Libitiku 24:9 - Hanunuu

⁹ Inda pag manga tinapay para sa kan Aarun hanggan sa kay manga magtal-anakan. Kan-un nida inda sa banal pag rugar ati sa Turda, dahil banal gid inda pag bahagi handug para sa Panginuun sa panab-anan apuy. Ag para gid inda sa kanda hanggan aban.

Libitiku 24:9 Iomraidhean Croise

Pag-ighit 27:21

Ipauli kay sukadan sulu sa luwas limbun magtakip sa Kaban Kasunduan. Si Aarun ag kay manga anak lalaki ti mangasikasu sa manga sulu sa Turda Tiripnan. May duag kailangan inda sa kang atubangan ginan sa yabi tugka sa surip. Inda pag surundanun kailangan sundun manga Israilita hanggan sa sunud nida pag manga sinulput tawu.”

Libitiku 10:12

Sinabi ni Muysis sa kan Aarun hanggan sa kay duwa ka anak nasawad, si Iliyasar ag si Itamar, “Bul-a niyu ti nasawad pag handug pasalamat ginan sa manga handug sa panab-anan apuy ihinandug sa Panginuun. Tamaa niyu inda balaw may lakay pamadaka ag kan-a niyu sa may arani harandugan dahil banal gid inda pag handug.

Libitiku 10:17

Magkun siya, “Hayga balaw niyu kinaun ti handug sa paglumpiyu kasalanan sa banal pag rugar? Inda pag handug banal gid ag ipinakaun inda Panginuun sa kanyu hampay malukat ti nasakupan Israil sa kanda manga kasalanan sa atubangan Panginuun.

Libitiku 24:10

Kaybi, may usa ka tawu kay ama taga Ihiptu bag-u kay ina Israilita. (Kay ngaran niya ina si Silumit, kay anak ni Dibri ginan sa lahi ni Dan.) Nangaway inda pag tawu sa usa ka Israilita ati sa kampu, bag-u pinuyaan niya ti ngaran Panginuun. Nakan dinara nida siya tag sa kan Muysis,

Libitiku 3:17

Danga kamu magkaun taba ngatay dugu. Inda pag surundanun kailangan sundun niyu hanggan niyu sunud pag manga sinulput tawu, una naan kamu pag mangulian.

Libitiku 6:11

Bag-u ilisan niya kay rutay ag darahun niya ti dapug sa luwas kampu, sa rugar pagkilalan-un malumpiyu.

Libitiku 6:16

Ti nasawad pag arina tamaun ag kan-un ni Aarun kaibahan kay manga lahi. Dapat tamaun nida inda unman may pamadaka, ag kan-un nida ati sa may sabian Turda Taragbuan, usa ka banal pag rugar. Ipinakaun tunda Panginuun sa kanda bilang bahagi manga handug sa panab-anan apuy. Banal gid ti handug pasalamat sa Panginuun, ga handug sa paglumpiyu ag panlukat sa kasalanan.

Libitiku 8:31

Magkun si Muysis sa kan Aarun hanggan sa kay manga anak, “Tamaa niyu ti taguban sa may sabian Turda Taragbuan, ag angay sa pag-isugu niku sa kanyu kan-a niyu tunda kaibahan ti manga tinapay sa alat ti ihinandug para sa pagtalaga.

Malakyas 1:12

Dapat kamu, pagpakay-ahun niyu kang ngaran magkumun kamu mauring kang harandugan ag unman may pulus ti manga pag-isagda ati.

Matiyu 12:4

Nagsaka siya sa Balay Diyus nagkaun siya hanggan kay manga kaibahan tunda pag tinapay ti ibinugtang ipinakaun sa atubangan Diyus. Bawal sa Kasuguan nu dapat unman sida nagsalan kan-un nida tunda pag tinapay dahil ti manga manughandug lang ti mahimu kumaun tunda.

Markus 2:26

Nagsaka kabay si Dabid sa Balay Diyus katpung pangulu manughandug si Abiyatar. Kinaun ni Dabid ti tinapay ti ibinugtang ipinakaun sa atubangan Diyus. Tunda pag tinapay unman mana may makakaun iba nu unman ti manga manughandug lang. Dapat kinaun ngap ni Dabid tunda pag tinapay bag-u pinakan-an niya hanggan kay manga kaibahan.”

Lukas 6:4

Nagsaka kabay si Dabid sa Balay Diyus, binmuul siya tinapay, tunda pag tinapay ihinandug sa Diyus, kinmaun siya ag pinakan-an diman niya hanggan kay manga kaibahan. Tunda pag tinapay unman mana may makakaun iba nu unman ti manga manughandug lang.”

1 Samwil 21:6

Nakan dahil sa unman may pankaraniwan tinapay, pinakan-an lang manughandug siya tinapay ihinandug sa atubangan Diyus, ginan sa babaw lamisa ag kay di maan inilisan bag-u pag tinapay sa tunda diman pag sirang.