Libitiku 26:39 - Hanunuu

³⁹ Ag ti masawad sa kanyu amat-amat mamatay dahil sa kanyu manga kasalanan hanggan sa manga kasalanan niyu manga ginurang.

Libitiku 26:39 Iomraidhean Croise

Isra 9:7

Ginan waya duy sa kaudasan nimi manga ginurang tugka taynguna, masyadu gid kanmi kasalanan; ag dahil siyun, kami ag kanmi manga hari hanggan manga manughandug pirmi pagsakupun manga hari iba manga nasyun. Pinanmatay nida ti iba sa kanmi, ag ti iba binihag, tinakawan ag pinakay-a, parihu sa nangyari sa kanmi taynguna.

Nihimyas 1:9

Dapat nu bumalik kamu sa kangku ag tumupad sa kang manga sugu, una magkarawayak waya kamu sa arayu pag rugar, tipunun maan niku kamu sa rugar pinili niku hampay paggalangun aku.’

Pag-ighit 20:5

Danga gid niyu inda pagsirbihi ngatay sambahun, dahil aku, ti Panginuun niyu Diyus, balaw gid magkaibug may pagsambahun kamu tuhay. Pagparusahan niku ti manga magkasala sa kangku, hanggan kay manga anak tugka sa ikatlu ag sa ikap-at pag sinulput manga magdayu sa kangku.

Pag-ighit 34:7

Pag-ipakakit niku kang pagmahal sa mayamu tawu, ag pagpatawadun niku kanda kadautan, hanggan paglabag ag kasalanan. Dapat pagparusahan niku ti manga magkasala, hanggan yi kanda lahi tugka sa ikatlu ag ikap-at pag sinulput.”

Isayas 14:21

Ialistu yi ti rugar nu naan pag matyun kay manga anak dahil sa kasalanan nida manga ginurang. Balaw yi sida pahintulutan makasakup waya manga daga aw ngatay mamatindug manga banwa sa buu kalibutan.

Isayas 24:16

Madnugan ti karantahan una naan katpung sa kalibutan, “Dayawun ti matadlung pag Diyus.” Dapat kaawaawa aku. Magpanlumuy aku! Dahil parargu ti magpandaya manga tawu maradaya.

Hirimyas 29:12

Nu katida, manawag ag mandarangin kamu sa kangku, patingihan niku kamu.

Hirimyas 3:25

Kailangan ngani duy kami patagu dahil sa kay-a dahil kami hanggan kanmi manga ginurang nagsalan sa kanmu, Panginuun nimi Diyus. Ginan waya sa pagkaanak nimi tugka kainda, unman duy kami sinmunud sa kanmu.”

Hirimyas 31:29

Sa tida pag udas balaw yi sabihun manga tawu, ‘Nangaun maaslum pag ubas ti manga gurang, kay aslum nasamitan manga anak.’

Karukuan 1:3

Pinakurianan ti Huda ag binihag kay nasakupan. Ati sida pag nangulian sa iba nasyun nu naan makuri kanda kahamtangan. Linagas sida nida manga kalaban tugka sa unman yi sida may mapalagiwan.

Karukuan 4:9

Mayad waya ti nagkaramatay sa girahan kaysa nagkaramatay sa lun-us. Amat-amat sida nagkaramatay sa lun-us dahil unman gid may karan-unun.

Isikil 18:19

“Dapat barang mamaingana kamu, ‘Hayga nguna balaw dapat parusahan ti anak dahil sa kasalanan niya ama?’ Nu ti anak magbuwat matadlung, hustu, ag pagsundun niya mayad kang manga surundanun, parargu siya mabuhi.

Isikil 20:43

Ag ati maalala niyu kanyu manga binwat nakapa-uring sa kanyu, ag kadat-an niyu kanyu sadili dahil sa tanan niyu daut pag manga binwat.

Isikil 24:23

Danga diman niyu paglukasa kanyu taung hanggan manga lapak. Danga kamu maglumi ngatay magpanruku. Manlumuy kamu dahil sa manga kasalanan niyu ag mandarangpan sa usa kag sa usa.

Isikil 33:10

“Anak tawu, magriklamu ti nasakupan Israil magkun, ‘Unman nimi maagwanta ti parusa sa kanmi manga kasalanan. Magpanlumuy yi kami, ga mamatay yi kami dahil sa inda pag parusa.’

Isikil 36:31

Bag-u maalala niyu kanyu daut ugali ag manga buwat, bag-u bugyahan niyu kanyu sadili dahil sa kanyu manga kasalanan ag balaw mayad pag manga buwat.

Isikil 4:17

dahil sa kakurangan sa karan-unun ag danum. Mamarantayan sida may kadalaan, ag amat-amat sida magkaramatay dahil sa kanda kasalanan.”

Isikil 6:9

bilang manga bihag. Alalahanun nida aku ati, ag maisip nida pinaruku nida aku sa kanda nag-uragin ag pagpalabi-labi sa manga diyus-diyusan. Kayagtingan nida kanda sadili dahil sa kanda daut ag mayagting pag pinanbuwat.

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”

Sakaryas 10:9

Una winayak niku sida sa iba nasyun, maalaala di nida aku ati. Mabuhi di sida hanggan kanda manga anak, ag bumalik sida sa kanda rugar.

Bilang 14:18

magmahal kawu ag balaw madali magkagalit, mapinatawadun sa kasalanan ag paglabag manga tawu. Dapat pagparusahan nimu ti manga nagkasala tugka sa ikatlu ag ikap-at pag sinulput.

Diyuturunumiyu 28:65

Unman kamu may kahusayan ati hanggan rugar paraharyan. Balaw kamu pakan-an Panginuun kaariwayahan ag mabul-an kamu pag-asa, bag-u pirmi kamu mag-ibuyu.

Diyuturunumiyu 30:1

“Nu mangyari sa kanyu inda pag manga bagay — ti manga papalad hanggan ti manga saad kang sinabi sa kanyu — ag maalaala niyu inda nu ati yi kamu sa manga nasyun nu naan pag ipinabihag kamu Panginuun niyu Diyus.

Diyuturunumiyu 5:9

Danga niyu inda pagsirbihi aw ngatay dayawun, dahil aku, ti Panginuun niyu Diyus, dayu gid aku nu may pagsambahun waya kamu tuhay pag diyus. Pagparusahan niku ti manga may kasalanan sa kangku, hanggan kay manga anak tugka sa ikatlu ag ikap-at pag sinulput manga maglapastangan sa kangku.

Diyuturunumiyu 8:20

Parihu sa pagruris Panginuun sa manga nasyun sa kanyu atubangan, katunda diman rurisun niya kamu nu balaw kamu magsunud sa Panginuun niyu Diyus.