Libitiku 26:43 - Hanunuu

⁴³ Dapat kailangan gid paighitun dap niku kamu gin sa kanyu daga bilang kabaydanan niyu sa kanyu manga kasalanan, dahil sa kanyu paglabag sa kang manga sugu hanggan manga surundanun. Ag makapahari ti daga habang udwaya kamu.

Libitiku 26:43 Iomraidhean Croise

2 Krunika 33:12

Sa kay kakurian, nagpakumbaba gid siya kay sadili ag nagpaawa-awa sa Panginuun niya Diyus, kuntay siya diman ti Diyus niya manga ginurang.

2 Krunika 36:21

Nakan natupad ti sinabi Panginuun sa panab-anan ni Purupita Hirimyas bumaliw mapung-aw ti daga ag makapahari inda sa sulud pitumpulu ka timpu.

Hub 5:17

“Mapalad ti tawu pag-itadlung Diyus kay ugali. Nakan danga nimu ikadaut ti tamyaw Makamaskihan pag Diyus sa kanmu.

Kanta 119:67

Sa kabag-u, sa unman waya nimu aku pagparusahan, magpakarayu aku sa kanmu, dapat kainda pagtupadun yi niku kanmu bagaw.

Kanta 119:71

Mayad pinarusahan nimu aku, dahil sa panab-anan inda nakaalam aku sa kanmu manga tudlu.

Kanta 119:75

Alam niku, Panginuun, matadlung kanmu manga sugu. Ag dahil tapat kawu, binunggud nimu aku.

Kanta 50:15

Pagdangup kamu sa kangku sa udas kakurian, dahil iribri niku kamu, ag dayawun niyu aku.”

Kanta 50:17

Pagkadat-an niyu kang magtamyaw sa kanyu; unman niyu pagpansinun kang manga pagbagawun.

Isayas 26:16

Panginuun, pinarusahan nimu kanmu manga nasakupan, sa kanda manga kakurian nandangup ag nanawag sida sa kanmu.

Hirimyas 31:19

Nagpakarayu kami sa kanmu kaybi, pat-ay nag-ampu yi duy kami taynguna. Pagka naalaman nimi kuntay nagkasala kami, tinaptap duy nimi kanmi manga dubdub sa pag-ampu. Magkay-a kami sa kanmi manga binuwat kaybi sa kanmi kalay-awan.”

Danyil 9:14

Alistu kawu pumarusa sa kanmi; ag pagbuwatun ngani nimu dahil hustu kawu sa tanan nimu pagbuwatun. Dapat unman diman kami nagsunud sa kanmu.

Libitiku 26:11

Mangulian aku kaibahan niyu ag dayu niku kamu pabay-anan.

Libitiku 26:30

Gubaun niku kanyu manga simbahan sa abwat pag manga rugar hanggan ti manga harandugan surunugan kamangyan. Ag iyamut niku kanyu manga bangkay sa babaw niyu tigbak pag manga diyus-diyusan, bag-u dayuun niku kamu.

Amus 5:10

Kamu pag manga taga Israil, pag-ikagalit niyu ti magsintinsiya tama hanggan sa magtultul tutuu sa hurusayan.

Sakaryas 11:8

Pinaighit niku ti tulu ka manug-alaga karanidu sa sulud lang usa ka bulan. Dahil natabwan aku pasunaid sa kanda, ag sida diman magkagalit sa kangku.

Huwan 7:7

Ti manga tawu taga kalibutan unman may pag-ikadaut sa kanyu. Dapat aku kanda pagkadat-an, dahil pirmi pag-ipaburayhaw niku kanda manga buwat daut.

Ruma 8:7

Ti tawu nu mag-intindi sa kay lang sadili kagustuhan niya pagkatawu, siya kalaban yi Diyus, dahil dayu siya magsunud sa kay manga bilin Diyus, dayu gid waydi mahimu.

Diyuturunumiyu 32:36

Apinan Panginuun kay manga nasakupan; kaawaan niya kay manga manugsirbi, nu makitan niya unman yi sida may kabisugan ag nu pira wadi ti nasawad sa kanda, panawuhun man una balaw panawuhun.