Libitiku 26:5 - Hanunuu

⁵ Bumaliw maabunda gid mayad kanyu manga patubas una ngani kanyu maggiuk manga uhay diritsu di tugka sa tigpuruti manga ubas, bag-u kanyu magputi ubas diritsu di tugka sa kanyu magpamgas. Nakan pagustu kamu sa kanyu karan-unun ag mabuhi kamu may kahusayan sa kanyu rugar.

Libitiku 26:5 Iomraidhean Croise

Kanta 144:13

Mana mapunu kanmi haramnuan tanan pag kalasi inani. Mana linibu-libu ti kanmi manga karanidu sa pasturan,

Kanta 90:1

Panginuun, kawu kanmi ulian ginan waya sa kabag-u.

Pag-ighit 16:8

Magkun waya si Muysis, “Pakan-an kamu Panginuun taguban kanyu kan-un nu yabi ag busugun niya kamu tinapay sa surip, dahil nadnugan niya kanyu manga riklamu sa kanya. Balaw kamu sa kanmi pag magriklamu nu unman sa Panginuun. Si unu gid kami hampay kanyu riklamuhan?”

Kabagawan 1:33

Dapat ti magpatingi sa kangku mabuhi may kahusayan. Balaw siya maunu ag unman siya may kadalaan.”

Kabagawan 18:10

Ti Panginuun parihu sa marig-un pag bantayaw, darangpan manga matadlung sa udas kakurian.

Isayas 1:19

Nu sumunud lang kamu sa kangku, makakaun kamu pinakamarinu pag patubas daga.

Isayas 30:23

Pakan-an kamu Panginuun uran sa panahun tig-taranum, ag bumaliw abunda kanyu tubas. Kanyu manga hayup manharab sa maluang pag pasturan.

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Husyas 2:18

Sa ati pag sirang, mantaratu aku sa tanan kalasi hayup kuntay danga kamu pagsakti. Duraun niku sa daga Israil ti manga armas sa labanan, ti manga pamana hanggan baladaw. Dahil sa unman yi may kaguluhan, maturug kamu unman may pagkadalaan kadautan.

Husyas 2:20

ag bumaliw matinupadun aku sa kanyu. Nakan kilalan-un yi gid niyu aku, ti Panginuun.

Huwil 2:19

Bilang sagut sa kanda darangin sabihun niya sa kanda, “Pakan-an niku kamu manga ani, manga irinmun ubas, hanggan manga lana ulibu, ag mabsug yi kamu. Udyi niku pasnuan pakay-ahun kamu iba nasyun.

Huwil 2:22

Danga magkadala ti manga hayup, dahil malatuy yi ti manga ilamnun sa pasturan ag magburak yi ti manga puun kayu, hanggan ti igus. Magburak yi waydi ti manga ubas.

Huwil 2:26

Abunda kamu kainda sa karan-unun ag pihu gid mabsug kamu. Nu katida, dayawun niyu aku kanyu Diyus, ti nagbuwat manga makadululaw para sa kanyu. Kamu kang nasakupan balaw yi gid mangay-a hanggan aban.

Amus 9:13

Magkun waya gid ti Panginuun tungkul sa manga taga Israil, “Rumas-ug ti udas umabunda gid kanda manga ani, udwaya ngani nida magkatapus ti mag-ani, umpisahan yi maan ti mag-aradu. Ag udwaya magkatapus kanda magpigis ubas, panahun yi maan tig-taranum ubas. Nu bantayun ti masyadu mayamu pag manga ubas sa manga bantud hanggan sa tagudtud, bilang ga magbulus inda matagsing pag bag-u intus.

Matiyu 23:37

Sinabi ni Hisus, “Hirusalim, Hirusalim, pagpanmatyun nimu ti manga purupita, pagbatuhun nimu ti manga sinugu Diyus tabug sa kanmu. Kapira yi ginan kang hinanap ti manga mag-uli sa kanmu sulud, hampay kang likumun, parihu ga inaan manuk mag-ukub sa kay manga butu, dapat dayu di ngap kamu.

Binwat 14:17

Madi katida kang-ud mana pag puruyba kay mayad niya buwat sa kanyu hampay makilala niyu siya. Kabay pinakan-an niya kamu uran ginan sa tungud hanggan abunda pag ani sa kay udas katpung. Pagpakan-an diman niya kamu kang-ud pag karan-unun hanggan kabayaan sa kanyu tagipusuun.”

Diyuturunumiyu 11:15

Pakan-an niya paraharaban kanyu manga hayup, ag kamu diman may abunda pag makaun.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

1 Pidru 1:5

Sinmarig kamu, nakan kay kamaskihan Diyus tig-ingat sa kanyu hanggan sa udwaya matanggap niyu ti karibrihan kay itinigana Diyus hampay ipaburayhaw nu katapusan yi panahun aban.