Libitiku 24:5 - Hanunuu

⁵ Pagbuwat kamu 12 ka bilug tinapay, ti kada usa binwat ginan sa upat ka kilu arina marinu pag kalasi.

Libitiku 24:5 Iomraidhean Croise

1 Hari 18:31

Binmuul siya 12 ka batu, tanda 12 ka linahi manga anak ni Hakub, ti tawu pinaingarnan Panginuun Israil.

1 Krunika 23:29

Sida diman ti piniyaran sa banal pag tinapay pag-ipauli sa lamisa, sa arina para sa manga handug pamakaun, sa tinapay unman may pamadaka, ag sa iba waya pag pagtamaun ag panlakay. Sida diman ti piniyaran sa pagkilu ag sa pagsukat sa tanan handug.

1 Krunika 9:32

Ti iba pag manga lahi ni Kuhat imaw ti piniyaran sa paghanda ag pagpauli manga tinapay sa lamisa kada Sirang Pamahari.

2 Krunika 13:11

Kada surip ag yabi, maghandug sida sa Panginuun manga handug pagsunugun ag kamangyan. Magpauli sida tinapay sa lamisa pag baliwun malumpiyu. Ag kada yabi, pagsantikan nida ti manga sulul-an asan sa gintu pag manga palaulian. Pagtupadun nimi ti manga sugu Panginuun kanmi Diyus. Dapat kamu, binugyahan niyu siya.

Nihimyas 10:33

Nakatigana inda para sa tinapay pag-isagda sa atubangan Diyus, sa manga handug pagsunugun hanggan manga handug pagkilala sa Panginuun pag-isagda sirang-sirang, sa manga handug para sa Sirang Pamahari, para sa Pista Lapus Lati, ag sa iba waya pag manga pista, hanggan sa iba waya manga banal pag handug parihu sa handug sa paglumpiyu pag-ihandug hampay malukat ti nasakupan Israil sa kanda manga kasalanan. Paggamitun diman inda pag kuwarta sa iba waya pag manga pangangailangan sa Balay Diyus nimi Diyus.

Nihimyas 10:34

Nanlunggungan kami tanan, hanggan ti manga manughandug nimi ag manga Libita, hampay maalaman nimi nu kapira pag mandara pamagba ti kada magtal-anakan kada timpu hampay gamitun sa manga handug sa harandugan Panginuun nimi Diyus, angay sa nakasurat sa Kasuguan.

Pag-ighit 25:30

Kailangan pirmi paulian tinapay handug sa kang atubangan ti lamisa.

Pag-ighit 39:36

ti lamisa hanggan ti tanan kagamitan siyun; ti tinapay handug sa atubangan Diyus;

Pag-ighit 40:23

Ipinauli niya sa lamisa ti tinapay handug sa atubangan Panginuun. Binuwat niya inda tanan angay sa isinugu Panginuun sa kanya.

Pag-ighit 40:4

Ipaslud diman nimu ati ti lamisa ag paulian ti manga kagamitan siyun. Ipaslud diman nimu ati ti palaulian sulu ag paulian kay manga sulu.

Bilang 4:7

“Sapinan diman nida marutum pag rutay ti lamisa burugtangan tinapay pag-ihandug sa atubangan Diyus; ag ipauli nida sa lamisa ti manga pinggan, manga tasa, manga ungut, manga siburan pagsukadan manga handug irinmun, ag ti manga tinapay pirmi sa lamisa.

Matiyu 12:4

Nagsaka siya sa Balay Diyus nagkaun siya hanggan kay manga kaibahan tunda pag tinapay ti ibinugtang ipinakaun sa atubangan Diyus. Bawal sa Kasuguan nu dapat unman sida nagsalan kan-un nida tunda pag tinapay dahil ti manga manughandug lang ti mahimu kumaun tunda.

Binwat 26:7

Imaw diman pag taratu ti pag-asahan sampulu may duwa ka linahi nita nasyun, nakan sida masipag gid sa kanda magsamba sa Diyus sirang yabi. Dahil sa kang mag-asa, Hari Agripa, sa tunda pag taratu, nakan aku idinimanda ngap manga Hudiyu.

Hibriyu 9:2

Binwat nida ti usa ka Turda. Kay sanggaan iningarnan Banal pag Sulud-sulud. Ati kay palaulian sulu, kay lamisa, hanggan kay tinapay pag-ibugtang sa atubangan Diyus.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.

1 Samwil 21:6

Nakan dahil sa unman may pankaraniwan tinapay, pinakan-an lang manughandug siya tinapay ihinandug sa atubangan Diyus, ginan sa babaw lamisa ag kay di maan inilisan bag-u pag tinapay sa tunda diman pag sirang.

1 Samwil 21:7

Sa tunda diman pag sirang, asan waydi kay suruguun ni Saul si Duig taga Idum. Siya ti takinan manga manug-alaga hayup ni Saul. Nagsiyun siya dahil may turupadun siya sa Panginuun.