Libitiku 26:26 - Hanunuu

²⁶ Kurangun kanyu karan-unun, nakan usa lang wadi ka dapugan ti gamitun sampulu ka babayi sa pagtama tinapay, bag-u tunga-tungaun wadi nida inda sa kanyu. Tutuu may pagkan-un di kamu dapat udyi kamu magkabsug.

Libitiku 26:26 Iomraidhean Croise

2 Hari 6:25

Dahil siyun, masyadu ti lun-us sa banwa, tugka sa nagmahal ti bililyun. Ti halaga ulu asnu 80 ka pulud pilak, ag ti halaga usa ka pulak iput kalampati lima ka pulud pilak.

Kanta 105:16

Nagpadara ti Diyus kalun-usan sa daga Kanaan. Tinabu niya bin-ul ti tanan nida karan-unun.

Isayas 3:1

Pagpatingi kamu! Bul-un Panginuun Diyus Makamaskihan ti tanan pagsarigan manga taga Hirusalim hanggan taga Huda: ti karan-unun ag ti danum nida,

Isayas 5:10

Ti duwa ka iktarya ubasan tumubas lang unum ka galun intus. Ag ti sampulu ka takal binhi tumubas lang usa ka takal.”

Isayas 9:19

Dahil sa pangagalit Panginuun Makamaskihan, magkarairub kanda daga, ag bumaliw sida ga pamagba kan-un apuy. Dayu nida kaawaan una kanda kaparihu Israilita.

Isayas 9:20

Una hintay pag karan-unun kanda makitan, bul-un di nida ag kan-un, dapat balaw diman sida mabsug. Nakan kan-un yi nida una kanda manga anak.

Hirimyas 14:12

Una waya balaw sida manhandum karan-unun, balaw niku patingihan kanda maghagad awat sa kangku. Una manhandug waya sida manga handug pagsunugun ag handug pasalamat sa kangku, balaw niku tunda tanggapun. Bagkus ngap, matyun niku sida sa gira, lun-us, ag sarut.”

Isikil 14:13

“Anak tawu, nu magkasala ag balaw matinupadun sa kangku ti usa ka nasyun, parusahan niku sida, ag bul-un niku kanda bulul-an karan-unun. Padarahan niku sida lun-us hampay magkaramatay sida ag kanda manga hayup.

Isikil 4:10

Manga duwa lang ka guhit may tunga pag karan-unun kanmu kan-un kada sirang sa itinagka pag manga udas.

Isikil 4:16

Magkun waya gid ti Panginuun, “Anak tawu, bawasan niku ti karan-unun sa Hirusalim. Takalun nasakupan Hirusalim kanda karan-unun hanggan danum bag-u mangaun sida ag manginum may kaaburiduhan ag may karukuan

Isikil 4:17

dahil sa kakurangan sa karan-unun ag danum. Mamarantayan sida may kadalaan, ag amat-amat sida magkaramatay dahil sa kanda kasalanan.”

Isikil 5:16

Padarahan niku kamu lun-us parihu sa ugyung rumuris sa kanyu. Umamat di ti lun-us tugka sa unman yi kamu may makaun.

Husyas 4:10

Tutuu ngani magkaun kamu, dapat unman kamu magkabsug. Magsamba kamu sa manga diyus-diyusan imaw kanyu pagpaniwalaan makapakaun anak, dapat unman kamu magkaanak dahil binugyahan niyu aku, ti Panginuun,

Libitiku 26:27

Nu dayu waya gid kamu maniwala sa kangku bagkus pumadayun di gid kamu sa maglabag sa kangku,

Mikas 6:14

Mangaun kamu, dapat unman kamu mabsug; paglun-usun di kamu. Manhamnu kamu kanyu manga inani, dapat unman niyu inda mapakinabangan, dahil ipaagaw niku tunda sa kanyu manga kalaban.

Hagay 1:6

Mayamu kanyu ipinamgas, dapat pira-pira kay tubas. May karan-unun kamu, dapat kurang. May irinmun kamu, dapat unman kang-ud. May rutay kamu, dapat pagramigun di kamu. May pagtanggapun kamu upa, dapat madali magkatabu.