Libitiku 26:31 - Hanunuu

³¹ Gubaun niku kanyu manga banwa hanggan manga simbahan, ag balaw aku makabaya sa hungaw niyu manga handug.

Libitiku 26:31 Iomraidhean Croise

Gimpuunan 8:21

Pagka nahungaw Panginuun ti mabanglu pag hungaw, magkun siya sa kay sadili, “Balaw yi gid niku umanun saadan ti daga dahil sa pagbuwatun manga tawu. Una waya alam niku makasalanan ti tawu ginan sa anak waya siya, balaw yi gid niku rurisun uman ti tanan magkabuhi parihu sa kang binwat.

2 Hari 22:19

Pinatingihan niku kanmu darangin, dahil nagsisi kawu ag nagpakumbaba kanmu sadili pagka nadnugan nimu kang sinabi laban sa inda pag rugar hanggan sa manga nasakupan inda, kuntay saadan ag rurisun inda pag rugar. Ginisi waya ngani nimu kanmu rutay ag nanlumi sa kang atubangan. Nakan aku, ti Panginuun, magsabi

2 Krunika 36:19

Pagkatapus, sinunug nida ti Balay Diyus ag tinumpag ti alad batu Hirusalim. Sinunug diman nida ti tanan marig-un pag bahagi sa banwa, ag dinaut ti tanan mahalaga pag manga bagay.

Nihimyas 1:3

Sinmagut sida, “Magkakurian gid ti manga nakabalik sa Huda, pagpuyaan sida manga tawu sa palibut nida. Ag tugka taynguna, daut waya ti alad batu Hirusalim hanggan sunug kay manga sabian inda.”

Nihimyas 2:17

Dapat taynguna magkun aku sa kanda, “Nakitan niyu ti kaawaawa pag kahamtangan nita banwa. Guba ti Hirusalim ag sunug kay manga sabian inda. Utru nita ipatindug ti manga alad batu Hirusalim hampay balaw yi kita mangay-a.”

Nihimyas 2:3

dapat nagsagut aku sa hari, “Umaba waya mana kanmu buhi, Mahal Hari! Magruku aku dahil ti banwa linubngan niku manga ginurang naguba hanggan kay manga sabian inda sunug apuy.”

Isayas 1:7

Udyi makinabangan kanyu nasyun; kanyu manga banwa nagkarairub yi. Habang mabantayan kamu, pagbul-un manga taga iba daga ti burak niyu manga tanum sa kanyu tanman. Dinaut nida kanyu daga tugka sa udyi kamu may makinabangan.

Isayas 6:11

Nagpaingana aku, “Panginuun, kabitay duy kay kadugay?” Sinmagut siya, “Tugka sa mawayak ti manga banwa Israil ag balaw yi may mangulian siyun. Tugka sa udyi may mag-uli sa manga balay ag ti daga bumaliw kapawaan ag udyi makinabangan.

Isayas 63:18

Sa dag-ud pag panahun, ti manga nasakupan nimu ti nag-apu kanmu Balay. Ag taynguna, dinaut yi inda nimi manga kalaban.

Isayas 64:9

Panginuun, danga waydi nimu paglubusan kanmu pangagalit sa kanmi ngatay alalahanun kanmi manga kasalanan hanggan aban. Magpakihampang duy kami sa kanmu pakidnugi nimu kami, dahil kami tanan kanmu nasakupan.

Isayas 66:3

Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Hirimyas 22:5

Dapat nu unman niyu sundun inda kang manga sugu, pag-isumpa niku sa kang sadili mawasak inda pag balay hari.”

Hirimyas 26:6

dautun niku inda pag Balay Diyus parihu sa binuwat niku sa Silu. Inda pag banwa saadan tanan nasyun sa buu kalibutan!”

Hirimyas 26:9

Hayga kanmu pagsabihun sa ngaran Panginuun kuntay inda pag Balay Diyus dautun parihu sa Silu, ag inda pag banwa bumaliw mapung-aw udyi may mangulian?” Nakan dinakup nida si Hirimyas sa Balay Diyus Panginuun.

Hirimyas 4:26

Nakitan niku ti abunda pag tanman nagbaliw pangawakawaan. Nawasak ti tanan banwa dahil sa masyadu pag pangagalit Panginuun.

Hirimyas 4:27

Inda ti pagsabihun Panginuun, “Ti buu daga madaut, dapat balaw niku inda lubus dautun.

Hirimyas 4:7

Ti manugwayak kuntay gumira sa manga nasyun ga liyun linmuwang gin sa kay pagpatag-an. Ginminan yi siya sa kay rugar hampay wayakun kanyu daga. Magkaradaut ti manga banwa niyu tugka sa balaw yi inda maulianan.

