Libitiku 23:33 - Hanunuu

^33-34 Sinugu Panginuun si Muysis sabihi ti manga Israilita: Sa ika-15 pag sirang sa ikapitu pag bulan umumpisa ti Pista sa Pagbuwat manga Payag, buwata niyu inda sa sulud pitu ka sirang.

Libitiku 23:33 Iomraidhean Croise

1 Hari 12:32

Nagpaumpisa diman siya pista pag-idaus kada 15 pag sirang sa ikawalu pag bulan, parihu sa pista sa Huda. Sa tunda pag sirang, nanhandug siya manga handug sa harandugan para sa manga gintu baka kay ipinabwat ati sa Bitil. Ag ati siya pag nagpili manga manughandug hampay itigana niya sumirbi sa manga simbahan sa abwat pag rugar kay ipinabwat.

Isra 3:4

Idinaus diman nida ti Pista sa Pagpatindug manga Payag angay sa nisurat sa Kasuguan ni Muysis. Ag nagsagda sida manga handug pagsunugun angay sa itinagka pag handug kada sirang.

Isikil 45:25

Kainda diman ti ihandug takinan sa Pista Pagpatindug manga Payag, umpisa sa ika-15 pag sirang sa ika-7 pag bulan. Ag sa sulud diman pitu ka sirang, manhandug siya parihu diman pag manga handug kay ihinandug sa Kapistahan sa Pag-alaala sa Karibrihan: manga handug sa pagpalumpiyu, manga handug pagsunugun, manga handug pasalamat, hanggan lana ulibu.”

Sakaryas 14:16

Bag-u ti tanan masawad sa manga nasyun nan-gira sa Hirusalim tumukad sa inda pag banwa kada timpu hampay mansamba sa Hari, imaw ti Panginuun Makamaskihan, ag hampay idaus ti Pista Pagpatindug manga Payag.

Bilang 29:12

“Sa ika-15 pag sirang sa tunda diman pag bulan, danga kamu magtarabahu nu unman pagtiripun kamu pagsamba sa Panginuun. Pag-alistu kamu pista para sa Panginuun sa sulud pitu ka sirang.