Libitiku 26:4 - Hanunuu

⁴ padaran-an niku kamu uran sa tama pag panahun hampay ti daga makapatubas bag-u ti manga kayu mamururak.

Libitiku 26:4 Iomraidhean Croise

1 Hari 17:1

May usa ka purupita kay ngaran si Ilyas. Mag-uli siya sa Tisbi sakup Gilyad. Magkun siya sa kan Akab, “Pagsiguraduhun niku sa kanmu, sa nabubut-un buhi pag Panginuun, ti Diyus Israil kang pagsirbihan, kuntay unman may tun-ug ngatay uran rumas-ug sa sulud pira ka timpu tugka sa unman niku sabihun kuntay pag-uran ngatay pagtun-ug.”

Hub 5:10

Magpadara siya uran sa babaw daga ag pagpadanuman ti manga taranmanan.

Kanta 104:13

Ginan sa kanmu ulian sa langit, pagpauranan nimu ti manga bantud, ag dahil sa tunda kanmu binwat, magtanggap papalad ti kalibutan.

Kanta 67:6

Mana pumatubas ti daga. Mana papaladan kita nita Diyus. Ti tanan tawu sa buu kalibutan mana gumalang sa kanya.

Kanta 68:9

Nagpadara kawu abunda pag uran ag nauranan ti mamara pag daga ti ipinakaun nimu sa kanmu nasakupan.

Kanta 85:12

Pihu ipakaun Panginuun sa kanta ti mayad, ag magkaimaw patubas kanta daga.

Kanta 85:13

Ti katadlungan ga sa manugbarita mag-una sa pagras-ug Panginuun ag mag-alistu sa kay lakawan.

Isayas 30:23

Pakan-an kamu Panginuun uran sa panahun tig-taranum, ag bumaliw abunda kanyu tubas. Kanyu manga hayup manharab sa maluang pag pasturan.

Isayas 5:6

Pabay-anan yi lang niku inda ag balaw yi asikasuhun. Balaw yi niku inda puldan kay manga sanga ngatay balubuan kay puun. Pabay-anan yi lang niku mibusul sa manga ilamnun ag manga halaman madugi. Bag-u suguun niku ti manga rurum tubay yi inda padna uran.”

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Isikil 36:30

Paburakun niku kayamu ti manga puun kayu hanggan paabundahun kanyu manga ani, hampay balaw yi kamu pakay-ahun iba manga nasyun dahil sa lun-us.

Huwil 2:22

Danga magkadala ti manga hayup, dahil malatuy yi ti manga ilamnun sa pasturan ag magburak yi ti manga puun kayu, hanggan ti igus. Magburak yi waydi ti manga ubas.

Libitiku 25:21

Dahil papaladan niku kanyu daga sa ikan-um pag timpu hampay makatubas inda mayamu pag karan-unun kang-ud sa tulu ka timpu.

Sakaryas 8:12

Makapananum kamu may kahusayan. Mamurakan ti manga ubas, manpatubas ti daga, ag magkaimaw maan tun-ug. Ipakaun niku inda tanan sa kanyu sa manga nasawad, ag pihu matanggap niyu inda.

Matiyu 5:45

hampay kamu tutuu gid manga anak niyu Ama sa langit. Dahil pag-ipabutlak niya ti init sa daut ag sa manga mayad. Balaw lang ti manga matadlung ti pagpakan-an uran nu unman hanggan ti manga makasalanan.

Binwat 14:17

Madi katida kang-ud mana pag puruyba kay mayad niya buwat sa kanyu hampay makilala niyu siya. Kabay pinakan-an niya kamu uran ginan sa tungud hanggan abunda pag ani sa kay udas katpung. Pagpakan-an diman niya kamu kang-ud pag karan-unun hanggan kabayaan sa kanyu tagipusuun.”

Diyuturunumiyu 11:13

“Nakan nu tupadun lang niyu pirmi ti pag-ipakaun niku pag manga sugu sa kanyu kainda kuntay mahalun niyu ti Panginuun niyu Diyus ag sirbihan niyu buu tagipusuun ag buu karadwa,

Diyuturunumiyu 11:14

padarahan niya kamu uran sa kang-ud pag udas hampay makaani kamu tirigu, irinmun ubas hanggan lana ulibu.

Diyuturunumiyu 28:12

Padarahan kamu Panginuun uran sa tama pag udas ginan sa taraguan niya kayamanan sa langit, ag papaladan niya ti tanan niyu pagbuwatun. Mamaudam kamu sa mayamu pag nasyun, dapat kamu bay unman mangudam.

Santiyagu 5:7

Nakan ngani manga patar-ari, pag-agwanta sa alagad kamu hanggan sa ud rumas-ug ti Panginuun. Isipa duy niyu ti manugtanman. Tutuu yi gid maggagad sa kay ani, mag-agwanta siya sa alagad sa bag-u padna uran, hanggan sa tig bururak katpung pag uran.

Ipinakakit 11:6

May karampatan sida pumigil sa langit hampay udyi umuran sa kaudasan nida magpurupita. May karampatan diman sida baliwun dugu ti danum ag hampay magpadara una hintay pag kahigpitan tag sa babaw daga una lang kapira kanda gustu.