Libitiku 26:6 - Hanunuu

⁶ Ipadara niku ti kahusayan sa kanyu rugar, nakan makaturug kamu balaw may pagkadalaan. Tabugun niku ti maisug pag manga hayup gin sa kanyu rugar, ag unman may manga kalaban man-gira sa kanyu.

Libitiku 26:6 Iomraidhean Croise

2 Hari 2:24

Nag-aliwliw si Ilisyu, tinurun niya ti manga kalay-awan ag sinaadan sa ngaran Panginuun. Bag-u may duwa ka babayi simarun idu nagluwang ginan sa kakayuhan ag ginutay-gutay ti 42 ka kalay-awan.

1 Krunika 22:9

Dapat pakan-an niku kawu anak lalaki humari may kahusayan dahil balaw siya balagun tanan niya manga kalaban. Ngaranan siya Sulumun, dahil pakan-an gid niku kahusayan ti Israil sa kay maghari.

2 Krunika 20:30

Nakan may kahusayan ti kaharian ni Husapat dahil pinakan-an siya niya Diyus kahusayan sa kay palibut.

Hub 11:19

Maturug kawu unman may pumadala sa kanmu, ag mayamu ti manhagad awat sa kanmu.

Hub 5:23

dahil balaw kawu maunu. Ag balaw yi kawu makurian magtanum sa tanman nimu mabatu.

Kanta 144:14

ag kanmi manga baka mangarga mayamu pag manga kalakal. Mana unman yi kami salakayun manga kalaban ag unman yi kami pagbihagun. Ag mana balaw yi may lulumian sa kanmi baklayan ag karukuan.

Kanta 147:14

Pagpakan-an niya kahusayan kanyu rugar, ag pagbusugun niya kamu sa pinakamayad pag tirigu.

Kanta 29:11

Pagpabisugun Panginuun kay nasakupan ag pagpakan-an mayad pag kahamtangan.

Kanta 3:5

Magkaturug aku ag mag-ipulaw waya, dahil pag-alagaan nimu aku.

Kanta 4:8

Nakan nu magkaturug aku unman may pagkadalaan, dahil pagbantayan nimu aku, Panginuun.

Kanta 85:8

Patingihan niku ti sabihun Panginuun Diyus, dahil manaratu siya kahusayan sa kay matinupadun pag nasakupan; inda nu balaw kita bumalik sa kanta kalukuhan.

Pag-ighit 23:29

Dapat balaw niku sida tabugun sa sulud lang usa ka timpu hampay unman mapabay-anan ti daga ag hampay maampara ti pagyamu manga simarun hayup ati.

Kabagawan 3:24

Maturug kawu hamuuk, unman may pagkadalaan.

Kabagawan 6:22

Inda gumiya, makadahan, ag pumaalaala sa kanmu pangabuhi, una hintay waya kanmu pagbuwatun.

Isayas 35:8

Magkaimaw laun pag baklayan sa pangawakawaan ag tida ingarnan, “Banal pag Baklayan.” Unman may makasalanan ngatay unman may namuangan ti makalakaw siti. Nu ud ti manga magsunud lang sa Panginuun.

Isayas 35:9

Unman may liyun una hintay pag maraisug hayup ti makalawuy ati nu ud ti linukat lang Panginuun.

Isayas 45:7

Aku ti naglalang rayaw hanggan dulum. Aku tig padara kaayadan ag kadamhakan. Aku, ti Panginuun, ti nagbuwat sa tanan.

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 31:26

‘Nipulaw aku, mayad gid kang turug.’ ”

Isikil 14:15

“Ngatay halimbawa, padaran-an niku maraisug pag manga hayup inda pag nasyun hampay panmatyun kay manga kasimanwa, ag bumaliw mapung-aw inda pag rugar ag unman yi may manlakaw siyun dahil sa kadalaan sa maisug pag manga hayup.

Isikil 14:17

“Ngatay nangus, padaran-an niku gira inda pag nasyun hampay panmatyun kay manga nasakupan hanggan manga hayup.

Isikil 14:21

“Sa ungud, aku, ti Panginuun Diyus, magkun kaawaawa ti Hirusalim nu ipadara yi niku inda pag upat ka mabuyat pag parusa: manga girahan, lun-us, maisug pag manga hayup, ag manga sakit — manmatay sa kay manga nasakupan hanggan manga hayup.

