Libitiku 26:12 - Hanunuu

¹² Mangulian aku sa kanyu hampay aku pumirmaminti bumaliw Diyus niyu ag kamu pumirmaminti bumaliw nasakupan niku.

Libitiku 26:12 Iomraidhean Croise

Gimpuunan 17:7

Tupadun niku kang kasunduan sa kanmu hanggan sa manga linahi nimu sa sunud pag manga sinulput tawu, aku kanyu Diyus hanggan aban. Inda pag kasunduan pumarargu hanggan aban.

Gimpuunan 17:8

Kamu manga day-uhan lang taynguna sa daga Kanaan. Dapat ipakaun niku inda pag buu daga sa kanmu hanggan sa kanmu manga linahi. Kanyu yi inda hanggan aban, ag aku kanyu Diyus hanggan aban.”

Gimpuunan 3:8

Pagka magkamalambung yi, nasaydan nida ti Panginuun Diyus maglakaw sa halamanan. Nakan napatagu sida sa manga mapuun kayu sa halamanan.

Gimpuunan 5:22

Pagka nianak si Matusalim, nabuhi waya si Inuk 300 ka timpu ag nadugangan waya kay manga anak. Tunda katpung, marapakiusa si Inuk sa Diyus. Manga 365 ka timpu yi siya kay nadura, dahil bin-ul siya Diyus.

Gimpuunan 6:9

Inda ti tultulanun tungkul sa linahi ni Nuwi. Si Nuwi matadlung pag tawu. Siya lang ti magkabuhi matadlung sa kay kapanahunan, ag magkabuhi siya kaibahan ti Diyus.

2 Samwil 7:7

Sa kang pagpasalyu-salyu kaibahan ti manga nasakupan niku Israilita, unman aku nagriklamu sa manga takinan Israil, ti manug-alaga sa kang nasakupan. Unman ngani aku nagpaingana nu hayga unman nida aku pagpabwatan balay buwat sa sidru.’

Kanta 50:7

Magkumun waya ti Diyus, “Kamu kang nasakupan, patingihi niyu kang sabihun. Aku ti Diyus, kanyu Diyus; kumastigus aku taynguna laban sa kanyu manga taga Israil.

Pag-ighit 29:45

Mangulian aku kaibahan manga Israilita ag bumaliw aku kanda Diyus.

Pag-ighit 29:46

Maalaman nida aku ti Panginuun kanda Diyus ti nagpalwas sa kanda sa Ihiptu hampay mangulian aku kaibahan nida. Hu, aku, ti Panginuun kanda Diyus.

Pag-ighit 3:6

Aku ti Diyus nimu manga ginurang, ti Diyus nida ni Abraham, ni Isaak, ag ni Hakub.” Pagka nadnugan inda ni Muysis, tinakluban niya kay uyahun, dahil magkadala siya magbantay sa Diyus.

Pag-ighit 6:7

Kilalan-un niku kamu kang nasakupan ag aku kanyu Diyus. Makilala gid niyu aku ti Panginuun kanyu Diyus, ti nagpalpas sa kanyu sa pagkapanawuhun sa Ihiptu.

Isayas 12:2

Kawu pag Diyus kang Manugribri. Manarig aku sa kanmu ag balaw yi madala. Kawu, Panginuun, ti magpakaun kabisugan sa kangku, kawu kang karantahun. Kawu ngani ti nagribri sa kangku.”

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Hirimyas 11:4

Isinugu niku inda sa kanyu manga ginurang pagka sa sirang ipinalwas niku sida sa Ihiptu, sa rugar ga maglabdaban pugun turunawan baul. Magkun aku sa kanda, ‘Nu sundun niyu aku hanggan ti tanan niku pag-isugu, kamu kang yi nasakupan ag aku yi kanyu Diyus.

Hirimyas 30:22

bumaliw nasakupan niku sida ag aku bumaliw kanda Diyus.

Hirimyas 31:33

Magkun waya ti Panginuun, “Inda ti bag-u pag kasunduan kang buwatun sa manga taga Israil sa aratubangun pag udas: Ipauli niku ti manga kasuguan niku sa kanda manga naisipan ag isurat niku inda sa kanda manga tagipusuun. Aku bumaliw Diyus nida ag sida bumaliw manga nasakupan niku.

Hirimyas 32:38

Kilalan-un niku sida kang nasakupan, ag kilalan-un waydi nida aku kanda Diyus.

Hirimyas 7:23

sinugu diman niku sida kaindaay: ‘Sundun niyu aku, aku bumaliw yi kanyu Diyus ag kamu bumaliw yi nasakupan niku. Mangabuhi kamu angay sa palakaw pag-isugu niku sa kanyu hampay mayad kanyu kahamtangan.’

Isikil 11:20

Tupadun yi niyu kang manga sugu ag manga surundanun. Bumaliw nasakupan niku kamu, ag aku bumaliw kanyu Diyus.

Huwil 2:27

Bag-u maalaman niyu manga taga Israil aku kanyu kaibahan, ag aku lang ti Panginuun niyu Diyus ag udyi may iba waya. Kamu kang nasakupan balaw yi gid mangay-a hanggan aban.”

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Bilang 5:3

Palwasan niyu sida, lalaki man ngatay babayi hampay balaw nida mauringan ti kampu, nu naan aku mangulian kaibahan niyu.”

Matiyu 22:32

‘Aku ngani ti Diyus ni Abraham, Diyus ni Isaak ag Diyus ni Hakub.’ Ti Diyus balaw Diyus manga namatay nu unman Diyus ngap manga tawu may buhi.”

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

Diyuturunumiyu 23:14

Dahil ti Panginuun niyu Diyus magpalibut sa kanyu kampu hampay iribri kamu ag iayaw sa kanyu ti manga kalaban niyu. Nakan kailangan malumpiyu kanyu kampu hampay unman siya may mag-akitan balaw mayad, ag hampay balaw niya kamu tayakan.

Diyuturunumiyu 23:15

“Nu ti usa ka suruguun nalagiw ginan sa kay amu ag namaawat sa kanyu, danga siya pagpilita bumalik sa kay amu.

Hibriyu 11:16

Dapat taynguna paghingabtun nida ti lalu mayad pag ulian, kay ibug sabihun sa langit yi ngap pag ulian. Nakan ti Diyus unman mangay-a una pag-ingarnan nida siya kanda Diyus, dahil kay inalistuhan sida usa ka banwa.

Ipinakakit 2:1

“Isurat nimu inda para sa anghil magbantay sa iglisya sa banwa Ipisu: “Inda ti magsabi imaw yi ngani ti may bitbit pitu ka pamgasan sa kay sikun pag kamang, tiglakaw sa karaw-an pitu ka sulu gintu:

Ipinakakit 21:7

Inda ti matanggap tawu nu manalu. Aku yi ti Diyus niya, siya kang yi waydi gid anak.