Libitiku 26:33 - Hanunuu

³³ Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.

Libitiku 26:33 Iomraidhean Croise

1 Hari 8:46

Nu magkasala sida sa kanmu — dahil unman waydi una di usa ti unman magsalan — ag sa kanmu pangagalit ipinatalu nimu sida sa kanda manga kalaban ag binihag sida sa arayu ngatay sa arani pag rugar,

2 Hari 25:9

Sinunug niya ti Balay Diyus Panginuun, ti balay hari, ti tanan pag balay sa Hirusalim, ag ti tanan mahalaga pag manga arabwat balay.

2 Krunika 7:19

Dapat nu patlikud kamu ag balaw sumunud sa kang manga sugu hanggan manga surundanun ipinakaun niku sa kanyu, ag nu manirbi kamu ag mansamba sa tuhay pag manga diyus,

Nihimyas 1:3

Sinmagut sida, “Magkakurian gid ti manga nakabalik sa Huda, pagpuyaan sida manga tawu sa palibut nida. Ag tugka taynguna, daut waya ti alad batu Hirusalim hanggan sunug kay manga sabian inda.”

Nihimyas 1:8

“Alalahana duy nimu kanmu sinabi kaybi sa kan Muysis magkun: ‘Nu kamu pag manga Israilita balaw magmatinupadun sa kangku, wayakun niku kamu sa tuhay-tuhay pag manga nasyun.

Istir 3:8

Kay sabi ni Haman sa kan Hari Aswiru, “Mahal Hari, may usa duy ka gurupu manga tawu mag-ulian sa tuhay-tuhay pag purubinsiya niyu kaharian ag may sadili sida kasuguan tuhay waydi sa iba nasyun. Unman sida magsunud sa kanmu pag kasuguan ag unman inda mayad nu kanmu lang pabay-anan.

Kanta 106:27

ag wayakun niya kanda manga linahi sa tuhay pag manga nasyun nu naan magkaramatay sida.

Kanta 44:11

Ipinahintulut nimu magkaramatay kami parihu sa manga karanidu pinangiyaw. Ag pinanwayak nimu kami sa manga nasyun.

Kanta 44:12

Kami kanmu nasakupan ipinabili nimu sa baratu. Ga parihu lang kami sa unman may pulus sa kanmu.

Isayas 1:7

Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 6:11

Nagpaingana aku, “Panginuun, kabitay duy kay kadugay?” Sinmagut siya, “Tugka sa mawayak ti manga banwa Israil ag balaw yi may mangulian siyun. Tugka sa udyi may mag-uli sa manga balay ag ti daga bumaliw kapawaan ag udyi makinabangan.

Hirimyas 13:24

Magkun ti Panginuun, “Wayakun niku kamu parihu sa upa pag-ipayag durus ginan sa pangawakawaan. Tunda ti patabgan niyu. Buwatun niku inda sa kanyu dahil kinalimtan niyu aku ag nagsarig kamu sa manga diyus-diyusan.

Hirimyas 15:4

Kadat-an sida tanan nasyun sa kalibutan dahil sa binwat ni Manasis (kay anak ni Isikyas) sa Hirusalim katpung hari waya siya Huda.

Hirimyas 31:10

“Manga nasyun, patingihi niyu ti pag-itultul niku, bag-u ibarita niyu inda sa ararayu rugar: ‘Winayak niku ti manga taga Israil, dapat tipunun di maan niku sida ag alagaan parihu sa manug-alaga manga karanidu.’

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 7:34

Amparahun yi niku ti kasulungan ag kabayaan sa manga baklayan Hirusalim. Ag udyi madnugan sa manga banwa Huda ti manga masulung pag busis manga bag-u ipinaasawa. Dahil bumaliw mapung-aw inda pag daga.”

Hirimyas 8:3

Ti nasawad buhi sa inda pag daut nasyun wayakun niku sa iba ka manga nasyun, ati gustuhun waya nida ti mamatay kaysa mabuhi. Aku, ti Panginuun Makamaskihan, ti magsabi inda.”

Hirimyas 9:16

Bululagun niku sida una naan pag nasyun sa balaw nida magkakilala una manga kaumputan nida. Mamadara aku gurupu man-gira sa kanda hampay lubus sida maruris.”

Karukuan 1:1

Mapanglaw yi ti banwa Hirusalim, sa kabag-u mayamu tawu. Bantug inda kaybi sa buu kalibutan, dapat kainda parihu sa usa ka babayi buranday. Sa kabag-u imaw inda ti magpanguna pag banwa, dapat taynguna panawuhun yi.

Karukuan 1:3

Pinakurianan ti Huda ag binihag kay nasakupan. Ati sida pag nangulian sa iba nasyun nu naan makuri kanda kahamtangan. Linagas sida nida manga kalaban tugka sa unman yi sida may mapalagiwan.

Karukuan 4:15

Pagringgitan sida manga tawu, “Pagpakarayu kamu! Manga mayagting kamu! Danga niyu kami paglabuta.” Nakan nagpalagiw sida ag una naan yi lang sida pag nasyun nag-atag; dapat unman gid may nagtanggap sa kanda.

Karukuan 4:16

Ti Panginuun ti nagwayak sa kanda, unman yi sida labutun Panginuun. Unman yi paggalangun ti manga manughandug ag takinan.

Isikil 12:20

Ipadamhak kanda manga banwa ag bumaliw mapung-aw inda. Bag-u maalaman nida aku ti Panginuun.”

Isikil 20:23

Dapat nagsumpa aku sa kanda ati sa pangawakawaan wayakun niku sida sa tuhay-tuhay pag manga nasyun,

Isikil 22:15

Wayakun niku kamu sa tuhay-tuhay pag manga nasyun, ag ipatigil niku kanyu manga pagbuwatun magpauring sa kanyu.

Isikil 5:2

Kay un-an pag bahagi ipauli nimu sa daga pinaganit kanmu ginuhitan Hirusalim, paulian kay usa ka bahagi buhuk sa daga pinaganit, ag sunuga inda siyun sa karaw-an banwa. Paulian kay usa ka bahagi sa palibut banwa ag pamulud-puluda nimu baladaw. Kay nasawad pag bahagi sarwagan sa durus, dahil kalatun niku kang nasakupan sa panab-anan baladaw.

Husyas 9:6

Una waya makapalagiw kamu sa kadamhakan, tipunun di maan niku kamu sa Ihiptu ag ilbung sa Mimpis. Matabunan lang ilamnun ag dugihan pag manga kayu kanyu mahalaga pag manga kagamitan pilak hanggan kanyu manga balay.

Amus 9:4

Una bihagun waya sida nida manga kalaban, ipamatay di gid niku sida. Buwatun gid niku inda; ipadamhak niku sida ag balaw awatan.’ ”

Sakaryas 7:14

Parihu aku sa buhawi manwayak sa kanda sa tuhay-tuhay pag rugar sa unman waya nida naatagan. Tinayakan yi nida kanda marinu pag daga tugka sa udyi nida inda mapakinabangan ag udyi maulian.”

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Diyuturunumiyu 4:27

Panwayakun kamu Panginuun tabug sa iba manga nasyun, ag pira wadi ti masawad sa kanyu ati sa manga nasyun nu naan kamu pag ipinauli Panginuun.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.