Hirimyas 44:2

Inda ti pagsabihun Panginuun Makamaskihan, ti Diyus Israil, “Nakitan niyu ti kadamhakan pinalakaw niku sa Hirusalim hanggan sa tanan banwa sa Huda. Wayak yi inda taynguna ag udyi may mag-ulian ati,

Hirimyas 44:6

Nakan ibinuhus niku sa kanda ti masyadu niku pag pangagalit. Ga apuy inda mag-irub sa manga banwa Huda ag Hirusalim, ag nagbaliw maruku inda pag manga rugar ag wayak tugka taynguna.

Hirimyas 52:13

Inirub niya ti Balay Diyus Panginuun, ti balay hari, ti tanan balay sa Hirusalim, ag ti tanan manga mahalaga pag daraka balay.

Hirimyas 9:11

Dahil magsabi ti Panginuun, “Wasakun niku ti Hirusalim, bumaliw inda ulian manga talun idu. Buwatun niku ga pangawakawaan ti manga banwa Huda tugka sa unman yi may mangulian siyun.”

Karukuan 1:1

Mapanglaw yi ti banwa Hirusalim, sa kabag-u mayamu tawu. Bantug inda kaybi sa buu kalibutan, dapat kainda parihu sa usa ka babayi buranday. Sa kabag-u imaw inda ti magpanguna pag banwa, dapat taynguna panawuhun yi.

Karukuan 1:10

Pinanbuul kalaban ti tanan niya kasiyunan. Nakitan niya sinmaka ti balaw Israilita sa Balay Diyus, manga tawu balaw pagpasnuan Panginuun sumaka sa Balay Diyus.

Karukuan 2:6

Dinaut niya kay Balay ga payag lang sa tanman. Ipinahintulut niya kalimtan nasakupan Hirusalim ti itinagka pag manga pista ag manga Sirang Pamahari. Sa kay masyadu pag pangagalit ipinurya niya ti hari hanggan ti manughandug.

Karukuan 2:7

Dinayu Panginuun kay harandugan hanggan kay Balay. Ipinadaut niya sa kamang kalaban ti alad batu Hirusalim. Nanhuruyawan ti kalaban sa Balay Panginuun ga mag-alaala sa kapistahan.

Isikil 12:20

Ipadamhak kanda manga banwa ag bumaliw mapung-aw inda. Bag-u maalaman nida aku ti Panginuun.”

Isikil 21:15

Takigan sida sa kadalaan ag mayamu ti midamhak sa kanda. Ipinauli yi niku ti baladaw sa manga sabian nida banwa hampay mumatay sa kanda. Magsiak inda parihu sa kilat ag alistu sa pagpanmatay.

Isikil 21:7

Nu mamaingana sida nu hayga kawu mag-arunghung, sabihi sida dahil sa barita makapalumuy nalub-anan, makapadala sa tanan tawu, makarilipung sa isip, ag makapatakig tuud sa kanda. Mangyari gid inda pag manga bagay udyi dumugay. Aku, ti Panginuun Diyus, ti magbagaw inda.”

Isikil 6:6

Ti kada banwa niyu ipadamhak. Magkaratumpag kanyu manga simbahan sa abwat pag manga rugar, manga diyus-diyusan, manga harandugan, hanggan ti manga harandugan pagsunugan manga kamangyan, ag ti iba waya parihu sa inda pag pinanmuwat niyu.

Isikil 9:6

Panmatya niyu ti manga gurangun, ti manga kalay-awan lalaki ag manga babayi, ti manga ina, ag ti manga anak, dapat danga paglabuta ti may manga marka. Pag-umpisa kamu sa kang Balay.” Nakan inuna nida pinanmatay ti manga paggurangunun ati sa atubangan Balay Diyus.

Danyil 2:46

Nagluhud si Hari Nabukudunusur hampay parangalan si Danyil. Bag-u nagsugu siya kuntay pagsagda ag pagsunug kamangyan sa kan Danyil.

Amus 7:9

Wasakun niku ti manga simbahan sa abwat pag manga rugar pagsambahan manga taga Israil linahi ni Isaak. Ipagira niku sa manga kalaban ti Israil, ti kaharian ni Hari Hirubuam.”

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”

Sipanyas 3:6

“Magkun ti Panginuun, ‘Pinapas niku ti manga nasyun; ginuba niku kanda manga banwa hanggan kanda manga alad batu ag manga bantayaw. Unman may nasawad sa kanda manga nasakupan, nakan udyi may tawu maglakaw sa kanda manga karsada.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Binwat 6:14

Nadnugan gid nimi kay magsabi magkun, tunda pag tawu si Hisus taga Nasarit tulagun niya aban ti Balay Diyus ag ilsan niya ti manga ugali kanta minana ginan sa kan Muysis.”

Hibriyu 10:26

Nu abi kita tikis yi lang magpadayun sa kasalanan madi nakilala yi nita ti katutuuhanan, udyi may iba waya pag ihandug sa Diyus sa ikapatawad nita kasalanan.