Libitiku 26:9 - Hanunuu

⁹ Ipakakit niku kang kaayadan sa kanyu bag-u payamuun niku kanyu manga lahi agud matupad niku kang kasunduan sa kanyu.

Libitiku 26:9 Iomraidhean Croise

Gimpuunan 1:28

Pinapaladan niya sida magkun, “Pagpakayamu kamu agud mangalat kanyu manga lahi ag mamahala sa buu kalibutan. Pamahalaan niyu ti tanan hayup.”

Gimpuunan 17:20

Tungkul waydi sa kan Ismail, nasaydan niku kanmu paghagadun para sa kanya. Papaladan niku siya ag pakan-an mayamu linahi. Bumaliw siya ama 12 ka takinan, ag kay manga linahi bumaliw bantug pag tawu.

Gimpuunan 26:4

Payamuun niku kanmu manga linahi ga pamgasan sa langit kay kayamu, ag ipakaun niku sa kanda inda tanan pag daga. Ag sa panab-anan nida, papaladan niku ti tanan tawu sa kalibutan.

Gimpuunan 28:14

Kanmu manga linahi yumamu ga galbuk sa daga. Man-ngalat sida sa inda pag tuhay-tuhay pag bahagi daga. Sa panab-anan nimu hanggan nimu manga linahi, papaladan niku ti tanan tawu sa kalibutan.

Gimpuunan 28:3

Mana papaladan kawu Diyus Makamaskihan ag pakan-an mayamu pag anak hampay kawu ti bumaliw ama mayamu nasyun.

Gimpuunan 48:4

Magkun siya, ‘Pakan-an niku kawu mayamu pag linahi hampay kawu ti ama kayamuun tawu. Ag ipakaun niku inda pag daga Kanaan sa kanmu manga linahi ag kanda yi inda hanggan waya aban.’ ”

Gimpuunan 6:18

Dapat mamuwat gid aku kasunduan sa kanmu. Pagsulud kawu sa barku kaibahan kanmu asawa hanggan manga anak ag kanmu manga umagad.

1 Hari 3:8

Taynguna atay aku kaibahan kanmu pinili pag nasakupan balaw mabilang sa kayamuun.

2 Hari 13:23

Dapat kinaawaan ag inalaala sida Panginuun dahil sa kanda kasunduan ni Abraham, ni Isaak, ag ni Hakub. Hanggan taynguna unman niya sida rinuris ngatay pinaighit sa kanda rugar pakarayu sa kay atubangan.

Nihimyas 2:20

Sinagut niku sida, “Manalu kami sa panab-anan awat Diyus sa langit. Kami kay manga manugsirbi umumpisa yi sa pagpatindug manga alad batu Hirusalim. Dapat kamu unman gid may labut ag unman may karampatan sa Hirusalim, ag balaw kamu kahuray inda sa kay tultulanun.”

Nihimyas 9:23

Pinayamu nimu kanda manga linahi, parihu sa manga pamgasan sa langit. Dinara nimu sida sa daga kanmu itinaratu sa kanda manga ginurang hampay suldun ag apuun.

Kanta 107:38

Pagpapaladan sida Diyus, ag magyamu gid sida. Una kanda manga hayup balaw niya pagpahintulutan pumira.

Kanta 89:3

Magkun kawu, “Nagbuwat aku kasunduan sa kang manugsirbi sa kan Dabid, kang pinili hari. Ag inda kang itinaratu sa kanya:

Pag-ighit 1:7

dapat madali nagyamu kanda lahi. Dahil sa masyadu mayamu sida, nas-ub yi harus ti daga Ihiptu.

Pag-ighit 2:25

Nakitan Diyus kanda kahamtangan ag naawa gid siya sa kanda.

Pag-ighit 6:4

Nagbuwat aku kasunduan sa kanda, kang ipakaun sa kanda ti daga Kanaan, ti inulianan nida pag daga kaybi bilang manga day-uhan.

Isayas 55:3

Pagpakarani kamu sa kangku, pagpatingi hampay mabuhi kamu. Mamuwat aku unman may katapusan pag kasunduan sa kanyu. Ipadamdam niku sa kanyu kang pagmahal hanggan pangaawa ti itinaratu niku sa kan Dabid.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 23:4

Pakan-an niku sida manga takinan imaw ti mangalaga sa kanda; balaw yi sida madala hanggan mataranta. Udyi may tumalang sa kanda. Aku, ti Panginuun, ti magsabi inda.”

Hirimyas 33:3

“Pagtawag kawu sa kangku ag sagutun kawu niku, ipaburayhaw niku sa kanmu ti manga makadululaw ag lihim pag manga bagay balaw waya nimu alam.

Isikil 16:62

Parig-unun niku kang kasunduan sa kanmu, ag maalaman nimu aku ti Panginuun.

Isikil 36:9

Pagpatingi kamu! Alagaan niku kamu. Araduhun niku kanyu daga ag tanuman.

Lukas 1:72

Ag hampay ipakilala niya kay pangaawa sa kanta manga ginurang, ag alalahanun niya kay banal pag taratu.

Diyuturunumiyu 28:11

Papaladan kamu Panginuun ati sa itinaratu niya pag daga sa kanyu manga ginurang kay iayaw sa kanyu. Payamuun niya kanyu manga anak, kanyu manga hayup hanggan kanyu manga patubas.

Diyuturunumiyu 28:4

Papaladan niya kamu mayamu pag anak, abunda pag ani ag mayamu pag hayup.

Diyuturunumiyu 7:13

Mahalun ngani niya kamu, papaladan ag payamuun. Pakan-an niya kamu mayamu pag manga anak, paabundahun kanyu manga ani sa kanyu daga: kanyu manga tirigu, irinmun ubas hanggan lana ulibu. Payamuun niya kanyu manga hayup ati sa kay itinaratu pag daga iayaw sa kanyu manga ginurang hanggan diman sa kanyu.

Hibriyu 8:9

Ti bag-u taratu balaw miparihu sa daan taratu ga kang binwat kaybi sa kanda manga ginurang, sa ati katpung kang naggiya sa kanda hampay ipalwas sida ginan sa daga Ihiptu.” Magkun ti Panginuun, “Unman nagtupad sida sa kang taratu, nakan pinabay-anan niku sida.”