Libitiku 26:42 - Hanunuu

⁴² tupadun niku kang kasunduan sa kanyu manga ginurang sa kanda ni Abraham, ni Isaak, ag ni Hakub bag-u ibalik niku kamu sa kanyu daga.

Libitiku 26:42 Iomraidhean Croise

Gimpuunan 15:18

Sa tunda diman pag sirang, nagbuwat kasunduan ti Panginuun sa kan Abram. Magkun siya, “Ipakaun niku sa kanmu manga linahi inda pag daga ginan sa may sapa katugkaan Ihiptu tugka sa may daka sapa Iyupratis.

Gimpuunan 26:2

Napakakit sa kanya ti Panginuun ag magkun, “Danga kawu mag-atag sa Ihiptu; pagpirmaminti kawu sa itudlu niku pag rugar sa kanmu.

Gimpuunan 26:24

Sa tunda pag yabi sa kay pagras-ug, napakakit sa kanya ti Panginuun ag magkun, “Aku ti Diyus nimu ama, ni Abraham. Danga kawu magkadala dahil kaibahan nimu aku. Papaladan niku kawu ag pakan-an mayamu pag lahi dahil sa kan Abraham kang manugsirbi.”

Gimpuunan 26:5

Buwatun niku inda dahil sinunud aku ni Abraham, ag tinupad niya ti tanan niku sugu hanggan tudlu.”

Gimpuunan 28:13

Nakitan diman niya ti Panginuun matindugan sa tungud agdan ag magkun tag sa kanya, “Aku ti Panginuun, ti Diyus ni Abraham ag ni Isaak. Ipakaun niku sa kanmu ag sa kanmu manga linahi inda pag daga kanmu pag paigyaan.

Gimpuunan 28:15

Pirmi nimu alalahanun aku kanmu kaibahan ag alagaan niku kawu una naan tabug. Ipabalik niku kawu sa inda pag daga ag balaw pabay-anan tugka sa matupad niku kang itinaratu sa kanmu.”

Gimpuunan 35:11

Magkun waya gid ti Diyus sa kanya, “Aku ti Makamaskihan pag Diyus. Magkaimaw kawu mayamu pag anak. Bumaliw kawu ama nasyun Israil hanggan iba waya pag nasyun, ag bumaliw hari ti iba sa kanmu manga linahi.

Gimpuunan 35:12

Ti inayaw niku pag daga sa kan Abraham hanggan sa kan Isaak kang diman ipakaun sa kanmu ag sa kanmu manga linahi.”

Gimpuunan 9:15

alalahanun niku kang kasunduan sa kanyu hanggan sa tanan hayup, balaw yi gid gunawun uman hampay rumuris sa tanan magkabuhi.

Gimpuunan 9:16

Nu lumuwang ti balangaw sa manga rurum, alalahanun niku kang unman may katapusan pag kasunduan sa tanan magkabuhi sa kalibutan.

Istir 4:14

Nu ipasipala lang nimu inda pag manga mangyari, pihu may umawat di iba sa manga Hudiyu, dapat kawu hanggan kanmu manga katawuhan mamatay. Barang nakan kawu binwat rayna hampay miribri nimu kanmu kaparihu manga Hudiyu.”

Kanta 106:45

Pag-alalahanun Diyus kay kasunduan sa kanda, ag dahil sa kay daka pag mahal sa kanda nagbag-u kay naisipan balaw yi niya sida parusahan.

Kanta 136:23

Inalala niya kita sa kanta makuri pag kahamtangan. Kay pagmahal unman may katapusan.

Pag-ighit 2:24

Nadnugan Diyus kanda magdangup, ag naala-ala niya kay kasunduan sa kanda ni Abraham, ni Isaak, ag ni Hakub.

Pag-ighit 6:5

Nadnugan niku ti dangup manga Israilita pag-api-apihun manga Ihipsiyu, ag pag-alalahanun niku kang kasunduan sa kanda.

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isikil 16:60

Dapat tupadun di niku kang binwat kasunduan sa kanmu katpung kalay-awan waya kawu, ag mamwat aku sa kanmu kasunduan pumarargu sa unman may katapusan.

Huwil 2:18

Mapinasunaidun gid ti Panginuun sa kay banwa, ag magkaawa siya sa kay nasakupan.

Lukas 1:72

Ag hampay ipakilala niya kay pangaawa sa kanta manga ginurang, ag alalahanun niya kay banal pag taratu.

Diyuturunumiyu 4:31

Dahil ti Panginuun niyu Diyus maawaun, balaw niya kamu pabay-anan ngatay rurisun. Balaw niya kalimtan ti kasunduan kay itinaratu sa kanyu manga ginurang.

Diyuturunumiyu 9:27

Danga yi duy pag-intindiha nimu ti kaganitan nida ulu, hanggan ti kadautan ag manga kasalanan nida, nu unman alalahanun nimu kanmu manga manugsirbi sida ni Abraham, ni Isaak, ag ni Hakub.

Talaghusay 2:1

Nag-atag ti anghil Panginuun sa Bukim ginan sa Gilgal. Ag magkun siya sa manga Israilita, “Ilinwas niku kamu sa Ihiptu ag dinara sa daga kang itinaratu sa kanyu manga ginurang. Sinabi niku kaybi balaw niku dautun ti kasunduan niku sa kanyu.