Libitiku 24:8 - Hanunuu

⁸ Kailangan pirmi gid magpauli tinapay sa atubangan Panginuun sa kada Sirang Pamahari. Katungkulan niyu inda manga Israilita tugka aban.

Libitiku 24:8 Iomraidhean Croise

1 Krunika 23:29

Sida diman ti piniyaran sa banal pag tinapay pag-ipauli sa lamisa, sa arina para sa manga handug pamakaun, sa tinapay unman may pamadaka, ag sa iba waya pag pagtamaun ag panlakay. Sida diman ti piniyaran sa pagkilu ag sa pagsukat sa tanan handug.

1 Krunika 9:32

Ti iba pag manga lahi ni Kuhat imaw ti piniyaran sa paghanda ag pagpauli manga tinapay sa lamisa kada Sirang Pamahari.

2 Krunika 13:11

Kada surip ag yabi, maghandug sida sa Panginuun manga handug pagsunugun ag kamangyan. Magpauli sida tinapay sa lamisa pag baliwun malumpiyu. Ag kada yabi, pagsantikan nida ti manga sulul-an asan sa gintu pag manga palaulian. Pagtupadun nimi ti manga sugu Panginuun kanmi Diyus. Dapat kamu, binugyahan niyu siya.

2 Krunika 2:4

Mamatindug aku Balay Diyus para sa kadayawan Panginuun niku Diyus. Bumaliw banal inda pag rugar pagsunugan mabanglu pag kamangyan ag pirmi may handug banal pag tinapay. Sitay diman pag mamakaun manga handug pagsunugun kada surip ag yabi, una sa manga Sirang Pamahari, sa Pista Lapus Lati ag sa iba waya pag manga pista sa ikadayaw sa Panginuun nimi Diyus. Inda pag surundanun kailangan tupadun manga taga Israil tugka aban.

Nihimyas 10:33

Nakatigana inda para sa tinapay pag-isagda sa atubangan Diyus, sa manga handug pagsunugun hanggan manga handug pagkilala sa Panginuun pag-isagda sirang-sirang, sa manga handug para sa Sirang Pamahari, para sa Pista Lapus Lati, ag sa iba waya pag manga pista, hanggan sa iba waya manga banal pag handug parihu sa handug sa paglumpiyu pag-ihandug hampay malukat ti nasakupan Israil sa kanda manga kasalanan. Paggamitun diman inda pag kuwarta sa iba waya pag manga pangangailangan sa Balay Diyus nimi Diyus.

Pag-ighit 25:30

Kailangan pirmi paulian tinapay handug sa kang atubangan ti lamisa.

Bilang 4:7

“Sapinan diman nida marutum pag rutay ti lamisa burugtangan tinapay pag-ihandug sa atubangan Diyus; ag ipauli nida sa lamisa ti manga pinggan, manga tasa, manga ungut, manga siburan pagsukadan manga handug irinmun, ag ti manga tinapay pirmi sa lamisa.

1 Samwil 21:7

Sa tunda diman pag sirang, asan waydi kay suruguun ni Saul si Duig taga Idum. Siya ti takinan manga manug-alaga hayup ni Saul. Nagsiyun siya dahil may turupadun siya sa Panginuun.