Libitiku 26:40 - Hanunuu

^40-41 Dahil sa kanyu magpudil ag maglabag sa kangku pinarusahan niku kamu ag ipinabihag sa rugar niyu manga kalaban. Dapat nu iampu niyu kanyu manga kasalanan hanggan niyu manga ginurang ag apasan yi niyu kanyu magpaganit, ag tanggapun niyu ti parusa dahil sa kanyu manga kasalanan,

Libitiku 26:40 Iomraidhean Croise

1 Hari 8:47

nu sa uryan manbag-u kanda manga tagipusuun ati sa rugar binihag, bag-u mag-ampu sida ag manpaawa-awa sa kanmu magkun, ‘Nagkasala kami, ag daut kanmi manga binwat,’

1 Hari 8:48

patingihi kanda darangin. Nu bumalik sida buu tagipusuun ag naisipan sa kanmu ati sa rugar nida manga kalaban ti nagbihag sa kanda, ag mandarangin sida sa kanmu maatubangan sa inda pag daga ipinakaun nimu sa kanda manga ginurang, sa inda pag banwa nimu pinili, ag sa Balay Diyus niku ipinatindug para sa kanmu kadayawan,

Isra 10:11

Nakan ngani kainda, iampu yi niyu kanyu manga kasalanan sa Panginuun, ti Diyus niyu manga ginurang, sunda niyu kay kagustuhan. Ipablag niyu kanyu sadili sa manga tawu sa kanyu palibut, tayaki niyu kanyu manga asawa balaw Israilita.”

Isra 9:15

Panginuun, Diyus Israil, matadlung kawu. Dahil pinasnuan nimu may masawad sa kanmi buhi hanggan taynguna. Pag-akuun nimi kanmi manga kasalanan, nakan unman kami makaatubang sa kanmu atubangan dahil sa kanmi manga kasalanan.”

Isra 9:6

Magkun aku, “Diyus niku, magkay-a gid aku. Unman aku makatangda sa kanmu sa masyadu pag kay-a, dahil masyadu gid kanmi manga kasalanan; ga lapaw yi inda sa kanmi manga ulu ag nag-aput yi sa langit.

Kanta 32:5

Bag-u kang itinapat kang manga kasalanan sa kanmu; balaw niku inda ilinihim. Buluntad niku itinapat sa kanmu kang manga kasalanan, ag pinatawad nimu aku.

Kabagawan 28:13

Unman gid kawu umunlad nu balaw nimu isabi kanmu manga kasalanan, dapat nu itultul nimu inda ag dayuun, kaawaan kawu Diyus.

Hirimyas 14:20

Panginuun, pagkilalahun nimi kanmi kadautan, hanggan ti kasalanan manga ginurang nimi. Nagsalan duy ungud kami sa kanmu.

Karukuan 1:20

“Bantayi, Panginuun, nu kabitay kang karukuan! Masyadu gid kang mag-agwanta bilang ga pin-ga kang tagipusuun, dahil nagbaliw malinabagun aku sa kanmu. May magmaratyan sa kang manga sugkadan, ag una sa sulud balay may magkamatay.

Isikil 14:23

Hu, madura ti kadautan niyu naisipan nu makitan niyu kanda pag-ugaliun ag kanda manga pagbuwatun, ag maisip niyu may dahilan maaw nu hayga binwat niku tunda sa Hirusalim. Aku, ti Panginuun Diyus, ti magbagaw inda.”

Isikil 36:31

Bag-u maalala niyu kanyu daut ugali ag manga buwat, bag-u bugyahan niyu kanyu sadili dahil sa kanyu manga kasalanan ag balaw mayad pag manga buwat.

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”

Libitiku 26:21

Nu parargu waya gid kamu maglabag ag balaw mamatingi sa kangku, dugangan waya gid maan niku pitu ka bisis kanyu parusa.

Libitiku 26:24

aku yi gid mismu ti lumaban sa kanyu bag-u parusahan niku kamu pitu waya gid ka bisis.

Libitiku 5:5

Nu alam tawu nagkasala siya sa tunda pag manga bagay, kailangan ipahayag niya inda.

Bilang 5:7

Kailangan akuun niya kay nabwat kasalanan, ag kailangan bayadan niya buu ti nabwatan niya kadautan, ag dugangan waya 20 ka bahagi kay ibayad.

Huswi 22:15

Pagras-ug nida sa Gilyad, magkun sida sa lahi ni Rubin, ni Gad, ag sa katunga lahi ni Manasis,

Huswi 7:19

Magkun si Huswi sa kan Akan, “Anak, dayawa ti Panginuun, ti Diyus Israil; pagsabi kawu kay tutuu sa kay atubangan. Unu kanmu binwat? Danga inda paglihiman sa kangku.”