Libitiku 26:14 - Hanunuu

^14-15 Dapat nu unman kamu mamatingi sa kangku ag balaw sumunud sa tanan niku manga sugu, manga surundanun hanggan manga pag-ipatupad, ag dahil siyun linabag niyu ti kasunduan niku sa kanyu,

Libitiku 26:14 Iomraidhean Croise

2 Hari 22:13

“Pagpaingana kamu sa Panginuun para sa kangku ag para sa nasakupan Huda tungkul sa nakasurat sa ribru nakitan. Masyadu gid ti pangagalit Panginuun sa kanta dahil unman nagsunud kanta manga ginurang sa nakasurat sa inda pag ribru, ti pag-isugu diman sa kanta.”

2 Krunika 7:19

Dapat nu patlikud kamu ag balaw sumunud sa kang manga sugu hanggan manga surundanun ipinakaun niku sa kanyu, ag nu manirbi kamu ag mansamba sa tuhay pag manga diyus,

Kanta 81:12

Nakan pinabay-anan niku kamu sa kanyu kaganitan ulu, ag binwat niyu kanyu pagkaibgan.

Kabagawan 3:33

Pagsaadan Panginuun ti magtal-anakan manga daut, dapat kay pagpapaladan ti manga matadlung pag magtal-anakan.

Hirimyas 11:8

Dapat ay balaw sida namatingi ag balaw nida binati ti pagsabihun niku. Bagkus ngap, napaangay sida sa kanda kaganitan ag kadautan tagipusuun. Pagsabihun niku sa kanda sunda nida inda pag kasunduan, dapat unman nida sinunud. Nakan ipinadara niku sa kanda ti tanan saad pagsabihun sa kasunduan.’ ”

Hirimyas 17:27

Dapat nu balaw kamu sumunud sa kangku, ag balaw niyu kilalan-un ipinablag ti Sirang Pamahari, ag mandara kamu manga paninda sa manga puwirtahan Hirusalim sa tida pag sirang, irubun niku ti manga puwirtahan Hirusalim hanggan ti manga mapag-un pag manga bahagi banwa, unman gid may pumusa tunda pag apuy!’ ”

Hirimyas 26:4

Sabihun nimu sa kanda inda kang pagsabihun: Nu dayu kamu magpatingi sa kangku ag dayu magsunud sa kang ipinakaun pag sugu sa kanyu,

Hirimyas 28:8

Ti manga purupita inmuna sa kanta magsabi kaybi kuntay rumas-ug ti girahan, lun-us, ag sakit sa mayamu pag nasyun hanggan sa manga bantug pag kaharian.

Hirimyas 32:23

Nagbaliw kanda inda dapat unman sida nagsunud sa kanmu ngatay sa kanmu manga kasuguan, bag-u balaw nida binuwat ti pag-ipabuwat nimu sa kanda. Nakan pinadaran-an nimu sida kadamhakan.

Hirimyas 40:2

Pagka nakitan ni Nibusaradan si Hirimyas, magkun siya sa kanya, “Ti Panginuun kanmu Diyus magsabi wayakun niya ti Hirusalim.

Karukuan 1:18

Magkun ti Hirusalim, “Matadlung ti Panginuun; dapat unman niku sinunud kay sugu. Kamu tanan pag nasakupan, pagpatingi kamu ag bantayi niyu kang kakurian. Binihag kang kalay-awan manga babayi ag lalaki.

Karukuan 2:17

Binwat Panginuun kay ginayak buwatun. Tinupad gid niya kay pagsabihun kaybi. Ipinadamhak niya kamu unman may awa. Pinasulung niya kanyu kalaban sa kanyu kadamhakan ag pinahintulutan niya magpadayaw sida sa kanda kapangyarihan.

Danyil 9:13

Nagras-ug inda pag parusa sa kanmi angay sa nisurat sa Kasuguan ni Muysis. Lang madi katida ti nangyari, Panginuun nimi Diyus, balaw nimi sinikap makabaya kawu sa kanmi sa panab-anan pagpatlikud sa kanmi manga kasalanan ag ti pagkilala sa kanmu katutuuhanan.

Husyas 7:12

Sa kanda mag-atag sa tunda pag manga rugar, amparahun niku sida parihu sa manuk lambatun ag butungun tag sirung. Parusahan niku sida angay sa kang sinabi sa kanda magtiripun.

Libitiku 26:18

Ag nu dayu waya gid kamu mamatingi sa kangku, parusahan niku kamu pitu ka ulit.

Binwat 3:23

Una si unu pag tawu nu unman magpaniwala sa tunda pag purupita, udyi siya sakup sa nasyun Diyus, pihu matyun.’

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.

Huswi 23:15

Dapat kainda tinupad Panginuun niyu Diyus ti tanan niya itinaratu sa kanyu, tupadun diman niya sa kanyu ti ipinasandam niya pag parusa tugka sa maipadamhak niya kamu sa siyun pag marinu daga ipinakaun niya sa kanyu.

Talaghusay 2:15

Nu maglaban sida, pag-ipatalu sida Panginuun, angay sa kay sinabi. Nakan masyadu gid sida nakurian.

1 Samwil 12:15

Dapat nu unman patingihan niyu kay pagsabihun Panginuun, ag nu maglapastangan sa kay manga bilin, bumaliw kalaban niyu siya parihu sa kaybi sa kanyu manga ginurang.