Libitiku 25:10 - Hanunuu

¹⁰ Ibilang niyu ti ika-50 pag timpu bilang mahalaga pag timpu, dahil panahun inda pagpalpas manga suruguun hampay makabalik yi sida sa kanda magtal-anakan hanggan pag-uli sa may apu kanda manga daga ipinabili.

Libitiku 25:10 Iomraidhean Croise

Isra 1:3

Kamu tanan pag nasakupan Diyus, pagbalik yi kamu sa Hirusalim ag patindugan maan niyu ati ti Balay Diyus Panginuun, Diyus Israil, ti mag-ulian sa tunda pag banwa. Ag mana ibahan kamu niyu Diyus!

Kanta 146:7

Pagpakan-an niya katadlungan ti manga pag-apihun, ag pagpakan-an niya karan-unun ti manga magkalun-us. Pinalpasan niya ti manga pirisu,

Pag-ighit 20:2

“Aku ti Panginuun niyu Diyus ti nagpalwas sa kanyu sa Ihiptu nu naan kamu pag binwat panawuhun.

Isayas 49:9

Sabihun nimu sa manga Israilita nabihag hanggan sa napirisu sa kadudulman, ‘Pagluwas kamu! Ribri yi kamu!’ “Miparihu sida sa manga karanidu magharab sa saruy manga dalan ngatay sa manga padang.

Isayas 63:4

Binwat niku inda dahil rinmas-ug yi ti sirang pagbalus niku sa kang manga kalaban ag iribri niku kang manga nasakupan.

Hirimyas 34:10

Ti tanan tawu, hanggan ti manga pinunu nagpasnu sa inda pag kasunduan, ag pinalpasan nida kanda manga panawuhun — lalaki man ngatay babayi.

Hirimyas 34:8

May pagsabihun waya ti Panginuun sa kan Hirimyas katpung nagbuwat kasunduan si Hari Sidikyas sa tanan taga Hirusalim kuntay palpasan niya ti manga panawuhun.

Isikil 46:17

Dapat nu ipakaun niya inda sa usa niya ka suruguun, sa suruguun yi inda tugka lang sa Timpu Pagpalpas ag Pagbalik. Sa inda pag timpu, iuli suruguun ti daga sa takinan. Ti manga anak lang gid takinan ti makaapu sa kay daga tugka aban.

Libitiku 25:11

Sa tunda pag Timpu Pagpalpas ag Pagbalik, danga kamu magtanum, ag danga diman kamu mag-ani una magbugtas manga burak tanum nagtubu lang, dapat mahimu kamu makabuul tugka lang kan-un. Banal inda pag timpu para sa kanyu.

Libitiku 25:13

Sa tunda pag timpu, ti kada usa sa kanyu, ti tanan ipinabili sa kanyu pag kasiyunan ulian niyu sa kay apu.

Libitiku 25:41

Sa tunda pag timpu, nalukat yi siya hanggan kay manga anak, bag-u makabalik yi sida sa kanda manga katawuhan ag kanda yi maan ti manga kasiyunan nida manga ginurang.

Libitiku 25:54

Nu unman siya malukat sa tunda pag manga paraan, mapalpasan di maan siya hanggan kay manga anak sa Timpu Pagpalpas ag Pagbalik.

Lukas 1:74

Kita kay iribri sa kamang nita manga kalaban, agud masirbihan nita siya unman may kadalaan.

2 Kurintu 3:17

Kang pagkumnun Panginuun imaw ti Ispiritu. Nu naan ti Ispiritu Panginuun asan diman waydi ti kaluagan.

Galasya 4:25

Si Hagar nipahalimbawa sa Bantud Sinai sa daga Arabya, larawan diman tungkul sa Hirusalim kainda panawuhun diman waydi hanggan ti tanan manga tawu sakup banwa Hirusalim.

Galasya 5:13

Manga patar-ari, pinili kamu hampay balaw panawuhun Kasuguan. Pagka kainda kamu balaw yi panawuhun, danga waydi pasibut-an yi lang niyu ti daut kagustuhan niyu naisipan. Kailangan ngap pasibut-an niyu kanyu pagmahal, hampay magsirirbihan kamu sa usa kag sa usa.

1 Pidru 2:16

Kamu manga irinibri yi, dapat una kamu may karibrihan danga waydi niyu buwatun purun-an buwat daut, kailangan ngap pagga manga panawuhun Diyus kanyu ugali.