Isikil 34:25

“Mamwat aku kasunduan sa kanda kuntay mumayad kanda kahamtangan. Palayasun niku ti maisug pag manga hayup sa kanda daga hampay makaulian sida sa pangawakawaan ag makaturug sa katalunan ribri sa kadilikaduhan.

Isikil 34:27

Manburak kanda manga puun kayu hanggan manga tanum, bag-u mangabuhi sida ribri sa kadilikaduhan. Maalaman nida aku ti Panginuun nu palayaun niku sida sa kamang manga mag-alipin sa kanda.

Isikil 5:17

Bukud sa lun-us padaran-an diman niku kamu maraisug pag manga hayup ag panmatyun nida kanyu manga anak. Magkaramatay diman kamu sa manga sakit ag sa girahan. Aku, ti Panginuun, ti magbagaw inda.”

Husyas 2:18

Sa ati pag sirang, mantaratu aku sa tanan kalasi hayup kuntay danga kamu pagsakti. Duraun niku sa daga Israil ti manga armas sa labanan, ti manga pamana hanggan baladaw. Dahil sa unman yi may kaguluhan, maturug kamu unman may pagkadalaan kadautan.

Husyas 2:20

ag bumaliw matinupadun aku sa kanyu. Nakan kilalan-un yi gid niyu aku, ti Panginuun.

Libitiku 25:18

Sunda gid niyu kang manga surundanun hanggan manga sugu hampay mabuhi kamu may kahusayan sa daga kanyu ulian ag dayu kamu maduraan karan-unun dahil sa abunda pag manga patubas sa daga.

Libitiku 26:22

Padaran-an niku kamu manga maisug pag manga hayup bag-u matyun nida kanyu manga anak hanggan manga hayup, ag dahil siyun pira wadi ti masawad sa kanyu ga udyi may maglakaw sa kanyu manga dalan.

Libitiku 26:25

Ipagira niku kamu sa kanyu manga kalaban bilang parusa sa kanyu maglabag sa kanta kasunduan. Una waya patagu kamu sa kanyu manga banwa padaran-an di niku kamu manga kakurian, ag dahil siti mapilitan kamu sumuku sa kanyu kalaban.

Libitiku 26:7

Kamu ti gumira sa kanyu manga kalaban ag matyun niyu sida.

Mikas 4:4

Ti kada tawu tumukaw sa sirung nida tanum ubas hanggan igus unman may pagkadalaan. Pihu gid matupad inda dahil sinabi mismu Panginuun Makamaskihan.

Sipanyas 3:13

Inda pag manga nasawad Israilita balaw sida mamuwat daut. Dayi sida mamudil ngatay mandaya. Mangaun ag maturug sida udyi may pagkadalaan.’ ”

Hagay 2:9

Nakan lalu waya ruminu ti bag-u pag Balay niku kaysa kabag-u. Ipakaun waya niku sa inda pag rugar ti kaariwayahan. Aku, ti Panginuun Makamaskihan, ti magsabi inda.”

Sakaryas 9:10

Duraun niku ti arawayan. Pamul-un niku ti manga kalisa ag manga kabayu pandugma sa Israil ag sa Huda. Bariun niku ti manga paggamitun nida pamana pandugma. Ti rumas-ug pag hari mandara kahusayan sa manga nasyun. Manhari siya ginan sa usa ka dagat tugka gid sa usa ka dagat, ag ginan sa Sapa Iyupratis tugka sa katugkaan daga sa kalibutan.”

Huwan 14:27

“Kahusayan kang ipatayak sa kanyu. Kang kahusayan kang diman gid ipakaun sa kanyu. Kang magpakaun kahusayan sa kanyu balaw parihu sa paraan kalibutan. Danga kamu magkaaburidu sa kanyu tagipusuun ag danga kamu magkadala.

Binwat 12:6

Sa ati pag yabi turug si Pidru, ginapus kay baliw-baliw kamang tarikada ibiningkit sa duwa ka sundalu ag may manga sundalu sa puun sabian maulugan. Aldaw nangus ipaatubang yi siya ni Hirudis sa kayamuan tawu.

Ruma 5:1

Nakilala yi ngani kita Diyus kuntay manga matadlung dahil sa kanta sarig sa kanta Panginuun Hisu-Kiristu. Nakan ginan diman sa kanta pagsarig sa kan Kiristu pinaunyun kita atag sa Diyus.