Libitiku 23:6 - Hanunuu

⁶ Ag sa ika-15 pag sirang sa tunda diman pag bulan, umumpisa waydi ti Pista Tinapay Unman may Pamadaka. Pitu ka sirang inda pag pista, ag sa tunda pag manga sirang kanyu kan-un pag tinapay unman diman may pamadaka.

Libitiku 23:6 Iomraidhean Croise

Pag-ighit 12:14

“Kailangan kanyu tandaan inda pag sirang hanggan aban. Idaus niyu inda timpu-timpu bilang pista pagkilala sa kangku. Inda pag surundanun kanyu sundun tugka sa sunud pag manga sinulput tawu.

Pag-ighit 23:15

Tupada niyu ti Pista Tinapay Unman may Pamadaka. Angay sa isinugu niku sa kanyu, pagkaun kamu tinapay unman may pamadaka sa sulud pitu ka sirang. Buwata niyu inda sa itinagka pag udas sa bulan Abib, dahil tida pag bulan kamu pag nagluwas sa Ihiptu. Ti kada usa sa kanyu kailangan dumara sa kangku handug sa tida pag udas.

Pag-ighit 34:18

“Idaus niyu ti Pista Tinapay Unman may Pamadaka. Angay sa kang pag-isugu sa kanyu, pagkaun kamu tinapay unman may pamadaka sa sulud pitu ka sirang. Buwata niyu inda sa itinagka pag udas sa bulan Abib, dahil tida pag bulan kamu pag nakalwas sa Ihiptu.

Diyuturunumiyu 16:3

Kan-un niyu inda kaibahan ti tinapay unman may pamadaka. Sa sulud pitu ka sirang magkaun kamu tinapay unman may pamadaka parihu sa kanyu binuwat pagka kamu mag-apura mighit ginan sa Ihiptu. Kan-a niyu inda pag tinapay tanda sa kanyu manga pag-agwantahun, hampay maalaala niyu sa buu niyu buhi ti udas nagluwas kamu sa Ihiptu.

Diyuturunumiyu 16:8

Sa sulud unum ka sirang, pagkaun kamu tinapay unman may pamadaka. Ag sa ikapitu pag sirang, danga kamu magtarabahu, bagkus ngap pagtiripun kamu sa pagsamba sa Panginuun niyu Diyus.