Libitiku 24:19 - Hanunuu

^19-20 Nu pinahamakan usa ka tawu kay kaparihu, kailangan pinsalaun diman waydi siya parihu diman sa kay binwat: Nu binari niya ti but-ul iba, bariun diman waydi kay but-ul, nu nanluwat siya mata manga iba, luwatun diman waydi kanya pag mata, hanggan nu rinungab niya ti ngipun manga iba, rungabun diman waydi kanya pag ngipun.

Libitiku 24:19 Iomraidhean Croise

Pag-ighit 21:23

Dapat nu masyadu ti nangyari sa babayi, parusahan ti nakabuwat inda parihu sa nangyari sa babayi. Nu namatay ti babayi, matyun diman siya.

Pag-ighit 21:24

Nu nabuta ti babayi, butaun diman siya. Nu napuil ti ngipun babayi, puilun diman ti ngipun niya. Nu nabari ti kamang ngatay lulud, bariun diman ti kamang ngatay lulud niya.

Pag-ighit 21:25

Nu napali, paliun diman siya. Nu nabiyagan, biyagan diman siya. Nu nagarusan, garusun diman siya.

Libitiku 24:18

Ag ti tawu makamatay sa hayup iba kailangan ilisan niya inda, dahil may buhi diman waydi inda pag hayup, nakan kailangan buhi waydi kay iilis.

Matiyu 5:38

Magkun si Hisus, “Nadnugan niyu may ibinilin magkun, ‘Nu mata, kay balus mata waydi. Nu ngipun, kay balus ngipun waydi.’

Matiyu 7:2

Dahil pihuun kamu Diyus angay sa kanyu magpihu sa iba nu daut nu mayad. Kanyu gamitun pag panukat sa iba imaw diman pag panukat ti gamitun Diyus sa kanyu.

Diyuturunumiyu 19:21

Kailangan danga kamu mamakakit kanyu pangaawa. Nu minatay usa ka tawu kay kaparihu, kailangan matyun waydi siya. Nu binuta niya, kailangan butaun waydi siya. Nu rinungaban niya, kailangan rungaban waydi siya. Nu binarian niya kamang ngatay lulud, kailangan barian diman kamang ngatay lulud siya.

Talaghusay 1:7

Magkun si Aduni Bisik, “70 ka hari ti pinanpuldan niku ina-ina kamang ag lulud bag-u namunpun sida dabu sa kang sirung lamisa. Bag-u kainda binwat diman Diyus sa kangku ti binwat niku sa kanda.” Bag-u dinara nida si Aduni Bisik sa Hirusalim, ag ati siya namatay.