Libitiku 26:30 - Hanunuu

³⁰ Gubaun niku kanyu manga simbahan sa abwat pag manga rugar hanggan ti manga harandugan surunugan kamangyan. Ag iyamut niku kanyu manga bangkay sa babaw niyu tigbak pag manga diyus-diyusan, bag-u dayuun niku kamu.

Libitiku 26:30 Iomraidhean Croise

Gimpuunan 19:13

dahil wasakun nimi inda pag banwa. Nasaydan Panginuun ti manga riklamu laban sa daut pag manga tawu. Nakan ipinadara niya kami hampay wasakun inda pag banwa.”

1 Hari 13:2

Sinugu Panginuun kay suruguun hampay saadan tunda pag harandugan. Magkun siya, “Inda ti pagsabihun Panginuun tungkul sa tunda pag harandugan: May ilusad usa ka lapsag sa magtal-anakan ni Dabid kay ngaran Husyas. Matyun niya ag ihandug sa inda pag harandugan ti manga manughandug magsirbi sa simbahan sa abwat pag rugar hanggan maghandug sa inda pag harandugan. Masunug kanda manga but-ul sa inda pag harandugan.”

1 Hari 13:32

Dahil ti manga sinabi Panginuun sa kanya tungkul sa harandugan sa Bitil hanggan sa manga simbahan sa abwat pag rugar sa Samarya pihu gid mangyari.”

2 Hari 23:16

Habang magturun siya sa palibut, nakitan niya ti kalubngan sa saruy bantud. Ipinab-ul niya ti manga but-ul sa kalubngan ag sinunug niya ati sa harandugan sa Bitil hampay dautun inda. Nangyari inda angay sa binagaw Panginuun sa panab-anan niya suruguun, ti nagpaalam inda pag manga bagay.

2 Hari 23:20

Pinanmatay ni Husyas ti tanan manughandug sa tunda pag manga simbahan ati gid ngap sa manga harandugan. Ag nagsunug siya manga but-ul tawu sa tunda pag manga harandugan agud uringan tunda. Bag-u nagbalik siya sa Hirusalim.

2 Hari 23:8

Ibinalik ni Husyas sa Hirusalim ti tanan manughandug mag-uli sa iba manga banwa Huda. Inuringan niya ti manga simbahan sa abwat pag manga rugar, ginan sa Giba tugka sa Biirsiba, nu naan pag magtuub kamangyan ti manga manughandug. Ipinadaut niya ti manga simbahan sa Puwirtahan ni Huswi, ti takinan sa Hirusalim. Inda pag puwirtahan ati sa wala baliwa sa may puwirtahan banwa.

2 Krunika 23:17

Bag-u ti tanan tawu nangatag sa simbahan ni Baal ag dinaut nida inda. Rinunut nida ti manga harandugan ag ti manga diyus-diyusan ati, ag minatay nida si Matan kay manughandug ni Baal sa atubangan manga harandugan.

2 Krunika 31:1

Pagkalawuy pista, ti manga Israilita naglinuwang ati nag-atag sa manga banwa Huda, ag pinanrunut nida ti aramirawan pag manga batu ag pinanmulud ti manga tulduk tanda diyusa si Asira. Ginuba nida ti manga simbahan sa abwat pag manga rugar ag ti manga harandugan sa buu Huda, Binhamin, ag sa Ipraim ag Manasis. Pagkalawuy nida dautun inda tanan, nuli sida tanan sa kanda manga banwa ag daga.

Kanta 106:40

Nakan nagalit ti Panginuun sa kay pag-apuun pag nasakupan, ag pagkadat-an niya sida.

Kanta 89:38

Dapat, Panginuun, nagalit kawu sa kanmu pinili pag hari; pinabay-anan nimu siya ag binugyahan.

Isayas 27:9

Patawadun lang sida nu dautun nida kanda manga harandugan batu ag nu runutun ka pinu ag iyamut ti manga tulduk tanda diyusa si Asira, hanggan ti manga harandugan pagsunugan nida kamangyan.

Hirimyas 14:19

Panginuun, ungud aw dinayu yi nimu ti Huda? Ungud aw magkagalit kawu sa Hirusalim? Hayga duy pinarusahan nimu kami kainda ga udyi kami may pag-asahan maayadan? Magsarig duy kami pakan-an nimu kahusayan, dapat unman waydi inda may rinmas-ug. Magsarig duy kami umayad ti kahamtangan nimi, dapat ay kadalaan ti rinmas-ug sa kanmi.

Hirimyas 16:18

Nakan pabayadun niku sida dubli sa kanda kadautan ag kasalanan, dahil inuringan nida kang daga sa panab-anan mayagting ag tigbak pag manga diyus-diyusan nida.”

Isikil 16:39

Ipakaun niku kawu sa manga kamang nimu manga katagbu, ag pandautun nida kanmu manga simbahan para sa kanmu manga diyus-diyusan. Ubahan nida kawu ag panbul-un ti marinu nimu pag manga pamarinu, ag tayakan nida kawu uba.

Isikil 43:7

magkun sa kangku, “Anak tawu, imaw inda kang tukawan hari ag ti tarat-an niku manga lulud. Sitay aku pag mag-uli kaibahan sa manga Israilita sa unman may katapusan. Balaw yi gid mauman ipakay-a manga Israilita ngatay nida manga hari kang banal pag ngaran sa panab-anan pagsamba sa manga diyus-diyusan ngatay sa pagsamba sa manga tinawu-tawu nida manga hari nagkaramatay yi.

Isikil 6:13

Ag maalaman nida aku ti Panginuun nu ti manga bangkay nida manga kasimanwa mawayak kaibahan sa kanda manga diyus-diyusan sa sangput nida manga harandugan, sa manga bantud, sa tagudtud manga bantud, sa puun daraka pag manga kayu, ag sa puun maraybung pag manga kayu insina, nu naan maghandug sida kamangyan sa kanda manga diyus-diyusan.

Husyas 10:2

Manga madaya sida, nakan taynguna kailangan yi mangagwanta sida dahil sa kanda manga kasalanan. Dautun Panginuun kanda manga harandugan hanggan aramirawan pag manga batu.

Libitiku 20:23

Ti manga paighitun niku pag tawu siyun ginan pag daga magbuwat inda pag manga daut buruwatun, ag dahil siyun pagkadat-an niku sida. Nakan danga niyu paghuwada kanda pagbuwatun.

Libitiku 26:11

Mangulian aku kaibahan niyu ag dayu niku kamu pabay-anan.

Amus 6:8

Nagsumpa ti Panginuun Diyus, ti Diyus Makamaskihan, magkun siya, “Pagkadat-an niku ti marapadayaw-dayaw pag manga linahi ni Hakub, ag pagkadat-an niku ti mapag-un pag manga bahagi nida banwa. Nakan ipakaun niku sa kalaban kanda banwa hanggan ti tanan asan.”

Amus 7:9

Wasakun niku ti manga simbahan sa abwat pag manga rugar pagsambahan manga taga Israil linahi ni Isaak. Ipagira niku sa manga kalaban ti Israil, ti kaharian ni Hari Hirubuam.”

Diyuturunumiyu 32:19

Nakitan inda Panginuun, dahil sa kay pangagalit ipinurya niya sida kay manga anak.