Libitiku 27:16 - Hanunuu

¹⁶ Nu ihinandug tawu sa Panginuun ti kabaliw niya daga kay minana sa kay ginurang, pakan-an inda manughandug halaga angay sa kayamuun binhi kang-ud mipamgas sa tunda pag daga: sa kada saku binhi, ti halaga daga 20 ka bilug pilak.

Libitiku 27:16 Iomraidhean Croise

Isayas 5:10

Ti duwa ka iktarya ubasan tumubas lang unum ka galun intus. Ag ti sampulu ka takal binhi tumubas lang usa ka takal.”

Husyas 3:2

Nakan linukat niku siya sa halaga 15 ka bilug pilak ag upat ka saku sibada.

Libitiku 27:15

Nu bawiun may apu kay balay, kailangan bayadan niya ti halaga balay ag dugangan waya niya 20 ka pursintu sa kay bayad siyun. Bag-u ti balay iuli sa kanya.

Libitiku 27:17

Nu ihandug niya kay tanman pagkatapus lang gid ti Timpu Pagpalpas ag Pagbalik, kay halaga tida imaw lang diman.

Binwat 5:4

Kay udwaya nipabili, unman aw kanmu tunda pag daga? Pagka ipinabili yi nimu, unman aw kawu diman ti bahala sa kay kabilyanan? Hayga lugud, Ananiyas, inisip nimu ti katida pag buwat? Balaw tawu nu unman Diyus ngap ti kanmu dinaya.”