga Israilita: “Saadan Panginuun ti una si unu ti manhangad pumatindug uman sa inda pag banwa Hiriku. Mamatayan anak panganay ti pumatindug sa inda pag patakinan batu. Bag-u ti mamuwat manga sabian inda mamatayan kap-usan pag anak.”

Huswi 7:1

Dapat linabag gid manga Israilita ti sugu Panginuun kuntay danga magbuul una hintay pag ihinandug yi buu para sa Panginuun. Dahil namuul si Akan manga bagay balaw dapat bul-un, nakan masyadu gid nagalit ti Panginuun sa kanda. Si Akan inda anak ni Karmi. Si Karmi anak ni Sabdi. Si Sabdi anak ni Sira. Inda sida ginan sa lahi ni Huda.

Huswi 7:25

Magkun si Huswi sa kan Akan, “Hayga ipinadamhak nimu kami? Nakan taynguna kawu waydi ti ipadamhak Panginuun.” Rargu binintuk manga Israilita si Akan tugka sa namatay. Binintuk diman nida kay magtal-anakan bag-u sinunug kay manga kasiyunan.

Talaghusay 21:18

Dapat balaw diman mahimu ipaasawa nita sa kanda kanta manga anak babayi dahil nakataratu yi kita saadan ti bumuwat inda.”

Talaghusay 21:5

Bag-u nagpaingana sida, “May lahi aw lugud Israil balaw kinmuyug sa kanta katpung nagtipun kita sa atubangan Panginuun sa Mispa?” Sa ati katpung pag udas, nakataratu yi sida matyun ti balaw umatag sa atubangan Panginuun.

1 Samwil 15:18

Ag ipinadara niya kawu sa usa ka buruwatun. Magkun siya, ‘Rurisa lubus ti manga Amalikita, ti daut pag nasakupan. Lumaban kawu sa kanda tugka sa matabu sida mamatay.’

1 Samwil 15:3

Nakan taynguna, giraha niyu ti manga Amalikita. Rurisa niyu lubus ti tanan ati. Matyun niyu sida tanan, manga lalaki, babayi, anak ag manga lapsag, hanggan yi kanda manga baka, karanidu, kambing, kamilyu ag manga asnu.’ ”