Libitiku 26:22 - Hanunuu

²² Padaran-an niku kamu manga maisug pag manga hayup bag-u matyun nida kanyu manga anak hanggan manga hayup, ag dahil siyun pira wadi ti masawad sa kanyu ga udyi may maglakaw sa kanyu manga dalan.

Libitiku 26:22 Iomraidhean Croise

2 Hari 17:25

Sa umpisa nida mag-uli ati, unman yi sida nagsamba sa Panginuun; nakan pinadaran-an sida Panginuun manga liyun ag pinanmatay ti iba sa kanda.

2 Hari 2:24

Nag-aliwliw si Ilisyu, tinurun niya ti manga kalay-awan ag sinaadan sa ngaran Panginuun. Bag-u may duwa ka babayi simarun idu nagluwang ginan sa kakayuhan ag ginutay-gutay ti 42 ka kalay-awan.

2 Krunika 15:5

Sa ati pag udas, mahawag ti maglakaw dahil magkaguluhan ti manga tawu.

Isayas 24:6

Nakan sinaadan Diyus ti kalibutan, nakan may saragtun ti manga nasakupan dahil sa kanda manga kasalanan. Sunugun sida ag pira-pira wadi ti masawad.

Isayas 33:8

Udyi may maglawuy ngatay maglakaw sa baklayan. Paglabagun yi ti kasunduan balaw yi pagpahalgaan ti manga kastigus. Udyi may tawu pag-igalang.

Hirimyas 15:3

Aku, ti Panginuun, magkun ipadara niku sa kanda ti upat ka kalasi manugpapas: Magkaramatay sida sa girahan, guyudun manga idu kanda manga bangkay, tindukun sida manga manuk ag ti magkasawad pag manga bangkay nida hirutun maraisug pag hayup.

Hirimyas 42:2

Magkun sida kan Hirimyas, “Magpakihampang kami sa kanmu, kami ti manga nasawad, idarangin nimu kami sa Panginuun nimu Diyus. Mayamu kami kaybi, dapat taynguna pira wadi parihu sa kanmu mag-akitan.

Karukuan 1:4

Ti manga lakawan atabug sa Hirusalim mapanglaw, dahil unman yi may magluwang mansamba sa itinagka pag manga pista. Mapanglaw ti tanan sabian inda. Ti manga manughandug mag-arunghung ag ti manga daraga magpanruku gid. Masyadu maruku ti Hirusalim.

Isikil 14:15

“Ngatay halimbawa, padaran-an niku maraisug pag manga hayup inda pag nasyun hampay panmatyun kay manga kasimanwa, ag bumaliw mapung-aw inda pag rugar ag unman yi may manlakaw siyun dahil sa kadalaan sa maisug pag manga hayup.

Isikil 14:21

“Sa ungud, aku, ti Panginuun Diyus, magkun kaawaawa ti Hirusalim nu ipadara yi niku inda pag upat ka mabuyat pag parusa: manga girahan, lun-us, maisug pag manga hayup, ag manga sakit — manmatay sa kay manga nasakupan hanggan manga hayup.

Isikil 33:28

Buwatun niku mapung-aw ti daga Israil, ag duraun niku ti pag-ipayabang niya pag kabisugan. Una kay manga kabantudan bumaliw mapung-aw hanggan unman yi may lumakaw ati.

Isikil 5:17

Bukud sa lun-us padaran-an diman niku kamu maraisug pag manga hayup ag panmatyun nida kanyu manga anak. Magkaramatay diman kamu sa manga sakit ag sa girahan. Aku, ti Panginuun, ti magbagaw inda.”

Libitiku 26:6

Ipadara niku ti kahusayan sa kanyu rugar, nakan makaturug kamu balaw may pagkadalaan. Tabugun niku ti maisug pag manga hayup gin sa kanyu rugar, ag unman may manga kalaban man-gira sa kanyu.

Mikas 3:12

Nakan dahil sa kanyu dautun ti Siun, ti banwa Hirusalim. Bumaliw parihu sa inaradu tanman, ag bumaliw tumpuk manga nagkarapugdak batu. Ag bumaliw kapuruan ti bantud nabungsudan Balay Diyus.”

Sakaryas 7:14

Parihu aku sa buhawi manwayak sa kanda sa tuhay-tuhay pag rugar sa unman waya nida naatagan. Tinayakan yi nida kanda marinu pag daga tugka sa udyi nida inda mapakinabangan ag udyi maulian.”

Diyuturunumiyu 32:24

Palun-usan niku sida; magkaramatay sida sa lun-us ag sa sakit. Padarahan niku sida maisug pag manga hayup hampay tukbun sida, hanggan manga ulay hampay kagtun sida.

Talaghusay 5:6

Katpung panahun ni Samgar anak ni Anat, hanggan katpung panahun ni Hail, unman may maglakaw sa manga baklayan. Ti manga magbaklay ati maglakaw sa palihud-lihud pag manga dalan.