Libitiku 23:40 - Hanunuu

⁴⁰ Sa un-an pag sirang, pagbuul kamu pinakamayad pag manga burak manga kayu, manga paklang palma, manga maraybung pag sanga kayu, una manga dariit kayu sa laad, bag-u pagmasulung kamu sa atubangan Panginuun kanyu Diyus sa sulud pitu ka sirang.

Libitiku 23:40 Iomraidhean Croise

Kanta 137:2

Isinad-ang yi lang nimi kanmi manga alpa sa manga sanga kayu.

Kanta 92:12

Ti manga matadlung mag-alwan ga manga palma maglangba, ag rumig-un sida parihu sa manga kayu sidru sa Libanun.

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Isayas 44:4

Lumangba sida parihu sa tanum abunda sa danum ngatay parihu sa manga kayu sa saruy sapa.

Isayas 66:10

Kamu tanan manga magmahal sa Hirusalim, pagmasulung kamu kaibahan nida. Hanggan kamu pag manga maglumi sa kanda, pagbaya kamu sa kanya,

Libitiku 23:39

Nu tungkul sa Pista sa Pagbuwat manga Payag, idaus niyu inda pag-alaala sa Panginuun umpisa sa ika-15 pag sirang sa ikapitu pag bulan, pagkatapus tig-arani. Idaus niyu inda sa sulud pitu ka sirang; danga kamu magtarabahu sa un-an pag sirang hanggan sa ikawalu pag sirang.

Libitiku 23:41

Idaus niyu ti pista sa ikapitu pag bulan kada timpu sa pag-alaala sa Panginuun. Sa sulud pitu ka sirang, tanan kamu ti manga tumanduk pag manga Israilita pag-uli sa manga payag hampay maalaman niyu manga linahi kuntay ipinauli Panginuun niyu Diyus kanyu manga ginurang sa manga payag katpung ipinalwas niya sida gin sa Ihiptu. Inda pag surundanun kailangan tupadun niyu tugka sa sunud pag manga sinulput tawu.

Matiyu 21:8

Mayamu pag manga tawu ti nagsagmak manga rutay sa dalan, ti iba nagbuul labung kayu kanda ilinatag sa dalan.

Huwan 12:13

nam-ul sida manga paklang palma bag-u linmakaw sida nagsulang sa kan Hisus sa dalan. Nanarawagan ti manga tawu magkun, “Dayawun nita ti Diyus. Papaladan Diyus ti sumitay sa ngaran Panginuun. Papaladan Diyus ti Hari Israil.”

Huwan 16:22

Katunda diman kamu. Taynguna kamu maruku, dapat pumakakit di maan aku aban sa kanyu bag-u makabaya gid kanyu tagipusuun ag udyi may tawu bum-ul kanyu kabayaan sa tagipusuun.

Ruma 5:11

Bukun lang tunda. Magbaya kita dahil sa kanta pakiusa sa Diyus sa panab-anan nita Panginuun Hisu-Kiristu. Dahil ginan sa kanya pinaunyun kita Diyus atag sa kay sadili.

Diyuturunumiyu 12:12

Ati kamu pag magbarayaan sa atubangan Panginuun niyu Diyus, kaibahan kanyu manga anak ag manga panawuhun, hanggan ti manga suruguun ag manga mag-ulian sa kanyu banwa pag manga Libita balaw may daga minana.

Diyuturunumiyu 12:7

Ati kamu pag pagkaun hanggan kanyu magtal-anakan sa atubangan Panginuun niyu Diyus, ag pagbaya kamu sa tanan niyu binwat dahil pinapaladan kamu Panginuun.

Pilipus 3:3

Kabay kita yi ngap ti tutuu manga tinuri. Dahil magsamba kita sa Diyus angay sa udyuk Ispiritu Banal. Magbaya kita sa kanta pakiusa sa kan Kiristu Hisus ag unman may pagsarigan kita sa kanta sadili bilug.

Pilipus 4:4

Pagbaya kamu pirmi sa kanyu magpakiusa sa Panginuun, ulitun waya gid niku maan magkun, pagbaya kamu!

1 Pidru 1:8

Balaw duy nakitan niyu si Kiristu kaybi ginan, dapat malu kanyu minahal diman siya. Unman waya waydi nakitan niyu siya hanggan taynguna tugka, dapat kanyu ngap pagsarigan siya. Nakan ngani malapwasan diman sa kanyu tagipusuun kanyu kabayaan, balaw yi kaya mitultul tunda pag kabayaan.

Ipinakakit 7:9

Bag-u nakitan maan niku ti kayamu-yamuan kagadhan tawu dayi matabu mabilang una waya sitapu pag tawu. Sida ginan sa kada nasyun, sa kada linahi, sa kada histuda tawu, sa tanan kalasi pamagaw. Matindugan sida sa atubangan tukawan hari hanggan Anak Karanidu. Nakarutay sida manga malagti may bitbit sida panwasawas.