Libitiku 26:16 - Hanunuu

¹⁶ indaay kang buwatun sa kanyu: Makulbaan kamu sa dala dahil padaran-an niku kamu makamatay pag manga sakit hanggan init bilug imaw ti dumaut sa kanyu manga mata hanggan manga bilug. Tumanum kamu, dapat balaw niyu inda makinabangan dahil girahun kamu niyu manga kalaban bag-u kan-un nida kanyu manga patubas.

Libitiku 26:16 Iomraidhean Croise

1 Hari 8:37

“Nu may rumas-ug lun-us sa daga nimu nasakupan, ngatay kadilikaduhan, ngatay mainit pag durus, ngatay sarut sa manga tanum hanggan yi ti manga apan ag ti manga basul, ngatay sangputun sida nida manga kalaban una naan sa kanda manga banwa, ngatay rumas-ug sa kanda ti una hintay pag manga sakit,

Hub 18:11

Sangput siya manga bagay magpadala sa kanya ag ga magbukad inda sa kanya.

Hub 20:25

Matuhug kay apdu, ag lumapus ti ugyung sa kay bilug. Bag-u rumas-ug sa kanya ti kadalaan.

Hub 31:8

mana magkaradaut kang manga tanum aw ngatay kan-un manga iba.

Kanta 109:6

Magkumun sida, “Manhanap kita daut pag tawu kumalaban ag mandimanda sa kanya sa hurusayan.

Kanta 73:19

Kadaka lang sida midamhak; magkaramatay sida tanan sa kanda madala pag patabgan.

Kanta 78:33

Nakan kadaka lang niya inugtas kanda buhi sa panab-anan madali pag kadamhakan.

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Kabagawan 3:33

Pagsaadan Panginuun ti magtal-anakan manga daut, dapat kay pagpapaladan ti manga matadlung pag magtal-anakan.

Isayas 10:4

Unman may masawad sa kanyu. Bihagun ngatay matyun kamu, dapat ti pangagalit Panginuun dayu madura. Alistu di gid siya pumarusa sa kanyu.

Isayas 62:8

Nangaku ti Panginuun buwatun niya tunda sa panab-anan niya kamaskihan. Magkun siya, “Balaw yi niku ipakaun kanyu manga tirigu sa kanyu manga kalaban day-uhan. Udyi hanggan nida mainum ti manga binudlayan niyu pag irinmun ubas.

Isayas 7:2

Pagka nabaritaan hari Huda kuntay magkarampihan ti Aram ag ti Israil, tinakigan siya sa dala hanggan kay manga nasakupan. Tinakigan sida ga puun kayu paghaluun durus.

Hirimyas 12:13

Kang manga nasakupan mamamgas tirigu, dapat mangani sida dugi. Mangungud sida sa tarabahu dapat unman sida may pakinabangun. Mangani sida kakay-ahan dahil sa kang masyadu pangagalit.”

Hirimyas 15:3

Aku, ti Panginuun, magkun ipadara niku sa kanda ti upat ka kalasi manugpapas: Magkaramatay sida sa girahan, guyudun manga idu kanda manga bangkay, tindukun sida manga manuk ag ti magkasawad pag manga bangkay nida hirutun maraisug pag hayup.

Hirimyas 15:8

Payamuun niku kanyu manga buranday mas mayamu waya sa baras sa baybay dagat. Sa karaw-an sirang, ipadara niku ti rumuris sa manga ina niyu manga kalay-awan lalaki. Kadaka rumas-ug sa kanyu ti karukuan hanggan kadalaan.

Hirimyas 20:4

Dahil inda ti pagsabihun Panginuun: Kadalaan nimu kanmu kahamtangan hanggan ti kahamtangan nimu manga kakilala. Makitan nimu sida matyun nida manga kalaban sa girahan. Ipakaun niku ti buu Huda sa hari Babilunya. Kay iba nasakupan matyun, ag ti iba waydi bihagun.

Hirimyas 5:17

Tabuhun nida kanyu manga ani, manga karan-unun, hanggan manga ubas ag manga igus. Matyun nida kanyu manga hayup hanggan kanyu manga anak. Dautun nida ti manga may alad batu pag banwa, imaw mana kanyu pagsarigan.

Isikil 24:23

Danga diman niyu paglukasa kanyu taung hanggan manga lapak. Danga kamu maglumi ngatay magpanruku. Manlumuy kamu dahil sa manga kasalanan niyu ag mandarangpan sa usa kag sa usa.

Isikil 33:10

“Anak tawu, magriklamu ti nasakupan Israil magkun, ‘Unman nimi maagwanta ti parusa sa kanmi manga kasalanan. Magpanlumuy yi kami, ga mamatay yi kami dahil sa inda pag parusa.’

Amus 5:11

Pag-ihid-ihidun niyu ti manga pugri ag pagpilitun pumakaun sa kanyu kanda patubas. Nakan unman kamu makaulian sa ipinatindug niyu pag manga balay buwat sa batu, ag unman kamu makainum intus ginan sa itinanum niyu pag manga ubas.

Mikas 6:15

Mananum kamu, dapat balaw kamu ti umani. Magpigis kamu manga ulibu, dapat balaw kamu ti pumakinabang kay lana. Magpigis diman kamu burak niyu manga ubas, dapat balaw kamu ti uminum kay pinigis.

Hagay 1:6

Mayamu kanyu ipinamgas, dapat pira-pira kay tubas. May karan-unun kamu, dapat kurang. May irinmun kamu, dapat unman kang-ud. May rutay kamu, dapat pagramigun di kamu. May pagtanggapun kamu upa, dapat madali magkatabu.

Sakaryas 14:12

Inda pag manga sarut ipadara Panginuun sa tanan nasyun nan-gira sa Hirusalim: Mabuyuk kanda manga bilug, mata, ag dila una buhi waya sida.

Malakyas 2:3

“Pagpatingi kamu! Dahil sa kanyu, parusahan niku kanyu manga linahi. Ag itaplak niku sa kanyu manga uyahun ti ugat manga hayup kanyu ihinandug, ag iyamut diman kamu sa rayamtan manga ugat.

Diyuturunumiyu 28:51

Kan-un nida kanyu manga hayup hanggan kanyu manga tubas tugka sa magkaramatay kamu. Unman diman sida may sawadan sa kanyu uyas, una irinmun ubas ngatay lana ulibu hanggan manga hayup tugka sa maruris kamu.

Diyuturunumiyu 32:25

Sa luwas nida balay mayamu ti magkaramatay sa irisgan, ag sa sulud humari ti dala. Magkaramatay ti manga gurangun, ti manga kalay-awan, hanggan ti manga anak.

Hibriyu 10:31

Madala gid ti malagpak tag sa kamang Diyus buhi.

Talaghusay 6:11

Bag-u rinmas-ug ti anghil Panginuun sa Upra. Tinmukaw siya ati sa sirung kayu insina ni Huas kay lahi ni Abisir. Si Gidyun kay anak ni Huas ati katpung maggiuk tirigu sa may pirigsan ubas hampay balaw makitan manga Midyanita ti tirigu.

1 Samwil 2:33

Balaw niku paighitun ti iba sa kanyu sa kanda magsirbi sa kangku bilang manughandug, dapat makalakaw sida masyadu pag kakurian, ag unman sida mabuhi dugay.